'ദൈവമേ മോദി മോഡലില്‍ നിന്നും രാജ്യത്തെ രക്ഷിക്കൂ'

ദില്ലി: 'ദൈവമേ മോദി മോഡല്‍ വികസനത്തില്‍ നിന്ന് രാജ്യത്തെ നീ തന്നെ രക്ഷിക്കൂ' പ്രാര്‍ത്ഥന കോണ്‍ഗ്രസ് അദ്ധ്യക്ഷന്‍ സോണിയാ ഗാന്ധിയുടേതാണ്. പഞ്ചാബില്‍ തിരഞ്ഞെടുപ്പ് റാലിയില്‍ സംസാരിക്കവെയാണ് മോദി മോഡല്‍ വികസനത്തില്‍ നിന്ന് രാജ്യത്തെ ദൈവം രക്ഷിക്കട്ടെയെന്ന് സോണിയ പറഞ്ഞത്.

മോദിയുടെ ഗുജറാത്ത് മോഡല്‍ വികസനത്തില്‍ പാവങ്ങള്‍ ദുരിതമനുഭവിക്കുകയാണെന്ന് സോണിയ പറഞ്ഞു. തുച്ഛമായ വിലയ്ക്ക് വ്യവസായികള്‍ക്ക് 45,000ത്തോളം ഏക്കര്‍ ഭൂമി നല്‍കിയ ഗുജറാത്ത് സര്‍ക്കാര്‍ സംസ്ഥാനത്തെ സാധുക്കളായ ജനങ്ങള്‍ക്ക് കുടിവെള്ളം ലഭ്യമാക്കിയില്ലെന്ന് സോണിയ കുറ്റപ്പെടുത്തി.

ഇടുങ്ങിയ ചിന്താഗതിയാണ് ബി ജെ പിയുടേത്. ജാതിയും മതവും ഭാഷയും നോക്കിയാണ് ഗുജറാത്ത് മാതൃകയില്‍ പൗരനെ വിലയിരുത്തുന്നത്- സോണിയ ആരോപിച്ചു. സിഖ് വിഭാഗത്തിന് വേണ്ടി ശബ്ദിക്കാതെ ബി ജെ പിയ്‌ക്കൊപ്പം നിന്ന ഗുജറാത്തിലെ അകാലിദളിനെയും സോണിയ വിമര്‍ശിച്ചു.

അതേ സമയം സോണിയയ്ക്കുള്ള മറുപടിയുമായി മോദി രംഗത്തെത്തിയിട്ടുണ്ട്. അമ്മയ്ക്കും മകനും ചായക്കക്കാരനെ പേടിയാണെന്നാണ് മോദിയുടെ പ്രതികരണം. അമ്മയും മകനും നുണപറയാന്‍ മത്സരിക്കുകയാണെന്നും മോദി സൂറത്തില്‍ പറഞ്ഞു.

English summary

Stepping up the attack on BJP prime ministerial candidate Narendra Modi, Congress president Sonia Gandhi on Saturday called on God to “save” the country from the “Gujarat model”