സ്വര്ണം ഇന്ന് തന്നെ വാങ്ങിക്കാം.. ബെംഗളൂരുവില് പവന് വില താഴേക്ക്
ബെംഗളൂരുവില് ഇന്ന് സ്വര്ണ വിലയില് ഇടിവ്. ഇന്നലെ വലിയ വര്ധനവ് രേഖപ്പെടുത്തിയിടത്ത് നിന്ന് ഇന്ന് 24 കാരറ്റ്, 22 കാരറ്റ്, 18 കാരറ്റ് ഇനങ്ങളില് വിലയില് ഇടിവുണ്ടായി. 24 കാരറ്റ് ഒരു ഗ്രാം സ്വര്ണത്തിന് ഇന്ന് 60 രൂപയാണ് കുറഞ്ഞിരിക്കുന്നത്. ഇതോടെ 15704 രൂപയാണ് ഇന്നത്തെ ഗ്രാം സ്വര്ണത്തിന്റെ വില. 22 കാരറ്റ് സ്വര്ണത്തിന്റെ വിലയില് 55 രൂപ കുറഞ്ഞതോടെ ഗ്രാം വില 14395 രൂപയായി.
18 കാരറ്റ് സ്വര്ണം ഇന്ന് 45 രൂപ കുറഞ്ഞ് 11778 രൂപയില് ആണ് വ്യാപാരം നടത്തുന്നത്. കഴിഞ്ഞ വ്യാപാര സെഷനില് കണ്ട കുത്തനെയുള്ള വര്ധനവിന് ശേഷം ഇന്ന് രാജ്യത്തുടനീളം സ്വര്ണവില ഇടിയുകയായിരുന്നു. ആഭ്യന്തര വിപണിയില് 24 കാരറ്റ് സ്വര്ണം 100 ഗ്രാമിന് ഏകദേശം 6,000 രൂപ കുറഞ്ഞു. കഴിഞ്ഞ അഞ്ച് വ്യാപാര സെഷനുകളിലായി 10 ഗ്രാമിന് 3,500 രൂപയില് കൂടുതല് കുറഞ്ഞതോടെ, ഈ ആഴ്ചയിലുടനീളം സ്വര്ണ വില സമ്മര്ദ്ദത്തിലായിരുന്നു.
ഉയര്ന്ന വില കാരണം വാങ്ങലുകള് നിര്ത്തിവച്ചിരുന്ന ആഭരണം വാങ്ങുന്നവര്ക്കും നിക്ഷേപകര്ക്കും ഇന്നത്തെ സ്വര്ണ വിലയിലെ തിരുത്തല് വലിയ ആശ്വാസം നല്കുമെന്ന് പ്രതീക്ഷിക്കുന്നു. അതിനിടെ അന്താരാഷ്ട്ര വിപണിയില്, സെഷനില് രണ്ട് മാസത്തെ ഏറ്റവും താഴ്ന്ന നിലയിലെത്തിയ സ്പോട്ട് സ്വര്ണം തിരിച്ചുവന്നു. യുഎസും ഇറാനും വെടിനിര്ത്തല് നീട്ടുന്നതിനുള്ള പ്രാഥമിക കരാറില് എത്തിയതിനെത്തുടര്ന്ന് യുഎസ് ഡോളര് ദുര്ബലമായി.
ഒപ്പം ക്രൂഡ് ഓയില് വില കുറഞ്ഞതും സ്വര്ണ വില 1% ത്തിലധികം ഉയരാന് കാരണമായി. ശനിയാഴ്ച, ഇന്ത്യയില് 24 കാരറ്റ് സ്വര്ണ വില 10 ഗ്രാമിന് 600 രൂപ കുറഞ്ഞു. 22 കാരറ്റ് സ്വര്ണ്ണത്തിന്റെ വില 10 ഗ്രാമിന് 1,43,950 രൂപയില് താഴെയാണ്. 550 രൂപയുടെ വന് ഇടിവിന് ശേഷമാണ് 22 കാരറ്റ് സ്വര്ണത്തിന്റെ വില 1,43,950 രൂപയില് എത്തിയരിക്കുന്നത്. 18 കാരറ്റ് സ്വര്ണത്തിന്റെ വില 10 ഗ്രാമിന് 450 രൂപ കുറഞ്ഞ് 1,17,780 രൂപയിലെത്തി.
24 കാരറ്റ് സ്വര്ണത്തിന്റെ വിലയിലും ഇതേ കുറവ് രേഖപ്പെടുത്തി. 24 കാരറ്റ് സ്വര്ണത്തിന്റെ വില 100 ഗ്രാമിന് 15,70,400 രൂപയിലും 22 കാരറ്റ് സ്വര്ണത്തിന്റെ വില 100 ഗ്രാമിന് 14,39,500 രൂപയിലും എത്തി. ഇന്നലെ കണ്ട 5000 രൂപയുടെ വര്ധനവിന് ശേഷം ഇന്ന് ഇന്ത്യയില് വെള്ളി വിലയില് മാറ്റമൊന്നും ഉണ്ടായില്ല. മെയ് 30 ന് ഇന്ത്യയില് ഒരു കിലോ വെള്ളിയുടെ വില കിലോയ്ക്ക് 2,85,000 രൂപയായിരുന്നു.
മള്ട്ടി കമ്മോഡിറ്റി എക്സ്ചേഞ്ചിലെ സ്വര്ണ ഫ്യൂച്ചേഴ്സ് വില വെള്ളിയാഴ്ച നഷ്ടത്തില് അവസാനിച്ചു. വ്യാപാരം അവസാനിക്കുമ്പോള്, ജൂണ് 5 ന് കാലാവധി പൂര്ത്തിയാകുന്ന സ്വര്ണ ഫ്യൂച്ചേഴ്സ് 0.59% കുറഞ്ഞ് 1,56,000 രൂപയിലാണ് വ്യാപാരം നടന്നത്. അതുപോലെ, ജൂലൈ 3 ന് കാലാവധി പൂര്ത്തിയാകാന് പോകുന്ന വെള്ളി ഫ്യൂച്ചേഴ്സ് വില 0.94% വര്ധനയോടെ 2,67,000 രൂപയില് അവസാനിച്ചു.
സ്പോട്ട് ഗോള്ഡ്.ഓര്ഗ് വെബ്സൈറ്റ് അനുസരിച്ച് സ്പോട്ട് സ്വര്ണ വിലകള് നേട്ടത്തോടെ വ്യാപാരം അവസാനിപ്പിച്ചു. സെഷന്റെ അവസാനം സ്വര്ണ്ണ വില 0.84% ഉയര്ന്ന് ഔണ്സിന് 4539.76 ഡോളര് ആയി. മറുവശത്ത്, സ്പോട്ട് വെള്ളി 0.50% കുറഞ്ഞ് ഔണ്സിന് 75.29 ഡോളറില് എത്തി. യുഎസ്-ഇറാന് കരാര് പ്രകാരം വെടിനിര്ത്തല് നീട്ടാനും ടെഹ്റാന്റെ ആണവ പദ്ധതിയെക്കുറിച്ചുള്ള ചര്ച്ചകള് മുന്കൂട്ടി നടത്താനുമുള്ള പ്രാഥമിക കരാര് സംബന്ധിച്ച റിപ്പോര്ട്ടുകള് വിപണി വികാരം മെച്ചപ്പെടുത്തി.
Click it and Unblock the Notifications
Sign in with Google