പ്രായപൂര്ത്തിയാകാത്ത പെണ്കുട്ടിയെ ഭീഷണിപ്പെടുത്തിയ കുറ്റത്തിന് പോപ് ഗായകന് ലുക്ക്ഔട്ട് നോട്ടീസ്
പനാജി: പ്രായപൂര്ത്തിയാകാത്ത പെണ്കുട്ടിയെ ഭീഷണിപ്പെടുത്തിയ കുറ്റത്തിന് പ്രശസ്ത പോപ് ഗായകന് റെമോ ഫെര്ണാണ്ടസിനെതിരെ(62) ഗോവ പോലീസ് ലുക്ക്ഔട്ട് നോട്ടീസ് പുറപ്പെടുവിച്ചു. അന്വേഷണ ഉദ്യോഗസ്ഥന് മുന്നില് ഹാജരാകുന്നതിന് പലതവണ നോട്ടീസ് നല്കിയിട്ടും ഹാജരാകാത്തതാണ് ലുക്ക്ഔട്ട് നോട്ടീസ് പുറപ്പെടുവിക്കുന്നതിന് കാരണമായത്.
ബുധനാഴ്ച വൈകുംനേരത്തിന് മുമ്പായി പോലീസ് സ്റ്റേഷനില് ഹാജരാകുന്നതിന് പറഞ്ഞെങ്കിലും യൂറേപ്യന് യാത്ര കാരണം ഉദ്യോഗസ്ഥരുടെ നിര്ദേശത്തെ ഇയാള് നിരസിക്കുകയായിരുന്നു. തുടര്ന്നാണ് ലുക്ക്ഔട്ട് നോട്ടീസ് പുറത്തിറക്കിയത്.
സംസ്ഥാനത്ത് എല്ലാ പോലീസ് സ്റ്റേഷനുകളിലും വിദേശ രാജ്യത്തെ എംബസികളിലും ലുക്ക്ഔട്ട് നോട്ടീസ് ഓര്ഡര് എത്തി. വിദേശ എംബസിയില് ഇയാള് കീഴടങ്ങി എന്നാണ് നിലവിലെ റിപ്പോര്ട്ട്.
കേസിസില് ഇരയായ പെണ്കുട്ടിയെ റെമോയുടെ മകന് ജോഹന് ഫെര്ണാണ്ടസിന്റെ കാര് ഇടിച്ച് തെറിപ്പിക്കുകയായിരുന്നു. പിന്നീട് ചികിത്സയില് കഴിയുന്ന കുട്ടിയെ ആശുപത്രിയില് എത്തി മോശമായി പെരുമാറുകയും കുട്ടിയെ ഭീഷണിപ്പെടുത്തുകയും ചെയ്തു എന്നാണ് പരാതി.