ബെംഗളൂരുവില് സ്വര്ണം താഴേക്ക്.. ഗ്രാമിന് 10000 ത്തില് താഴും? പണിക്കൂലിയടക്കം ആഭരണവില അറിയാം
തുടര്ച്ചയായി സ്വര്ണ വില കുറയാന് തുടങ്ങിയതോടെ ബെംഗളുരുവില് 10 ഗ്രാം മഞ്ഞലോഹത്തിന്റെ വില 1.40 ലക്ഷത്തിന് താഴേക്ക് വീണേക്കും എന്ന് വ്യാപാരികള്. ഭൗമ-രാഷ്ട്രീയ അനിശ്ചിതത്വം, യുഎസ് ഫെഡറല് റിസര്വിന്റെ നിലപാട്, അസംസ്കൃത എണ്ണ വിലയിലെ ചാഞ്ചാട്ടം എന്നിവ കാരണം ബെംഗളൂരുവിലെ 24 കാരറ്റ് സ്വര്ണ വില 10 ഗ്രാമിന് 1.4 ലക്ഷം രൂപയില് താഴേക്ക് പോകാന് സാധ്യതയുണ്ട് എന്നാണ് റിപ്പോര്ട്ട്.
കഴിഞ്ഞ ദിവസങ്ങളില് ചെറിയൊരു തിരിച്ചുകയറ്റം കണ്ടിരുന്നെങ്കിലും, വ്യാഴാഴ്ച ബംഗളൂരുവിലെ സ്വര്ണ്ണ വിലയില് ഇടിവുണ്ടായി. അതേസമയം, അസംസ്കൃത എണ്ണ വില ബാരലിന് 80 ഡോളറിന് അടുത്ത് തുടരുന്നതിനാല് പശ്ചിമേഷ്യയിലെ സാഹചര്യം സംഘര്ഷഭരിതമായി തുടരുന്നു. ഇന്ന ബെംഗളൂരുവിലെ 24 കാരറ്റ് സ്വര്ണ വില ഗ്രാമിന് 28 രൂപ കുറഞ്ഞ് 14,329 രൂപയായി.
22 കാരറ്റ് സ്വര്ണം ഗ്രാമിന് 25 രൂപ കുറഞ്ഞ് 13,135 രൂപയിലും 18 കാരറ്റ് സ്വര്ണം ഗ്രാമിന് 20 രൂപ കുറഞ്ഞ് 10,747 രൂപയിലും ആണ് വ്യാപാരം നടത്തുന്നത്. അതേസമയം വെള്ളി വിലയില് മാറ്റമുണ്ടായില്ല. വ്യാഴാഴ്ച ബെംഗളൂരുവില് വെള്ളി വില ഗ്രാമിന് 235 രൂപയും കിലോഗ്രാമിന് 2,35,000 രൂപയുമായിരുന്നു. കഴിഞ്ഞ കുറച്ച് മാസങ്ങളായി ബെംഗളൂരുവില് വെള്ളി വില വലിയ വ്യത്യാസമില്ലാതെ ഒരേ നിലവാരത്തില് തുടരുകയായിരുന്നു.
ബെംഗളൂരുവില് ഇന്ന് പണിക്കൂലിയും ജിഎസ്ടിയും ഉള്പ്പെടെ 20 ഗ്രാം 24 കാരറ്റ് സ്വര്ണത്തിന് ഏകദേശം 1,65,299 രൂപ വിലവരുമെന്ന് കണക്കാക്കപ്പെടുന്നു.24 കാരറ്റ് സ്വര്ണത്തിന്റെ (10 ഗ്രാം) അടിസ്ഥാന വില 1,43,290 രൂപയാണ്. ഇതിനുപുറമെ വാങ്ങുന്നവര് 17,195 രൂപ പണിക്കൂലിയായും 4,815 രൂപ ജിഎസ്ടിയായും നല്കേണ്ടിവരും. ഓരോ ആഭരണത്തിനും വ്യത്യസ്ത ജ്വല്ലറി വ്യാപാരികള്ക്കും അനുസരിച്ച് പണിക്കൂലിയില് വ്യത്യാസം വരാം.
ഇന്ന് കേരളത്തിലും സ്വര്ണ വില താഴേക്ക് വീണു. 22 കാരറ്റ് സ്വര്ണം പവന് 105080 രൂപയിലാണ് വ്യാപാരം നടത്തുന്നത്. ഒരു ഗ്രാമിന് 13135 രൂപയാണ് വില. കേരളത്തില് ഏറ്റവും കൂടുതല് ആവശ്യക്കാരുള്ളത് 22 കാരറ്റിനാണ്. ആഗോള വിപണിയിലും സ്വര്ണ വില ഇന്ന് താഴേക്ക് പതിച്ചു. ട്രേഡിംഗ് ഇക്കണോമിക്സ് നല്കുന്ന വിവരങ്ങള് പ്രകാരം, അന്താരാഷ്ട്ര സ്വര്ണവില ഔണ്സിന് 4,000 ഡോളര് എന്ന നിലയിലേക്ക് താഴ്ന്നു.
പശ്ചിമേഷ്യയില് യുഎസ്-ഇറാന് സംഘര്ഷം രൂക്ഷമായ സാഹചര്യത്തിലാണ് അന്താരാഷ്ട്ര സ്വര്ണവിലയില് ഈ കുറവുണ്ടായത്. സ്പോട്ട് ഗോള്ഡ് വില ഏകദേശം 1% ഇടിഞ്ഞ് ഔണ്സിന് 4,030 ഡോളറിന് അടുത്തായി തുടര്ന്നപ്പോള്, സ്പോട്ട് സില്വര് വില 1.12% ഇടിഞ്ഞ് ഔണ്സിന് 57 ഡോളര് എന്ന നിലവാരത്തിനടുത്ത് പിടിച്ചുനിന്നു. മറുവശത്ത്, ക്രൂഡ് ഓയില് വിലയില് നേരിയ തോതില് വില്പ്പന സമ്മര്ദ്ദം ദൃശ്യമായെങ്കിലും വില ഉയര്ന്ന നിലയില് തന്നെ തുടര്ന്നു.
Click it and Unblock the Notifications
Sign in with Google