Click it and Unblock the Notifications
Just In
Don't Miss
-
ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും -
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള് -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ലൈംഗികവിവാദം: തേജ്പാലിന്റെ വീട്ടില്‍ പൊലീസ് റെയ്ഡ്
ദില്ലി: സഹപ്രവര്‍ത്തകയായ യുവപത്രപ്രവര്‍ത്തകയെ പീഡിപ്പിച്ച കേസില്‍ തെഹല്‍ക്ക മുന്‍ എഡിറ്റര്‍ തരുണ്‍ തേജ്പാലിന്റെ അറസ്റ്റ് ഉടന്‍ ഉണ്ടാകുമെന്ന് സൂചന. ഏഴംഗമടങ്ങുന്ന ഗോവ പാലീസ് സംഘം രാവിലെ തേജ്പാലിന്റെ വീട്ടിലെത്തി കുടുംബാംഗങ്ങളെ ചോദ്യം ചെയ്തു. തേജ്പാല്‍ വീട്ടില്‍ ഉണ്ടായിരുന്നില്ലെന്നാണ് അറിയുന്നത്. ഗോവാ പൊലീസ് ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചതിനെ തുടര്‍ന്നാണ് അറസ്റ്റ് നടപടിയിലേക്ക് പൊലീസ് നീങ്ങുന്നത്.
തേജ്പാലിന് അന്വേഷണ ഉദ്യോഗസ്റ്റന് മുന്നില്‍ ഹാജരാകാനുള്ള സമയ പരിധി വ്യാഴാഴ്ച അവസാനിച്ചതിനെ തുടര്‍ന്നാണ് ഗോവ പൊലീസ് ജാമ്യമില്ല വകുപ്പ് പ്രകാരം അറസ്റ്റ് വാറണ്ട് പുറപ്പെടുവിച്ചത്. തുടര്‍ന്ന് വെള്ളിയാഴ്ച(ഇന്ന്) ഹാജരാകണം എന്ന് കാട്ടി തേജ്പാലിന് ഫാക്‌സ് സന്ദേശം അയക്കുകയും ചെയ്തു. ഹാജരാകുമ്പോള്‍ അറസ്റ്റ് രേഖപ്പെടുത്താനാണ് പൊലീസിന്റെ തീരുമാനം.
64 ചോദ്യങ്ങളുള്ള ചോദ്യാവലി തേജ്പാലിനു വേണ്ടി ഗോവാ പൊലീസ് തയ്യാറാക്കിയിട്ടുണ്ട്. പ്രഥമവിവര റിപ്പോര്‍ട്ട് തയ്യാറാക്കിയതിന് ശേഷം തേജ്പാലിന്റെ അറസ്റ്റ് പൊലീസ് രേഖപ്പെടുത്തും.
കേസില്‍ ഹാജരാകാന്‍ രണ്ട് ദിവസത്തെ സമയപരിധികൂടെ നല്‍കണമെന്ന തേജ്പാലിന്റെ അപേക്ഷ തള്ളിക്കൊണ്ടാണ് പൊലീസ് അറസ്റ്റ് വാറണ്ട് പുറപ്പെടുവിച്ചത്. മുന്‍കൂര്‍ ജാമ്യത്തിനായി ദില്ലി ഹൈക്കോടതിയില്‍ സമര്‍പ്പിച്ചിരുന്ന അപേക്ഷ തേജ്പാല്‍ പിന്‍വലിച്ചിരുന്നു. വെള്ളിയാഴ്ച ഇക്കാര്യത്തില്‍ കോടതി തീരുമാനമെടുക്കാനിരിക്കെയാണ് പിന്മാറ്റം. സുപ്രീം കോടതിയില്‍ സമീപിക്കാനാണ് ഹൈക്കോടതിയില്‍ നിന്ന് ജാമ്യാപേക്ഷ പിന്മവലിച്ചതെന്നാണ് സൂചന.
