ഒറ്റ ദിവസം വിറ്റത് 122 കിലോ സ്വര്ണം! ആകെ ലഭിച്ചത് ഇത്ര രൂപ..! ഈ ജ്വല്ലറി ചരിത്രത്തിലേക്ക്...
റെക്കോഡ് നിരക്കില് എത്തിയ ശേഷം സ്വര്ണവില സമീപ ദിവസങ്ങളില് താഴേക്ക് വീഴുകയാണ്. അക്ഷയ തൃതീയയ്ക്ക് ശേഷമാണ് സ്വര്ണവില വലിയ രീതിയില് കുറയാന് തുടങ്ങിയത്. എത്ര വില കൂടിയാലും ആളുകള് മുടങ്ങാതെ സ്വര്ണം വാങ്ങുന്ന ദിനമാണ് അക്ഷയ തൃതീയ. ഈ ദിവസം സ്വര്ണം പോലുള്ള വിലയേറിയ വസ്തുക്കള് ഐശ്വര്യവും സമൃദ്ധിയും ആകര്ഷിക്കും എന്നാണ് വിശ്വാസം.
സ്വര്ണവില കൂടിയാലും വ്യാപാരം നടക്കാറുണ്ടെങ്കിലും, 2025 ലെ അക്ഷയ തൃതീയ ദിനം അതില് നിന്നും വ്യത്യസ്തമായിരുന്നു. ഏപ്രില് 22 ന് 24 കാരറ്റ് സ്വര്ണ്ണത്തിന്റെ വില 10 ഗ്രാമിന് ഒരു ലക്ഷം രൂപ എന്ന നാഴികക്കല്ല് പിന്നിട്ടിരുന്നു. പവന് സ്വര്ണത്തിന് 74000 ത്തിന് മുകളിലായിരുന്നു വില. എന്നാല് പിന്നീട് സ്വര്ണവില ക്രമാതീതമായി കുറയുന്ന കാഴ്ചയാണ് എല്ലാവരും കണ്ടത്.
അക്ഷയ തൃതീയ ദിനമായ ഏപ്രില് 30 ന് 71000 ത്തിലേക്ക് സ്വര്ണ വില വീണിരുന്നു. എന്നാല് സാധാരണക്കാരെ സംബന്ധിച്ചിടത്തോളം ഇത് എത്തിപ്പിടിക്കാന് സാധിക്കുന്ന വിലയുമായിരുന്നില്ല. എങ്കിലും അക്ഷയ തൃതീയയ്ക്ക് കേരളത്തില് 1500 കോടി രൂപയുടേയും ഇന്ത്യയില് 12000 കോടി രൂപയുടേയും വ്യാപാരമാണ് നടന്നത് എന്നാണ് വിവിധ മാധ്യമ റിപ്പോര്ട്ടുകള് സൂചിപ്പിക്കുന്നത്.
അക്ഷയ തൃതീയയ്ക്ക് 24 കാരറ്റ് സ്വര്ണത്തിന്റെ പത്ത് ഗ്രാം വില 99,500 രൂപയ്ക്കും 99,900 രൂപയ്ക്കും ഇടയില് ആയിരുന്നു. കഴിഞ്ഞ വര്ഷത്തെ 72,300 രൂപയേക്കാള് ഏകദേശം 38 ശതമാനം കൂടുതല് ആണിത്. അതേസമയം എന്നിട്ടും ഒരു പ്രമുഖ ജ്വല്ലറി റീട്ടെയിലര് ഈ അവസരത്തില് വന് വില്പ്പനയും റെക്കോര്ഡ് വരുമാനവും ആണ് നേടിയിരിക്കുന്നത്.
കഴിഞ്ഞ വര്ഷം എന്എസ്ഇ, ബിഎസ്ഇയില് അരങ്ങേറ്റം കുറിച്ച മഹാരാഷ്ട്ര ആസ്ഥാനമായുള്ള പി എന് ഗാഡ്ഗില് ജ്വല്ലേഴ്സ് അക്ഷയ തൃതീയയോടനുബന്ധിച്ച് 139.53 കോടി രൂപയുടെ ഏറ്റവും ഉയര്ന്ന ഒറ്റ ദിവസത്തെ വില്പ്പന രേഖപ്പെടുത്തി എന്നാണ് വിവരം മുന് വര്ഷത്തെ 103.26 കോടി രൂപയുടെ വരുമാനത്തേക്കാള് ഏകദേശം 35 ശതമാനം വളര്ച്ചയാണ് ഇത് പ്രതിഫലിപ്പിക്കുന്നത്.
'മൂല്യത്തിന്റെ കാര്യത്തില്, സ്വര്ണ്ണ വിഭാഗത്തിന്റെ വരുമാനം വര്ഷം തോറും 34 ശതമാനം വര്ദ്ധിച്ചു, അതേസമയം വജ്രവും വെള്ളിയും യഥാക്രമം 23 ശതമാനവും 114 ശതമാനവും വളര്ന്നു,' പി എന് ഗാഡ്ഗില് ജ്വല്ലേഴ്സ് ഒരു എക്സ്ചേഞ്ച് ഫയലിംഗില് പറഞ്ഞു. സ്വര്ണ്ണ വില ഏകദേശം 31 ശതമാനം വര്ദ്ധിച്ചിട്ടും, പി എന് ഗാഡ്ഗില് മൊത്തത്തിലുള്ള അളവ് കഴിഞ്ഞ വര്ഷത്തെ ഇതേ കാലയളവിനേക്കാള് കൂടുതലാണ്.
'വോള്യം വീക്ഷണകോണില് നിന്ന് നോക്കുമ്പോള്, സ്വര്ണ്ണ വിഭാഗത്തില് അളവില് 1.46 ശതമാനം വര്ധനയുണ്ടായി, അതേസമയം വജ്രത്തിന്റെയും വെള്ളിയുടെയും അളവ് യഥാക്രമം 31 ശതമാനവും 90 ശതമാനവും വര്ധിച്ചു.' പി എന് ഗാഡ്ഗില് പറഞ്ഞു. കഴിഞ്ഞ വര്ഷം അക്ഷയ തൃതീയ ദിനത്തില് പി എന് ഗാഡ്ഗില് ജ്വല്ലേഴ്സ് 120.24 കിലോഗ്രാം സ്വര്ണം വിറ്റഴിച്ച സ്ഥാനത്ത് ഈ വര്ഷം അത് 122 കിലോഗ്രാം ആയി.
2020 ഏപ്രിലില് 10 ഗ്രാമിന് 47,677 രൂപയായിരുന്ന സ്വര്ണ വില 2025 ഏപ്രിലില് 95,592 രൂപയായി 100 ശതമാനത്തിലധികം ഉയര്ന്നു. സ്വര്ണ്ണ വില ഏറ്റവും ഉയര്ന്ന നിലയിലേക്ക് അടുക്കുമ്പോഴും ഈ അക്ഷയ തൃതീയ ദിനത്തില് ഇന്ത്യയില് സ്വര്ണ്ണത്തിന്റെയും വെള്ളിയുടെയും ശക്തമായ വില്പ്പന നടന്നു. കോണ്ഫെഡറേഷന് ഓഫ് ഓള് ഇന്ത്യ ട്രേഡേഴ്സ് (സിഎഐടി) കണക്കാക്കുന്നത് മൊത്തം വ്യാപാരം 12,000 കോടി രൂപയാണ്.
Click it and Unblock the Notifications
Sign in with Google