Click it and Unblock the Notifications
Just In
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
വരന്‍ 'രണ്ടെണ്ണം വിട്ട്' മണ്ഡപത്തില്‍: വധു ഇറങ്ങിപ്പോയി!
കാണ്‍പൂര്‍: കല്യാണപ്പന്തലില്‍ കയറുന്നതിന് വേണ്ടി രണ്ടെണ്ണം ചെറുത് അടിച്ച ശേഷം പന്തലില്‍ കയറുന്നതൊക്കെ സിനിമയില്‍ നടക്കും. എന്ന് വെച്ച് സംഗതി ജീവിതത്തില്‍ പകര്‍ത്താന്‍ ശ്രമിച്ചാലോ. കാണ്‍പൂരില്‍ സംഭവിച്ച പോലെ ഇരിക്കും. വരന്‍ മദ്യപിച്ചിട്ടുണ്ടെന്ന് താലികെട്ടുന്നതിന് തൊട്ട് മുമ്പ് മനസിലായ വധു വിവാഹം ഉപേക്ഷിക്കുകയായിരുന്നു.
ഉത്തര്‍ പ്രദേശിലെ മഹോബ ജില്ലയിലെ അജ്‌നാര്‍ എന്ന സ്ഥലത്ത് ചൊവ്വാഴ്ച രാത്രിയാണ് നാടകീയ സംഭവങ്ങള്‍ അരങ്ങേറിയത്. വിവാഹ ചടങ്ങിന് ഒരുക്കിയ ഡി ജെ പാര്‍ട്ടി നിര്‍ത്തിയതോടെയാണ് വരന്‍ അരവിന്ദും കൂട്ടരും ബഹളം വെച്ച് തുടങ്ങിയത്. വരനും കൂട്ടരും മദ്യപിച്ചിട്ടുണ്ട് എന്ന് മനസിലായ വധു വിവാഹത്തിന് താല്‍പര്യമില്ല എന്ന് ബന്ധപ്പെട്ടവരെ അറിയിക്കുകയായിരുന്നു.
മദ്യപിച്ചെത്തിയ വരനുമൊത്തുള്ള വിവാഹം വേണ്ട എന്ന് തീര്‍ത്തുപറഞ്ഞ് ഇറങ്ങിപ്പോയ വധു വീട്ടിലെത്തി മുറിയില്‍ കയറി കതകടച്ചു. പെണ്‍കുട്ടി പറയുന്നതിനെ മാതാപിതാക്കളും ബന്ധുക്കളും കൂടി പിന്തുണച്ചതോടെ വരനും സംഘവും നാണം കെട്ട് ഇറങ്ങിപ്പോകേണ്ട സ്ഥിതി വന്നു. വിവാഹം മുടങ്ങിയതിനെതിരെ വരന്റെ ആള്‍ക്കാര്‍ പോലീസ് സ്‌റ്റേഷനില്‍ പരാതി നല്‍കാനെത്തി.
എന്നാല്‍ പെണ്‍കുട്ടിക്ക് വിവാഹം വേണ്ടെങ്കില്‍ പോലീസ് പിന്നെ എന്ത് ചെയ്യാനാണ് എന്ന് പറഞ്ഞ് ഇവരെ മടക്കി അയച്ചു. വീട്ടുകാര്‍ മാത്രമല്ല നാട്ടുകാരും വധുവിനെ പിന്തുണച്ച് രംഗത്തെത്തിയതായി പോലീസ് ഇന്‍സ്‌പെക്ടര്‍ രാജീവ് യാദവ് പറഞ്ഞു. വരനും കൂട്ടരും മദ്യപിച്ചിരുന്നു എന്നും ഇവരാണ് പ്രശ്‌നങ്ങള്‍ക്ക് തുടക്കമിട്ടത് എന്നും നാട്ടുകാര്‍ പോലീസിനോട് പറഞ്ഞു.
