വിവാഹ പാര്ട്ടികള്ക്ക് കോളടിച്ചു, ആഭരണം ഇപ്പോള് വാങ്ങിക്കാം; തൂക്കവും കൂട്ടാം..!
സ്വര്ണ വിലയില് കഴിഞ്ഞ ദിവസങ്ങളില് ഉണ്ടായ വിലയിടിവ് സ്വര്ണം വാങ്ങാന് ആഗ്രഹിക്കുന്നവരെ സംബന്ധിച്ച് വലിയ ആശ്വാസമാണ് നല്കിയിരിക്കുന്നത്. പ്രത്യേകിച്ച് വിവാഹ പാര്ട്ടിക്കാര്ക്ക്. ഇന്ത്യന് വിവാഹങ്ങളില് പ്രധാന ഘടകമായ സ്വര്ണത്തിന്റെ വില 10 ഗ്രാമിന് ഏകദേശം 9000 രൂപയുടെ കുറവാണ് ഉണ്ടായിരിക്കുന്നത്. ഏകദേശം മൂന്നാഴ്ച മുമ്പ് വരെ, പത്ത് ഗ്രാമിന് ഏകദേശം 1,00,000 രൂപയായിരുന്നു വില.
എന്നാല് കഴിഞ്ഞ 24 ദിവസത്തിനുള്ളില് ഉണ്ടായ വിലയിടിവ് സ്വര്ണത്തെ പത്ത് ഗ്രാമിന് 91750 രൂപ എന്ന നിലയിലേക്ക് എത്തിച്ചു. സമീപകാല ചരിത്രത്തിലെ ഏറ്റവും പ്രധാനപ്പെട്ട ഈ ഇടിവാണ് ഇത്. വിവാഹ സീസണ് അടുക്കുമ്പോള് ഉപഭോക്താക്കള്ക്ക് വലിയ ആശ്വാസം നല്കുന്ന തരത്തിലാണ് വിലയിടിവ് സംഭവിച്ചിരിക്കുന്നത് എന്നാണ് വിപണി വിദഗ്ധരെല്ലാം അഭിപ്രായപ്പെടുന്നത്.
ഏപ്രില് 21 ന് 24 കാരറ്റ് 10 ഗ്രാം സ്വര്ണത്തിന്റെ വില ആദ്യമായി ഒരു ലക്ഷം രൂപ കവിഞ്ഞു. പരമ്പരാഗതമായി സ്വര്ണ്ണവും വിലയേറിയ ലോഹങ്ങളും വാങ്ങുന്നതുമായി ബന്ധപ്പെട്ട് ശുഭകരം എന്ന് വിശ്വസിക്കുന്ന ദിനമായ അക്ഷയ തൃതീയയ്ക്ക് ശേഷമുള്ള ദിവസങ്ങളില് വിലയില് ഇടിവ് നേരിടാന് തുടങ്ങി. ഏപ്രില് 30 ആയപ്പോഴേക്കും 24 കാരറ്റ് സ്വര്ണ്ണത്തിന്റെ വില 10 ഗ്രാമിന് 93,310 രൂപയിലെത്തി.
മേയ് 12 ന് ഇത് 93,040 രൂപയായി കുറഞ്ഞു. സ്വര്ണം വാങ്ങുന്നവര് ഈ വിലക്കുറവ് പ്രതീക്ഷിച്ചിരുന്നുവെന്നാണ് സ്വര്ണ്ണശില്പോ ബച്ചാവോ ഫോറത്തിന്റെ പ്രസിഡന്റ് ബബ്ലു ഡെ അഭിപ്രായപ്പെടുന്നത്. വിവാഹ സീസണ് അടുത്തുവരുന്നതിനാല്, വിലയിലെ കുറവ് സ്വര്ണം വാങ്ങുന്നവരില് ആവേശം ജനിപ്പിക്കാന് തുടങ്ങിയിട്ടുണ്ട്. എന്നിരുന്നാലും, ചിലര് വാങ്ങുന്നതിനുമുമ്പ് കുറച്ചുകൂടി കാത്തിരിക്കാന് തീരുമാനിച്ചേക്കാം.
ആഗോള വിപണിയിലെ ഏറ്റക്കുറച്ചിലുകളും അതിര്ത്തി കടന്നുള്ള സംഘര്ഷങ്ങള്ക്കുമിടയില് ഈ വില മാറ്റം സ്വാഗതാര്ഹമായ ആശ്വാസമാണെന്ന് അദ്ദേഹം പറഞ്ഞു. വിവാഹ ആഭരണങ്ങള് വാങ്ങാന് ഉദ്ദേശിക്കുന്നവര്ക്ക് സ്വര്ണ്ണ വിലയിലെ കുറവ് ഗുണകരമാണെന്ന് അദ്ദേഹം സൂചിപ്പിച്ചു. കാരണം വില കുറയുന്നതോടെ കൂടുതല് അളവില് വാങ്ങാന് ഉപഭോക്താക്കളെ അനുവദിക്കുന്നു.
കഴിഞ്ഞ 20 ദിവസമായി വിലയിലുണ്ടായ ഇടിവ് അഭൂതപൂര്വമാണ് എന്ന് ബംഗാള് ജ്വല്ലറിയിലെ ഷുബാദിപ് റോയിയും പറയുന്നു. വിവാഹ സീസണ് പ്രതീക്ഷിച്ച് പഴയ സ്വര്ണ്ണം പുതിയ ഡിസൈനുകളാക്കി മാറ്റുന്നതിനെക്കുറിച്ച് ആലോചിക്കുന്ന ഉപഭോക്താക്കള്ക്ക് ഇപ്പോള് ഈ ശ്രദ്ധേയമായ വില പരിഷ്കരണം കാരണം കൂടുതല് സ്വര്ണം വാങ്ങാന് കഴിയുമെന്ന് അദ്ദേഹം ചൂണ്ടിക്കാട്ടി.
