കിളിനാക്കോട്' നാടിനെക്കുറിച്ച് പെണ്‍കുട്ടികളുടെ ലൈവ്! പിന്നാലെ സൈബര്‍ ആക്രമണം! വീഡിയോ

By Aami Madhu

Published: Wednesday, December 19, 2018, 14:40 [IST]

ഫേസ്ബുക്ക് ലൈവിലെത്തി നാടിനെതിരെ സംസാരിച്ച പെണ്‍കുട്ടികള്‍ക്കെതിരെ പോലീസില്‍ പരാതി. മലപ്പുറത്തെ കിളിനക്കോട് എന്ന സ്ഥലത്ത് വിവാഹത്തിന് പങ്കെടുക്കാനെത്തിയ പെണ്‍കുട്ടികള്‍ക്കെതിരെയാണ് പരാതി ഉയര്‍ന്നിരിക്കുന്നത്. ലൈവില്‍ കിളിനക്കോട് നേരം വെളുക്കാത്ത നാടാണെന്നും പ്രദേശത്തുള്ളവര്‍ പന്ത്രണ്ടാം നൂറ്റാണ്ടില്‍ ജീവിക്കുന്നവരാണെന്നുമായിരുന്നു പെണ്‍കുട്ടികള്‍ പറഞ്ഞത്. സംഭവം സോഷ്യല്‍ മീഡിയയില്‍ ലൈവായതോടെ പെണ്‍കുട്ടികള്‍ക്കെതിരെ സൈബര്‍ ആക്രമണം തുടങ്ങിയിട്ടുണ്ടെന്ന് ഡൂള്‍ ന്യൂസ് റിപ്പോര്‍ട്ട് ചെയ്തു. സംഭവം ഇങ്ങനെ

വിവാഹത്തില്‍ പങ്കെടുക്കാന്‍

കിളിനക്കോട് സുഹൃത്തിന്‍റെ വിവാഹത്തിന് പങ്കെടുക്കാന്‍ എത്തിയതാണെന്ന് വ്യക്തമാക്കിയാണ് പെണ്‍കുട്ടികളുടെ ലൈവ് തുടങ്ങുന്നത്. ഇതുപോലെ നേരം വെളുക്കാത്ത നാട് വേറെയില്ലായിരുന്നു പെണ്‍കുട്ടികളുടെ കമന്‍റ്. അഞ്ചില്‍ കൂടുതല്‍ രെണ്‍കുട്ടികള്‍ ലൈവില്‍ സംസാരിക്കുന്നുണ്ടായിരുന്നു.

മാനസിക പീഡനങ്ങള്‍

12 ാം നൂറ്റാണ്ടിലാണ് ഇവിടുത്തുകാര്‍ ജീവിക്കുന്നതെന്നും ഇവിടുത്തെ ആണ്‍കുട്ടികള്‍ പോലും കണക്കാണെന്നും ഒരുപാട് മാനസിക പീഡനങ്ങള്‍ അനുഭവിക്കേണ്ടി വന്നിട്ടുണ്ടെന്നും പെണ്‍കുട്ടികള്‍ വീഡിയോയില്‍ പറയുന്നുണ്ട്.

എമര്‍ജെന്‍സി കരുതണം

ഇവിടേക്ക് വരാനാണ് ഉദ്ദേശമെങ്കില്‍ കൈയ്യില്‍ ഒരു എമര്‍ജെന്‍സി കരുതുന്നത് നല്ലതായിരിക്കുമെന്നും കഴിയുമെങ്കില്‍ ആരും ഇങ്ങോട്ട് കല്യാണം കഴിച്ച് വരരുതെന്നും വീഡിയോയില്‍ ആവശ്യപ്പെടുന്നുണ്ട്. സംഭവത്തിന്‍റെ വീഡിയോ വൈറലായതോടെയാണ് പെണ്‍കുട്ടികള്‍ക്കെതിരെ സൈബര്‍ ആക്രമണം തുടങ്ങിയത്.

യുവാക്കള്‍ രംഗത്ത്

അതേസമയം പെണ്‍കുട്ടികള്‍ക്കെതിരെ കിളിനാക്കോട് ടീം എന്ന പേരില്‍ കുറച്ച് യുവാക്കളും ഫേസ്ബുക്കില്‍ രംഗത്തെത്തി. നാടിനെ അപമാനിക്കുന്ന പരാമര്‍ശമാണ് പെണ്‍കുട്ടികള്‍ നടത്തിയതെന്നാണ് ഇവരുടെ ആരോപണം.

അനുവദിക്കാത്തത് കൊണ്ട്

പെണ്‍കുട്ടികള്‍ കിളിനാക്കോടെത്തി ചെയ്യാന്‍ ഉദ്ദേശിച്ച കാര്യം നടക്കാതെ പോയതോടെയാണ് നാടിനെ കുറിച്ച് അപവാദം പറഞ്ഞതെന്നും യുവാക്കള്‍ ആരോപിക്കുന്നു.അതേസമയം പെണ്‍കുട്ടികളുടെ വീഡിയോയ്ക്ക് താഴെ അവരെ അപമാനിച്ച് വളരെ മോശമായ കമന്‍റുകളാണ് നിറയുന്നത്.

തമാശയായി കാണണം

എന്നാല്‍ പെണ്‍കുട്ടികള്‍ ചെയ്തത് തമാശയായി മാത്രം കാണണമെന്നും ചിലര്‍ ആവശ്യപ്പെടുന്നുണ്ട്. അതേസമയം പെണ്‍കുട്ടികള്‍ക്കെതിരെ പോലീസില്‍ പരാതി ലഭിച്ചിട്ടുണ്ട്.

പരാതി

മലപ്പുറം വേങ്ങരയിലെ പോലീസ് സ്റ്റേഷനിലാണ് പരാതി ലഭിച്ചിരിക്കുന്നത്. തുടര്‍ നടപടികള്‍ നടക്കുകയാണെന്ന് പോലീസ് അറിയിച്ചതായും വാര്‍ത്തയില്‍ പറയുന്നു. പോലീസ് സ്റ്റേഷനില്‍ വെച്ചും പെണ്‍കുട്ടികളെ ഹരാസ് ചെയ്തതായി റിപ്പോര്‍ട്ടുണ്ട്.