ആശാറാം ബാപ്പുവിന്റെ സെക്സ് ടിപ്സ് പാഠപുസ്തകം, ഇതെന്താണ് ബിജെപി സര്ക്കാരേ....
റായ്പൂര്: തൊഴിലില്ലായ്മയ്ക്ക് കാരണം സ്ത്രീകള് ജോലി ചെയ്യുന്നതാണ് എന്ന് ഛത്തീസ്ഗഡിലെ പാഠപുസ്തകം പറഞ്ഞത് വിവാദമായത് കഴിഞ്ഞ മാസമാണ്. ഇപ്പോഴിതാ ബി ജെ പി ഭരിക്കുന്ന ഛത്തീസ്ഗഡില് നിന്നും അടുത്ത പാഠപുസ്തക വിവാദം. ലൈംഗിക പീഡനക്കേസില് ജയിലില് കഴിയുന്ന സ്വയം പ്രഖ്യാപിത ആള്ദൈവം ആശാറാം ബാപ്പുവിന്റെ സെക്സ് ടിപ്പുകളാണ് സര്ക്കാര് പാഠപുസ്തകങ്ങള്ക്കൊപ്പം വിതരണം ചെയ്തിരിക്കുന്നത്.
ആശാറാം ബാപ്പുവിന്റെ ദിവ്യ പ്രേരണ പ്രകാശ് എന്ന പുസ്തകമാണ് സംസ്ഥാനത്തെ സര്ക്കാര് സ്കൂളുകളില് വിതരണം ചെയ്തത്. ലൈംഗിക പീഡനക്കേസിലെ പ്രതിയായ ആശാറാം ബാപ്പുവിന്റെ പുസ്തകം കുട്ടികളെക്കൊണ്ട് നിര്ബന്ധപൂര്വ്വം വായിപ്പിച്ചതായും പരാതിയുണ്ട്. കൊണ്ടഗാവ് ജില്ലയിലെ സ്കൂള് കുട്ടികളെയാണ് ആശാറാം ബാപ്പുവിന്റെ ലൈംഗിക ചിന്തകള് വായിപ്പിച്ചത്.
ലൈംഗിക ദാഹം ഒരിക്കലും തീരില്ല. ഇത് നിങ്ങളുടെ ജീവിതത്തെ തകര്ക്കുകയും ഉപയോഗശൂന്യമാക്കിത്തീര്ക്കുകയും ചെയ്യും. 2012 ല് രമണ്സിംഗ് സര്ക്കാര് നിരോധിച്ചതാണ് ഈ പുസ്തകമെന്ന് വാര്ത്താ ഏജന്സിയായ എ എന് ഐ റിപ്പോര്ട്ട് ചെയ്യുന്നു. എന്നാല് ചില ജില്ലകളില് വിദ്യാഭ്യാസ വകുപ്പ് ഈ പുസ്തകം ഉപയോഗിക്കുന്നത് തുടരുകയായിരുന്നു. സംഭവം വിവാദമായതോടെ ഛത്തീസ്ഗഡ് സര്ക്കാര് അന്വേഷണം പ്രഖ്യാപിച്ചിട്ടുണ്ട്.