സ്വര്ണം കുമിഞ്ഞുകൂടിയ സ്ഥലങ്ങള് ഇതാണ്; കെജിഎഫ് മാത്രമല്ല, രാംഗിരിയിലും പറാസിയിലും മഞ്ഞലോഹം
ലോകത്ത് ഏറ്റവും കൂടുതല് സ്വര്ണം ഉപയോഗിക്കുന്ന രാജ്യങ്ങളിലൊന്നാണ് ഇന്ത്യ. ചൈനക്കാരും ഇന്ത്യക്കാരുമാണ് കൂടുതല് സ്വര്ണം വാങ്ങുന്നതത്രെ. കേന്ദ്ര ബാങ്കുകള് മുഖേന ഓരോ രാജ്യങ്ങളും വാങ്ങുന്നതിന് പുറമെ വ്യക്തികളും വന്തോതില് സ്വര്ണം വാങ്ങി സൂക്ഷിക്കുന്നുണ്ട്. കഴിഞ്ഞ കാലങ്ങളില് വന് വില മുന്നേറ്റം നടത്തിയത് കാരണം സ്വര്ണത്തിലേക്ക് കൂടുതല് പേര് ആകര്ഷിക്കപ്പെടുകയാണ്.
സ്വര്ണം വാങ്ങിക്കൂട്ടുന്നവരില് ഇന്ത്യ മുന്നിലാണെങ്കിലും രാജ്യത്തെ സ്വര്ണം ഉല്പ്പാദനം പരിമിതമാണ്. വിരലില് എണ്ണാവുന്ന സ്ഥലങ്ങളിലേ സ്വര്ണം ഖനനം ചെയ്യുന്നുള്ളൂ. ഇന്ത്യയിലെ പല സ്വര്ണ ഖനികളും ദശാബ്ദാങ്ങള് പഴക്കമുള്ളതാണ്. എന്നാല് സമീപകാലത്ത് പുതിയ സ്വര്ണ ശേഖരം കണ്ടെത്തുന്നുമുണ്ട്. ഏറ്റവും ഒടുവില് കണ്ടെത്തിയത് മധ്യപ്രദേശിലെ ജബല്പൂരിലാണ്.
ജബല്പൂര് ജില്ലയില് കണ്ടെത്തിയ സ്വര്ണ ശേഖരം 100 ഹെക്ടര് സ്ഥലത്ത് വ്യാപിച്ചു കിടക്കുന്നു എന്നാണ് ജിയോളജിസ്റ്റുകള് സംശയിക്കുന്നത്. ഇക്കാര്യത്തില് കൂടുതല് പഠനം നടക്കുകയാണ്. അതിന് ശേഷമേ വ്യക്തത വരൂ. അതേസമയം, ഇന്ത്യയില് സ്വര്ണം എവിടെയാണ് ഖനനം ചെയ്യുന്നത് എന്ന് ചോദിച്ചാല് എല്ലാവര്ക്കും വേഗം മനസിലെത്തുന്നത് കെജിഎഫ് ആയിരിക്കും. അവിടെ മാത്രമല്ല, ഇന്ത്യയിലെ സ്വര്ണ ഖനികള്.
കര്ണാടകയിലും രാജസ്ഥാനിലും ഉത്തര് പ്രദേശിലും ആന്ധ്ര പ്രദേശിലും ജാര്ഖണ്ഡിലുമെല്ലാം ഇന്ത്യയില് സ്വര്ണ ഖനികളുണ്ട്. കഴിഞ്ഞ മാര്ച്ച് വരെയുള്ള കണക്കു പ്രകാരം ഇന്ത്യയില് 879 മെട്രിക് ടണ് സ്വര്ണ ശേഖരമുണ്ട്. രാജ്യത്തെ പ്രധാന സ്വര്ണ ഖനികളിലൊന്ന് കര്ണാടകയിലെ റായ്ചൂര് ജില്ലയിലെ ഹുട്ടി ഗോള്ഡ് മൈന് ആണ്. രാജ്യത്തെ ഏറ്റവും പഴക്കം ചെന്ന സ്വര്ണ ഖനികളിലൊന്നാണ് ഇത്. പ്രതിവര്ഷം 1.8 ടണ് സ്വര്ണം ഇവിടെ ഉല്പ്പാദിപ്പിക്കുന്നുണ്ട്.
