ക്ലാസ്സില്‍ മൂത്രമൊഴിച്ചതിന് എല്‍ കെജി വിദ്യാര്‍ഥിനിയെ അധ്യാപിക ചുടുള്ള ഇരുമ്പ് ദണ്ഡില്‍ ഇരുത്തി

രാജമുന്ത്രി: ക്ലാസ്സില്‍ മൂത്രമൊഴിച്ചതിന് നാലുവയസ്സുകാരിയെ അധ്യാപിക മണിക്കൂറുകളോളം ചുടുള്ള ഇരുമ്പ് ദണ്ഡില്‍ ഇരുത്തി പൊള്ളലേല്‍പ്പിച്ചു. അധ്യാപിക ബലം പ്രയോഗിച്ച് കുട്ടിയെ സ്‌കൂള്‍ ഗ്രൗണ്ടില്‍ ഇരുത്തുകയായിരുന്നു. കിഴക്കെ ഗോദാവരി ജില്ലയിലെ സ്വകാര്യ സ്‌കൂളിലാണ് സംഭവം.പോലിസ് അധ്യാപികയ്‌ക്കെതിരെ കേസെടുത്തിട്ടുണ്ട്.

കുട്ടി ക്ലാസ്സിലെ ഇരിപ്പിടത്തില്‍ മൂത്രമൊഴിച്ച തുടര്‍ന്നാണ് അധ്യാപികയായ അഞ്ജന ദേവി ശിക്ഷിച്ചത്. ചട്ടപ്പാറ സ്വദേശിയായ എല്‍ കെ ജി വിദ്യാര്‍ഥിനി ജ്വാലശ്രീയാണ് ശിക്ഷിക്കപ്പെട്ടത. കുട്ടിയുടെ സ്വകാര്യ ഭാഗങ്ങളില്‍ പൊള്ളലേറ്റിട്ടുണ്ടുണ്ടെന്ന് എലുരു ഡി എസ് പി സരിത പറഞ്ഞു.

കുട്ടിയെ ആശുപത്രിയില്‍ പ്രവേശിപ്പിച്ചു. അധ്യാപികയ്‌ക്കെതിരെ ശിശുക്ഷേമ വകുപ്പിന് പരാതി നല്‍കിയിട്ടുണ്ട്. സംഭവം നടന്നതിന് ശേഷം അധ്യാപികയെ പുറത്താക്കണമെന്ന് പറഞ്ഞ് വിദ്യാര്‍ഥികള്‍ സ്‌കൂളിന് മുമ്പില്‍ പ്രതിഷേധിച്ചു.

English summary

A four-year-old girl was allegedly forced by her teacher to sit on an iron playground slide, which had turned burning hot in the mid-day sun, after the toddler urinated inside the class at a private school in East Godavari district, police said today.