വിവാഹ ദിവസം കന്യകാത്വ പരിശോധന, പിറ്റേ ദിവസം ബന്ധം പിരിയല്, വിധി പറയുന്നത് ജാതി പഞ്ചായത്ത്!! കഷ്ടം!!
മുംബൈ: നാട്ടുക്കൂട്ടങ്ങളും ജാതി പഞ്ചായത്തുക്കളും തുടച്ചു മാറ്റേണ്ട കാലം അതിക്രമിച്ചു കഴിഞ്ഞു. വിദ്യാഭ്യാസവും ശാസ്ത്രവും വികസിക്കുമ്പോഴും അടിസ്ഥാന രഹിതമായ കാര്യങ്ങളില് ഇത്തരം പഞ്ചായത്തുകള് പറയുന്ന വിധി പലരുടെയും ജീവിതം തന്നെയാണ് ഇല്ലാതാക്കുന്നത്.
മഹാരാഷ്ട്രയിലെ നാസികിലാണ് വിചിത്രമായ വിവാഹബന്ധം പിരിയല് നടന്നത്. വിവാഹ രാത്രി വധു കന്യകയാണോ എന്ന് പ്രാചീനമായ രീതിയില് പരിശോധിച്ച് പിറ്റേ ദിവസത്തില് ജാതി പഞ്ചായത്തിന്റെ നിര്ദേശത്തില് വരന് ബന്ധം പിരിഞ്ഞു.
സ്റ്റേറ്റ് പോലീസ് ഫോഴ്സിലേക്ക് സെലക്ഷന് കിട്ടിയ പെണ്കുട്ടി വ്യായാമങ്ങള് സ്ഥിരമായി ചെയ്യാറുള്ളതായിപറയുന്നു. ഒട്ടും ശാസ്ത്രീയ അടിസ്ഥാനമില്ലാതെ വിവരവും വിദ്യാഭ്യാസവും ഇല്ലാത്ത നാട്ടുക്കൂട്ടത്തിന്റെയും ജാതി പഞ്ചായത്തുക്കളുടെയും വിധി ചോദ്യം ചെയ്തത് സ്ത്രീയുടെ വ്യക്തിത്വത്തെയാണ്.
സംഭവത്തില് സോഷ്യല് വര്ക്കറുടെ സഹായത്തോടെ ജാതി പഞ്ചായത്തിലെ മുതിര്ന്ന വ്യക്തിയുമായി സംസാരിച്ചെങ്കിലും ഫലം കണ്ടില്ല. തുടര്ന്ന് പെണ്കുട്ടി പോലീസില് പരാതി നല്കി. ഒരു തരത്തിലുള്ള ജാതി പഞ്ചായത്തുക്കളും കങ്കാരപ കോടതികളും മഹാരാഷ്ട്രയില് നിരോധിച്ച സാഹചര്യത്തിലാണ് വീണ്ടും ഇത്തരത്തില് ഒരു സംഭവം ആവര്ത്തിച്ചത്.