കോലാര് ഗോള്ഡ് ഫീല്ഡ് അഥവാ കെജിഎഫ്
കോലാര് ഗോള്ഡ് ഫീല്ഡ് (കെജിഎഫ്) ഉള്ളത് കര്ണാടകയിലെ കോലാര് ജില്ലയിലാണ്. ഒരുകാലത്ത് ലോകത്തിലെ ഏറ്റവും ആഴമുള്ള സ്വര്ണ ഖനികളിലൊന്നായിരുന്നു ഇത്. 1880 മുതല് 2001 വരെ പ്രവര്ത്തിച്ചിരുന്ന ഈ ഖനിയില് നിന്ന് 800 ടണ് സ്വര്ണം ഉല്പ്പാദിപ്പിച്ചു. ഇപ്പോള് പുതിയ സാങ്കേതിക വിദ്യ ഉപയോഗിച്ച് വീണ്ടും ഖനനം നടത്തുന്ന ചര്ച്ചകള് തുടങ്ങിയിരിക്കുകയാണ്.
ഉത്തര് പ്രദേശിലെ സോന്ഭദ്ര ജില്ലയിലെ സ്വര്ണ ഖനി അഞ്ച് വര്ഷം മുമ്പാണ് കണ്ടെത്തിയത്. ആന്ധ്രയിലെ ചിറ്റൂര് ജില്ലയിലെ രാംഗിരി സ്വര്ണ ഖനിയും പ്രശസ്തമാണ്. ജാര്ഖണ്ഡിലെ ഈസ്റ്റ് സിങ്ഭും ജില്ലയിലുള്ള പറാസി സ്വര്ണ ഖനി അത്ര വലുതല്ലെങ്കിലും ഇവിടെ സ്വര്ണം എമ്പാടുമുണ്ട് എന്നാണ് വിവരം. ഈ ഖനിയില് ചെമ്പും യഥേഷ്ടമുണ്ട്.
കര്ണാടകയിലെ ഗദക് ജില്ലയിലെ ഗദക് സ്വര്ണ ഖനി വളരെ ചെറുതാണ്. ആന്ധ്രയിലെ ചിറ്റൂരില് തന്നെയാണ് ചിഗര്ഗുണ്ട-ബിസനാതം സ്വര്ണ ഖനി. രാംഗിരി സ്വര്ണ ഖനിക്ക് അടുത്തു തന്നെയാണ് ഇതും. സ്വര്ണത്തിന് ഓരോ ദിവസവും വില കുതിച്ചുയരുന്ന സാഹചര്യത്തില് രാജ്യത്തെ എല്ലാ സ്വര്ണ ഖനികളിലും ഖനനം സജീവമാക്കാനാണ് ആലോചന.
-
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
ഒരാഴ്ച കൊണ്ട് സ്വര്ണം വാരിക്കൂട്ടി ഇന്ത്യ.. ഡോളര് വിറ്റു; റിസര്വ് ബാങ്ക് ഡാറ്റ പുറത്ത് -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
സ്വർണ വില കൂപ്പുകുത്തും..43000 രൂപ വരെ പവന് ഇടിയും..സ്വർണം ഇപ്പോൾ വാങ്ങി മണ്ടത്തരം കാട്ടരുതെന്ന് വിദഗ്ധ -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
സ്വര്ണവില മൂന്നുവട്ടം കുറഞ്ഞു; പവന് ഇന്നു മാത്രം 5240 രൂപ വീണു, ഉപഭോക്താക്കള് ചെയ്യേണ്ടത് ഇതാണ് -
തിരിച്ചുവരവിന് ശ്രമിച്ച് സ്വര്ണം... ഒന്നും ചെയ്യാനാകാതെ വെള്ളി; 2025 ലെ കുതിപ്പൊക്കെ വെറുതയായോ? -
സ്വര്ണവില ഗ്രാമിന് 33000 രൂപ, അതും രണ്ട് വര്ഷത്തിനുള്ളില്..! പവന് 2.60 ലക്ഷം!! -
7000 രൂപ കുറഞ്ഞ് സ്വര്ണം, 20000 രൂപയിടിഞ്ഞ് വെള്ളി; സ്വര്ണവും വെള്ളിയും ഇപ്പോള് തന്നെ വാങ്ങണോ? -
സ്വര്ണ പണയ വായ്പയ്ക്ക് ഇന്ത്യയില് ആളുണ്ട്; കണ്ണുവെച്ച് ആഗോള കമ്പനികള്, ഓഹരികള് വാങ്ങുന്നു
Click it and Unblock the Notifications
Sign in with Google