മകളെ പീഡനത്തിനിരയാക്കി: പരാതി നൽകിയ പിതാവിനെ ഗുണ്ടാനേതാവ് വെട്ടിക്കൊലപ്പെടുത്തി,
ലഖ്നൊ: ബലാത്സംഗ കേസിലെ കുറ്റാരോപിതൻ 50 കാരനെ കൊലപ്പെടുത്തി. ഇദ്ദേഹത്തിന്റെ വീട്ടിലെത്തിയ പ്രതി കോടാലി കൊണ്ട് തലയ്ക്കടിച്ച് കൊലപ്പെടുത്തുകയായിരുന്നു. പീഡനത്തിനിരയായ പെൺകുട്ടിയ്ക്കും അക്രമം പ്രതിരോധിക്കാൻ ശ്രമിക്കുന്നതിനിടെ പരിക്കേറ്റിട്ടുണ്ട്. പെൺകുട്ടി പീഡിപ്പിക്കപ്പെട്ട സംഭവത്തിൽ പരാതിയുമായി പോലീസിനെ സമീപിച്ചതോടെയാണ് സംഭവം പുറത്തറിയുന്നത്. ഉത്തർപ്രദേശിലെ കണ്ണൌജ് ജില്ലയിലെ ഛിബ്രമാവു പോലീസ് സ്റ്റേഷൻ പരിധിയിലാണ് സംഭവം. സംഭവത്തിൽ ശ്യാം ലാൽ എന്നയാൾ അറസ്റ്റിലായെന്നാണ് പോലീസ് നൽകുന്ന വിവരം. രണ്ട് പെൺമക്കളെ ശ്യാം ലാൽ പീഡിപ്പിച്ചതോടെയാണ് പിതാവ് പരാതിയുമായി പോലീസിനെ സമീപിക്കുന്നത് ഇതോടെയാണ് പ്രതിയുടെ പ്രതികാര നടപടി.
മുസ്ലിം പെൺകുട്ടികളെ മതംമാറ്റി: മുൻ ബിജെപി മേയർക്കെതിരെ കുടുംബം, വശീകരിച്ച് വിവാഹമെന്ന്!!
ശ്യാംലാൽ തന്റെ മകളെ പീഡിപ്പിച്ചുവെന്നും അതിന് ശേഷം തന്റെ വീട്ടിലെത്തി കോടാലി കൊണ്ട് ആക്രമിച്ചുവെന്നുമാണ് പരാതി. തന്നെ രക്ഷിക്കാനെത്തിയ മകളെയും പ്രതി ആക്രമിച്ചെന്നും പരാതിക്കാരൻ ആരോപിച്ചിരുന്നു. ഗുരുതരമായി പരിക്കേറ്റ പെൺകുട്ടിയെ ഉടൻ തന്നെ ആശുപത്രിയിൽ പ്രവേശിപ്പിച്ച് ചികിത്സ ലഭ്യമാക്കിയിരുന്നു. പെൺകുട്ടിയുടെ അച്ഛന്റെ മൃതദേഹം പോസ്റ്റ്മോർട്ടത്തിന് അയച്ചിട്ടുണ്ട്. സംഭവത്തിൽ പോലീസ് അന്വേഷണം നടത്തിവരികയാണ്.
Recommended Video
ഹാൻഡ് പമ്പിന്റെ പേരിൽ പ്രതിയും ഇരയുടെ കുടുംബവും തമ്മിൽ ആരംഭിച്ച ശത്രുതയാണ് കൊലപാതകത്തിൽ വരെ കലാശിച്ചതെന്നാണ് ഛിബ്രമാവു പോലീസ് സ്റ്റേഷൻ സർക്കിൾ ഓഫീസർ നൽകുന്ന വിവരം. ശ്യാം ലാൽ ഇരയായ അമ്പതുകാരന്റെ രണ്ട് പെൺമക്കളെ പീഡിപ്പച്ചതായും പോലീസ് വ്യക്തമാക്കി. ഇതോടെയാണ് ശ്യാംലാലിനെതിരെ ഇദ്ദേഹം പോലീസിൽ പരാതി നൽകുന്നത്. പോലീസിൽ പരാതി നൽകിയതിലുള്ള പക മൂലമാണ് വീട്ടിലെത്തി മാരകായുധം കൊണ്ട് ആക്രമിച്ച് കൊലപ്പെടുത്തിയത്.