വിവാഹത്തിന് എല്ലാവരും ആഭരണമായാണ് സ്വര്ണം എടുക്കാറുള്ളത്. ആഭരണമായി സ്വര്ണം എടുക്കുമ്പോള് പവന് വിലയേക്കാള് കൂടുതല് കൊടുക്കേണ്ടി വരും. ആഭരണത്തിന് ഡിസൈന് അനുസരിച്ചുള്ള പണിക്കൂലി കൊടുക്കേണ്ടി വരും. ഉയര്ന്ന ഡിസൈനിന് ഉയര്ന്ന പണിക്കൂലിയാണ് ഈടാക്കുന്നത്.
അതേസമയം വിലയിലെ തുടര്ച്ചയായ ഇടിവ് ഇടവേളയ്ക്ക് ശേഷം വില വീണ്ടും ഉയരുമോ എന്ന ആശങ്കയിലേക്ക് തള്ളിവിട്ടിട്ടുണ്ടെന്ന് സെന്കോ ഗോള്ഡ് ലിമിറ്റഡിലെ സുവാങ്കര് സെന് പറഞ്ഞു. 'വിവാഹാവശ്യത്തിന് വാങ്ങുന്നവര് വീണ്ടും വില ഉയരുമോ എന്ന ആശങ്കയോടെ കടകളില് പ്രവേശിക്കുന്നത് ഞങ്ങള് നിരീക്ഷിക്കുന്നുണ്ട്' എന്ന് അദ്ദേഹം കൂട്ടിച്ചേര്ത്തു. നിലവിലെ വിലകള് അനിശ്ചിതമായി നിലനില്ക്കില്ലെന്ന കാഴ്ചപ്പാടാണ് മറ്റ് ജ്വല്ലറി വ്യാപാരികളും പങ്കുവെക്കുന്നത്.
'ഇതൊരു താല്ക്കാലിക തിരുത്തല് മാത്രമാണ്. ആഗോള പ്രവണതകള് പരിശോധിച്ചാല്, രാജ്യങ്ങള് അവരുടെ സ്വര്ണ്ണ ശേഖരം വര്ധിപ്പിക്കുന്നതായി നമുക്ക് കാണാന് കഴിയും, അതായത് ഭാവിയില് വിലകള് ഗണ്യമായി കുറയാനുള്ള സാധ്യത കുറവാണ്', ഒരു ജ്വല്ലറി വ്യാപാരി ടൈംസ് ഓഫ് ഇന്ത്യയോട് പറഞ്ഞു.
-
സ്വര്ണത്തിന് തിരിച്ചുകയറാനാകുന്നില്ല... ഇനിയും വിലയിടിയുമെന്ന് വിദഗ്ധര്; കാരണമിത് -
സ്വർണം വാങ്ങാം; അക്ഷയ തൃതീയക്ക് വമ്പൻ ഓഫറുകൾ പ്രഖ്യാപിച്ച് ജ്വല്ലറികൾ..പണിക്കൂലിയിലും ലാഭം -
സ്വര്ണത്തിന് മാര്ച്ചില് സംഭവിച്ചതെന്ത്? ഏപ്രിലില് നടക്കാന് പോകുന്നത് മറ്റൊന്ന്..! കാരണം -
സ്വർണ വില കേരളത്തിൽ 20,000 എങ്കിലും കുറയുമോ? ആഭരണപ്രേമികൾ അറിയേണ്ടത്.ഒരാഴ്ചക്കിടെ വില ഉയർന്നു -
അക്ഷയ തൃതീയക്ക് സ്വർണം വാങ്ങിച്ചോ; പക്ഷെ വീട്ടിൽ സൂക്ഷിക്കുന്നത് പണിയാകുമോ? അറിയാം -
ആരും ജ്വല്ലറിയിലേക്ക് പോകുന്നില്ല.. ആഭരണവും വേണ്ട; പക്ഷെ സ്വര്ണത്തിന് ഇപ്പോഴും ഡിമാന്ഡ് തന്നെ -
സ്വര്ണവില 20000 ത്തിലെത്തും, മാസങ്ങള്ക്കുള്ളില് വില ഉയരും! പൊന്ന് വീണ്ടും വാങ്ങി സ്വിസ് ബാങ്ക് -
കടലിന്റെ അടിത്തട്ടില് 'സ്വര്ണ ഫാക്ടറി', പുതിയ കണ്ടെത്തല്; ഖനനം സാധ്യമാകുമോ? -
അക്ഷയ തൃതീയയ്ക്ക് ജ്വല്ലറിയില് പോകണമെന്നില്ല; സ്വര്ണം വാങ്ങാന് വേറെയുമുണ്ട് ഓപ്ഷന് -
അക്ഷയ തൃതീയക്ക് സ്വർണം വാങ്ങാൻ ഏറ്റവും ഉചിതമായ സമയം ഏത്? മുഹൂർത്തം വിശദമായി അറിയാം -
സ്വര്ണം വില കുറയും; ക്രൂഡ് ഓയില് വില കൂടും, ഹോര്മുസ് ഉപരോധത്തിന് അമേരിക്ക -
സ്വർണ നാണയം ഫ്രീ;പണിക്കൂലിയും ഇല്ല.. അക്ഷയ തൃതീയക്ക് വമ്പൻ ഓഫറുമായി ജ്വല്ലറികൾ
Click it and Unblock the Notifications
Sign in with Google