Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
എസ്മ കൊണ്ടും ഗുണമില്ല; ബിഎംടിസി സമരം തുടരുന്നു.. ബെംഗളൂരുവില്‍ ഇന്നും അവധി!
ബെംഗളൂരു: ബി എം ടി സി, കെ എസ് ആര്‍ ടി സി ജീവനക്കാര്‍ക്ക് നേരെ എസ്മ പ്രയോഗിക്കുമെന്ന സര്‍ക്കാരിന്റെ മുന്നറിയിപ്പ് കൊണ്ടും ഫലമില്ല. ശമ്പള വര്‍ദ്ധനവ് ആവശ്യപ്പെട്ട് കര്‍ണാടകയിലെ ബി എം ടി സി, കെ എസ് ആര്‍ ടി സി ജീവനക്കാര്‍ നടത്തുന്ന സമരം മൂന്നാം ദിവസത്തിലേക്ക് കടന്നു. ചൊവ്വാഴ്ച വൈകുന്നേരത്തോടെ സമരം അവസാനിപ്പിച്ചില്ലെങ്കില്‍ എസ്മ പ്രയോഗിക്കും എന്നായിരുന്നു സര്‍ക്കാരിന്റെ മുന്നറിയിപ്പ്. എന്നാല്‍ ഇത് വിലപ്പോയില്ല.
ബെംഗളൂരുവില്‍ തുടര്‍ച്ചയായ മൂന്നാം ദിവസവും ബി എം ടി സി, കെ എസ് ആര്‍ ടി സി ബസുകള്‍ ഇല്ലാത്തത് ജനജീവിതത്തെ സാരമായി ബാധിച്ചു. യാത്ര ചെയ്യാന്‍ പൊതുഗതാഗതത്തെ ആശ്രയിക്കുന്നവരാണ് കൂടുതല്‍ കഷ്ടപ്പെടുന്നത്. സമരം നടക്കുന്ന സാഹചര്യത്തില്‍ സ്‌കൂളുകള്‍ക്കും കോളേജുകള്‍ക്കും സര്‍ക്കാര്‍ രണ്ട് ദിവസത്തേക്ക് അവധി പ്രഖ്യാപിച്ചിരുന്നു. സമരം അവസാനിക്കാത്തതിനാല്‍ ഈ അവധി സര്‍ക്കാര്‍ ഒരു ദിവസം കൂടി നീട്ടി. എങ്കിലും കുറച്ച് സ്‌കൂളുകളും കോളജുകളും ബുധനാഴ്ച പ്രവര്‍ത്തിക്കുന്നുണ്ട്.
35 ശതമാനം ശമ്പളവര്‍ധനവ് ആവശ്യപ്പെട്ടാണ് ബി എം ടി സി, കെ എസ് ആര്‍ ടി സി ജീവനക്കാര്‍ സമരം തുടങ്ങിയത്. മുഖ്യമന്ത്രി സിദ്ധരാമയ്യ ചര്‍ച്ചയ്ക്ക് തയ്യാറായാല്‍ ഇതിലും കുറഞ്ഞ വര്‍ധനവ് അംഗീകരിക്കാനും തങ്ങള്‍ തയ്യാറാണ് എന്ന് സമരക്കാര്‍ പറയുന്നു. എന്നാല്‍ സമരം അവസാനിപ്പിച്ചാല്‍ മാത്രമേ ചര്‍ച്ച നടത്തൂ എന്നായിരുന്നു സര്‍ക്കാര്‍ നിലപാട്. ഈ നിലപാട് അംഗീകരിക്കാനാവില്ല എന്നാണ് യൂണിയന്‍ നേതാക്കള്‍ പറയുന്നത്. ആവശ്യങ്ങള്‍ നിറവേറുന്നത് വരെ സമരവുമായി മുന്നോട്ട് പോകും.
23,000 ത്തോളം ബസ്സുകളാണ് ഞായറാഴ്ച അര്‍ധരാത്രി മുതല്‍ സര്‍വ്വീസ് നിര്‍ത്തിയത്. കേരളത്തിലെ പോലെ സ്വകാര്യ ബസ്സുകള്‍ അധികമില്ല എന്നതാണ് കര്‍ണാടകത്തിലെ ഏറ്റവും വലിയ പ്രതിസന്ധി. പ്രത്യേകിച്ച് മെട്രോ നഗരമായ ബെംഗളൂരുവില്‍. ബി എം ടി സി ബസ്സുകളെ മാത്രം ആശ്രയിച്ചാണ് നഗരത്തിലെ പൊതുഗതാഗതം. ബസ്സുകള്‍ സമരത്തിലായ സാഹചര്യത്തില്‍ മെട്രോ സര്‍വ്വീസുകള്‍ കൂട്ടി സ്ഥിതിഗതികള്‍ നിയന്ത്രിക്കാനും സര്‍ക്കാര്‍ ശ്രമിക്കുന്നുണ്ട്.
