ഫേസ്ബുക്കില് നഗ്നചിത്രം, കേണലിനെതിരെ പരാതിയുമായി മകള്!
ലഖ്നൊ: സോഷ്യല് നെറ്റ്വര്ക്കിംഗ് വെബ്സൈറ്റായ ഫേസ്ബുക്കില് അശ്ലീല ചിത്രം പോസ്റ്റ് ചെയ്ത പട്ടാളക്കാരനെതിരെ മകള് പരാതി നല്കി. ഫേസ്ബുക്കില് ഫേക്ക് അക്കൗണ്ടുണ്ടാക്കി സ്വന്തം നഗ്നചിത്രം പോസ്റ്റ് ചെയ്ത കേണല് സന്ദീപ് നൈനിനെതിരെയാണ് 17 കാരിയായ മകള് പോലീസിനെ സമീപിച്ചത്. പൊതു ഇടത്തില് അശ്ലീലം പ്രചരിപ്പിക്കുക വഴി അച്ഛന് തനിക്ക് അപമാനമുണ്ടാക്കി എന്നാണ് പരാതി.
തന്റെ അച്ഛന്റേതാണ് ഫേസ്ബുക്കിലെ അശ്ലീല ചിത്രങ്ങളെന്ന് തിരിച്ചറിഞ്ഞ കൂട്ടുകാര് തന്നോട് സംസാരിക്കുന്നത് പോലും നിര്ത്തി എന്ന് പെണ്കുട്ടി പറയുന്നു. ഇത് കാരണം കോളേജില് പോകുന്നത് പോലും നിര്ത്തിയിരിക്കുകയാണ് പെണ്കുട്ടി. തന്റെ കൂട്ടുകാരുടെ കൈകളിലെല്ലാം ചിത്രം എത്തിയതോടെ നാണക്കേട് കാരണം അവരുടെ മുഖത്തുപോലും നോക്കാന് കഴിയാത്ത സ്ഥിതിയിലാണത്രെ കുട്ടി.
ഉത്തര് പ്രദേശിലെ ലഖ്നൊവിനടുത്ത് ആഷിയാന പോലീസ് സ്റ്റേഷനിലാണ് പെണ്കുട്ടി അച്ഛനെതിരെ പരാതിയുമായി എത്തിയത്. സുധീര് സിംഗ് എന്ന പേരില് ഫേസ്ബുക്കില് വ്യാജ അക്കൗണ്ട് ഉണ്ടാക്കിയാണത്രെ കേണല് സന്ദീപ് നൈന് സ്വന്തം നഗ്നചിത്രങ്ങള് പോസ്റ്റ് ചെയ്തത്. മകളുടെ കോളേജിലെ കൂട്ടുകാര് പലരും കേണലിന്റെ വ്യാജ അക്കൗണ്ടിലെ സുഹൃത്തുക്കളായിരുന്നു.
ഫോട്ടോ കണ്ട കൂട്ടുകാരാണ് പെണ്കുട്ടിയോട് കാര്യം പറഞ്ഞത്. അമ്മയോടൊപ്പം ലഖ്നൊവിലാണ് പെണ്കുട്ടി താമസം. അച്ഛന് പഞ്ചാബിലും. ഐ ടി ആക്ട് പ്രകാരം അച്ഛനെതിരെ നടപടിയെടുക്കണം എന്നാണ് പെണ്കുട്ടിയുടെ ആവശ്യം. ലഖ്നൊ സൈബര് സെല്ലിന് കേസ് കൈമാറിയിരിക്കുകയാണ് ആഷിയാന പോലീസ്. സംഭവം സൈബര് സെല് അന്വേഷിക്കുമെന്ന് ആഷിയാന പോലീസ് സ്റ്റേഷന് ഓഫീസര് സുധീര് കുമാര് പറഞ്ഞു.