സ്വര്ണം ബാങ്ക് ലോക്കറില് വിശ്വസിച്ച് എങ്ങനെ വെക്കും; ബെംഗളൂരു യുവതി പറയുന്നത് ഇങ്ങനെ
ബെംഗളൂരു: സുരക്ഷിതമെന്ന് കരുതി ബാങ്ക് ലോക്കറില് സൂക്ഷിച്ച സ്വര്ണം കാണാനില്ലെന്ന് പരാതി. ബെംഗളൂരുവിലെ 54കാരിയായ വീട്ടമ്മ ബിന്ദുവാണ് സദാശിവനഗര് പോലീസില് പരാതി നല്കിയിരിക്കുന്നത്. എസ്ബിഐയുടെ ഡോളര് കോളനി ബ്രാഞ്ചിനെതിരെയാണ് ആരോപണം എന്ന് ദി ഹിന്ദു റിപ്പോര്ട്ട് ചെയ്തു. 145 ഗ്രാം സ്വര്ണവും ഡയമണ്ടും ലോക്കറില് ഉണ്ടായിരുന്നുവത്രെ.
അധികൃതരില് നിന്ന് വ്യക്തമായ വിശദീകരണം ലഭിക്കാതെ വന്നതോടെയാണ് ബിന്ദു പോലീസിനെ സമീപിച്ചത്. 2022 ഡിസംബറിലാണ് ഇവര് എസ്ബിഐ ബ്രാഞ്ചില് അക്കൗണ്ട് തുടങ്ങിയത്. ലോക്കര് സൗകര്യത്തോടെയുള്ള അക്കൗണ്ടായിരുന്നു. 2024 നവംബറില് ലോക്കര് പരിശോധിക്കുകയും സ്വര്ണവും ഡയമണ്ടും ഉണ്ടെന്ന് ഉറപ്പാക്കുകയും ചെയ്തിരുന്നു.
എന്നാല് ഈ വര്ഷം മാര്ച്ച് 28ന് ലോക്കര് വീണ്ടും പരിശോധിച്ചപ്പോള് സ്വര്ണം കാണാനില്ലായിരുന്നുവത്രെ. ആശങ്കയിലായ ബിന്ദു ബാങ്ക് ഉദ്യോഗസ്ഥരെ അറിയിച്ചു. എന്നാല് ലോക്കറില് വച്ച വസ്തു നഷ്ടമാകില്ലെന്ന് പറഞ്ഞ് ബാങ്ക് ജീവനക്കാര് പരാതി നിസാരമാക്കുകയായിരുന്നു. പിന്നീട് ബിന്ദു എസ്ബിഐയുടെ കസ്റ്റമര് കെയറില് പരാതിപ്പെട്ടു. ചീഫ് വിജിലന്സ് ഓഫീസറെയും അറിയിച്ചു.
എവിടെ നിന്നും വ്യക്തമായ മറുപടിയോ പരിഹാരമോ ലഭിക്കാതെ വന്നതോടെയാണ് ബിന്ദു പോലീസില് പരാതിപ്പെടാന് തീരുമാനിച്ചത്. ബാങ്ക് ജീവനക്കാര് ലാഘവത്തോടെയാണ് സംഭവം കണ്ടത് എന്നാണ് ബിന്ദുവിന്റെ ആരോപണം. കാണാതായ സ്വര്ണം വീട്ടില് പരിശോധിച്ചു നോക്കൂ എന്നും ചില ജീവനക്കാര് പറഞ്ഞുവത്രെ. ബിന്ദുവിന്റെ തുടര്ച്ചയായ പരാതികള് ജീവനക്കാര് അവഗണിച്ചുവെന്നും ആരോപണമുണ്ട്.
തുടര്ന്ന് സദാശിവനഗര് പോലീസില് ബിന്ദു പരാതിപ്പെട്ടു. കഴിഞ്ഞ വെള്ളിയാഴ്ച പോലീസ് എഫ്ഐആര് രജിസ്റ്റര് ചെയ്തു. എസ്ബിഐ ഉദ്യോഗസ്ഥര്ക്കെതിരെയാണ് കേസെടുത്തിരിക്കുന്നത്. ഭാരതീയ ന്യായ സംഹിതയിലെ 305(എ) വകുപ്പ് പ്രകാരമാണ് കേസ്. പോലീസ് പ്രാഥമിക അന്വേഷണം ആരംഭിച്ചിട്ടുണ്ട്. ബാങ്ക് ഉദ്യോഗസ്ഥരെ വൈകാതെ ചോദ്യം ചെയ്യും. സിസിടിവി ദൃശ്യങ്ങളും പരിശോധിക്കും. ലോക്കര് ആരെങ്കിലും തുറന്ന് പരിശോധിച്ചോ എന്നും അന്വേഷിക്കുന്നുണ്ട്.
-
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വർണത്തിന് ഇന്ത്യയിൽ 'പുല്ലുവില'യാകുമോ; വർഷം 600 കിലോഗ്രാം ഖനനം ചെയ്യും, വമ്പൻ ലോട്ടറിയാകാൻ ജോന്നഗിരി -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
ബെംഗളൂരുവിന്റെ തലവര തന്നെ മാറും; ഗതാഗത കുരുക്ക് കുറയ്ക്കാൻ പദ്ധതികൾ, 3000 കോടി ഇറക്കും..! -
ബെംഗളൂരു നിവാസികളെ ജാഗ്രത; ടോൾ നിരക്കുകൾ കൂടി, മൈസൂരു യാത്ര ചിലവേറും, കാറിന് 355 രൂപയാവും! -
ബെംഗളൂരു മെട്രോ സമയം നീട്ടിയത് അറിഞ്ഞോ? ഐപിഎല്ലിന് തിരക്ക് കൂട്ടേണ്ട; പുതിയ ക്രമീകരണം ഇങ്ങനെ
Click it and Unblock the Notifications
Sign in with Google