Click it and Unblock the Notifications
Just In
Don't Miss
-
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം -
പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള് -
'ഇനിയൊരു വിവാഹം കഴിക്കാൻ താൽപര്യമുണ്ട്, മകനുള്ളതുകൊണ്ട് മടിച്ച് നിൽക്കുന്നു, 50 വയസായിട്ട് ഇനി ചിന്തിക്കാം' -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഷാറൂഖ് വേണ്ടെന്ന് കേന്ദ്രസര്‍ക്കാര്‍,ഋതിക്ക് റോഷന്‍ മതിയെന്ന് നിര്‍ദ്ദേശം;ഷാറൂഖിന്റെ ചിത്രം തള്ളി...
ഏതെങ്കിലും ഒരു പ്രമുഖ താരത്തെ വെച്ച് ചിത്രം നിര്‍മ്മിക്കാമെന്നാണ് ചലച്ചിത്ര വികസന കോര്‍പ്പറേഷന്‍ കേന്ദ്ര ആരോഗ്യ മന്ത്രാലയത്തെ അറിയിച്ചത്.
ദില്ലി: ഷാറൂഖ് ഖാന്‍ അഭിനയിച്ച ബോധവത്ക്കരണ വീഡിയോ വേണ്ടെന്ന് കേന്ദ്ര ആരോഗ്യ മന്ത്രാലയം. നേത്രാരോഗ്യ ബോധവത്ക്കരണവുമായി ബന്ധപ്പെട്ടാണ് നാഷണല്‍ ഫിലിം ഡെവലപ്‌മെന്റ് കോര്‍പ്പറേഷന്‍ (എന്‍എഫ്ഡിസി) ഷാറൂഖ് ഖാന്‍ അഭിനയിക്കുന്ന വീഡിയോ നിര്‍മ്മിച്ചത്. എന്നാല്‍ ഏതു താരത്തെയാണ് ചിത്രത്തില്‍ അഭിനയിപ്പിക്കുന്നതെന്ന കാര്യം ചലച്ചിത്ര വികസന കോര്‍പ്പറേഷന്‍ ആരോഗ്യ മന്ത്രാലയത്തെ അറിയിച്ചിരുന്നില്ല.
ഡയബറ്റിക് റെറ്റിനോപതി അടക്കമുള്ള നേത്രരോഗങ്ങള്‍ കാരണം കാഴ്ച നഷ്ടപ്പെടുന്നവരുടെ എണ്ണം രാജ്യത്ത് വര്‍ദ്ധിച്ചതിനാലാണ് ബോധവത്ക്കരണ ചിത്രം നിര്‍മ്മിക്കാന്‍ കേന്ദ്ര ആരോഗ്യ മന്ത്രാലയം തീരുമാനിച്ചത്. ഇതിന് മുന്നോടിയായി ദേശീയ ചലച്ചിത്ര വികസന കോര്‍പ്പറേഷനുമായി ചര്‍ച്ച നടത്തുകയും ചെയ്തിരുന്നു. ഏതെങ്കിലും ഒരു പ്രമുഖ താരത്തെ വെച്ച് ചിത്രം നിര്‍മ്മിക്കാമെന്നാണ് ചലച്ചിത്ര വികസന കോര്‍പ്പറേഷന്‍ കേന്ദ്ര ആരോഗ്യ മന്ത്രാലയത്തെ അറിയിച്ചത്.
ഷാറൂഖിന്റെ വീഡിയോ ഷൂട്ട് ചെയ്തു...
സിനിമാ താരത്തെ ഉപയോഗിച്ച് ബോധവത്ക്കരണ ചിത്രം നിര്‍മ്മിക്കാമെന്ന് ചലച്ചിത്ര വികസന കോര്‍പ്പറേഷന്‍ പറഞ്ഞിരുന്നെങ്കിലും ഏതു താരത്തെയാണ് അഭിനയിപ്പിക്കുന്നതെന്ന കാര്യം ആരോഗ്യ മന്ത്രാലയത്തെ അറിയിച്ചിരുന്നില്ല. ഇതിനു ശേഷമാണ് ചലച്ചിത്ര വികസന കോര്‍പ്പറേഷന്‍ ഷാറൂഖ് ഖാനെ ഉപയോഗിച്ച് വീഡിയോ ചിത്രീകരിച്ചത്.
ഷാറൂഖ് ഖാനെ താല്‍പ്പര്യമില്ല...
ചീത്രീകരണം പൂര്‍ത്തിയായ ശേഷമാണ് ചലച്ചിത്ര വികസന കോര്‍പ്പറേഷന്‍ അധികൃതര്‍ ചിത്രം ആരോഗ്യ മന്ത്രാലയത്തിന് നല്‍കിയത്. എന്നാല്‍ ഷാറൂഖ് ഖാനെ ചിത്രത്തില്‍ അഭിനയിപ്പിക്കാന്‍ ആരോഗ്യ മന്ത്രാലയത്തിന് താല്‍പ്പര്യമില്ലായിരുന്നു. പകരം ഋതിക്ക് റോഷനെയാണ് ആരോഗ്യ മന്ത്രാലയം ഉദ്ദേശിച്ചിരുന്നത്.
ഋതിക്ക് റോഷന്‍ മതി...
കാബില്‍ എന്ന ചിത്രത്തിലെ മികച്ച പ്രകടനമാണ് ഋതിക്ക് റോഷനെ ഉപയോഗിച്ച് ചിത്രം നിര്‍മ്മിച്ചാല്‍ മതിയെന്ന ആരോഗ്യ മന്ത്രാലയത്തിന്റെ തീരുമാനത്തിന് പിന്നില്‍. പക്ഷേ, ചിത്രീകരണം ആരംഭിക്കുന്നതിന് മുന്‍പ് ആരോഗ്യ മന്ത്രാലയത്തെ വിവരമറിയിക്കാത്തതാണ് ഇപ്പോഴത്തെ പോരിന് കാരണം.
ആരോഗ്യ മന്ത്രിയും തൃപ്തനല്ല...
ഷാറൂഖ് ഖാന്‍ അഭിനയിച്ച ബോധവത്ക്കരണ ചിത്രത്തില്‍ തൃപ്തനല്ലെന്നാണ് ആരോഗ്യ മന്ത്രി ജെപി നഡ്ഡ പ്രതികരിച്ചത്. ചിത്രീകരണം തുടങ്ങുന്നതിന് മുന്‍പ് ചലച്ചിത്ര വികസന കോര്‍പ്പറേഷന്‍ ആരോഗ്യ മന്ത്രാലയത്തെ കാര്യങ്ങള്‍ അറിയിക്കാത്തതും ശരിയായില്ലെന്നും അദ്ദേഹം പറഞ്ഞു. എന്തായാലും ഷാറൂഖ് അഭിനയിച്ച വീഡിയോ ഉപയോഗിക്കേണ്ടെന്ന് തന്നെയാണ് ആരോഗ്യ മന്ത്രാലയത്തിന്റെ തീരുമാനം. പകരം ഋതിക്ക് റോഷന്റെ വീഡിയോ ചിത്രീകരിക്കാനും നിര്‍ദ്ദേശം നല്‍കിയിട്ടുണ്ട്.
