സുഹൃത്തിന്‍റെ ഭീഷണി വിദ്യാര്‍ഥിനി ആത്മഹത്യ ചെയ്തു

രോഹ്തക്: ഹരിയാനയിലെ രോഹ്തക്കില്‍ 19 വയസ്സുകാരിയായ വിദ്യാര്‍ത്ഥിനി ആത്മഹത്യ ചെയ്തു. പുരുഷ സുഹൃത്തുന്റെ ഭീഷണിയെത്തുടര്‍ന്നാണ് പെണ്‍കുട്ടി ആത്മഹത്യ ചെയ്തത്. ഛോട്ടു റാം പോളിടെക്നിക്കിലെ വിദ്യാര്‍ഥിനിയെയാണ് സ്ഥാപനത്തിന്റെ ടെറസില്‍ വിഷം കഴിച്ച നിലയില്‍ കണ്ടെത്തിയത്. സെപ്റ്റംബര്‍ 25 ബുധനാഴ്ചയാണ് മറ്റ് വിദ്യാര്‍ഥികള്‍ അഴുകിയ നിലയില്‍ പെണ്‍കുട്ടിയുടെ മൃതദേഹം ടെറസില്‍ കണ്ടെത്തിയത്. മോണിക്ക എന്നാണ് മരിച്ച പെണ്‍കുട്ടിയുടെ പേര്.

രോഹ്തക് ജില്ലയിലെ ബാലിയാന ഗ്രാമത്തിലാണ് പെണ്‍കുട്ടി താമസിയ്ക്കുന്നത്. സെപ്റ്റംബര്‍ 20 മുതല്‍ പെണ്‍കുട്ടിയെ കാണാനില്ലായിരുന്നു. കമ്പ്യൂട്ടര്‍ പഠനത്തിന് പോയ പെണ്‍കുട്ടി വീട്ടിലേയ്ക്ക തിരിച്ച് വന്നിട്ടില്ല. സുഹൃത്തിന്റെ ബ്ളാക്ക്‌മെയിലിംഗിനെ തുടര്‍ന്നാണ് ആത്മഹത്യ ചെയ്യുന്നതെന്ന് പെണ്‍കുട്ടി ആത്മഹത്യ കുറിപ്പില്‍ എഴുതിയിട്ടുണ്ടായിരുന്നു.

പെണ്‍കുട്ടിയുടെ ചിത്രങ്ങളും വീഡിയോയും പ്രതി എടുത്തിരുന്നതായും അഞ്ച് ലക്ഷം രൂപ നല്‍കിയില്ലെങ്കില്‍ ഇവ ഇന്റര്‍നെറ്റില്‍ പ്രചരിപ്പിയ്ക്കുകയും ചെയ്യുമെന്നായിരുന്നു ഭീഷണി. വീട്ടില്‍ നിന്ന് പുറപ്പെടുന്നതിന് മുന്‍പ് സുഹൃത്തിന്റെ ഭീഷണി പെണ്‍കുട്ടി വീട്ടില്‍ പറഞ്ഞതായി പിതാവ് പൊലീസിനോട് പറഞ്ഞു. മാത്രമല്ല പലപ്പോഴായി പണവും മറ്റ് ആഭരണങ്ങളും മോഷണം പോവുക പതിവായിരുന്നെന്നും ഇയാള്‍ പൊലീസിനോട് പറഞ്ഞു.

English summary

A partially decomposed body of a teenaged girl, suspected to have committed suicide after blackmail by a male friend, was found Wednesday from the terrace of the institute in which she was studying in Haryana, police said.