ജിഎസ്ടി 2.0 നിലവില് വന്നു; ഇനി മുതല് സാധനങ്ങള്ക്ക് പുതിയ വില, മാറ്റങ്ങളറിയാം
ന്യൂഡല്ഹി: രാജ്യത്ത് പുതിയ ജിഎസ്ടി ഘടന നിലവില് വന്നു. 'ജിഎസ്ടി 2.0' എന്നറിയപ്പെടുന്ന ചരക്ക് സേവന നികുതിയുടെ പ്രധാന പരിഷ്കരണമാണ് പ്രാബല്യത്തില് വന്നത്. ഇതോടെ ഉപഭോക്താക്കള്ക്ക് വിപുലമായ നിരക്കുകളില് ഇളവുകള് ലഭിക്കും. നേരത്തെയുണ്ടായിരുന്ന 5%, 12%, 18%, 28% എന്നീ ജിഎസ്ടി സ്ലാബ് 5%, 18% എന്നിങ്ങനെയാക്കി യുക്തിസഹമാക്കിയിരിക്കുകയാണ്.
കൂടാതെ മദ്യം, പുകയില, പാന് മസാല തുടങ്ങിയ ഉല്പ്പന്നങ്ങള് 40% പാപ നികുതിയ്ക്ക് കീഴിലായിരിക്കും വരിക. ജിഎസ്ടിയിലെ ഇളവ് നിത്യോപയോഗ സാധനങ്ങളുടെ വില കുറയ്ക്കാന് ഇടയാക്കും. ഇത് സാധാരണക്കാരെ സംബന്ധിച്ചിടത്തോളം വലിയ ആശ്വാസമായിരിക്കും. അതേസമയം എല്ലാ വ്യക്തിഗത ലൈഫ് ഇന്ഷുറന്സ് പോളിസികളും ഇപ്പോള് ജിഎസ്ടിയില് നിന്ന് ഒഴിവാക്കിയിരിക്കുന്നു.
ഇതില് ടേം ഇന്ഷുറന്സ് പ്ലാനുകള്, എന്ഡോവ്മെന്റ് പോളിസികള്, യൂണിറ്റ്-ലിങ്ക്ഡ് ഇന്ഷുറന്സ് പ്ലാനുകള് എന്നിവ ഉള്പ്പെടുന്നു. ഈ വ്യക്തിഗത ലൈഫ് പോളിസികളുടെ റീഇന്ഷുറന്സും ഇളവിന് കീഴില് കൊണ്ടുവന്നിട്ടുണ്ട്. ആരോഗ്യ ഇന്ഷുറന്സിലെ ഏടഠ ഇളവ്: കുടുംബ പദ്ധതികള്, മുതിര്ന്ന പൗരന്മാര്ക്കുള്ള ആരോഗ്യ പോളിസികള് എന്നിവയുള്പ്പെടെയുള്ള വ്യക്തിഗത ആരോഗ്യ ഇന്ഷുറന്സ് പോളിസികളെയും ജിഎസ്ടിയില് നിന്ന് ഒഴിവാക്കിയിരിക്കുന്നു.
റോഡ് വഴിയുള്ള യാത്രക്കാരുടെ ഗതാഗതത്തിന് ഇന്പുട്ട് ടാക്സ് ക്രെഡിറ്റ് ഇല്ലാതെ 5 ശതമാനം നികുതി തുടരും. എന്നിരുന്നാലും, ട്രാന്സ്പോര്ട്ട് ഓപ്പറേറ്റര്മാര്ക്ക് താല്പ്പര്യമുണ്ടെങ്കില് ഐടിസി ഉപയോഗിച്ച് 18 ശതമാനം അടയ്ക്കാന് തിരഞ്ഞെടുക്കാം. വിമാന യാത്രയ്ക്ക്, ഇക്കണോമി ക്ലാസ് ടിക്കറ്റുകള്ക്ക് 5 ശതമാനം നികുതി തുടരും. ബിസിനസ്, മറ്റ് പ്രീമിയം ക്ലാസുകള്ക്ക് 18 ശതമാനം നികുതി തുടരും.
രജിസ്റ്റര് ചെയ്യാത്ത ഒരു സേവന ദാതാവ് ഒരു ഇ-കൊമേഴ്സ് ഓപ്പറേറ്റര് വഴിയാണ് പ്രാദേശിക ഡെലിവറി സേവനങ്ങള് നല്കുന്നതെങ്കില് ജിഎസ്ടി ബാധ്യത ഇ-കൊമേഴ്സ് ഓപ്പറേറ്ററിലേക്ക് മാറുന്നു. ഡെലിവറി ദാതാവ് ജിഎസ്ടി പ്രകാരം രജിസ്റ്റര് ചെയ്തിട്ടുണ്ടെങ്കില് നികുതി അടയ്ക്കുന്നതിന് ആ ദാതാവിനായിരിക്കും ഉത്തരവാദിത്തം. പ്രാദേശിക ഡെലിവറി സേവനങ്ങള്ക്ക് 18 ശതമാനം സ്റ്റാന്ഡേര്ഡ് നിരക്കാണ് നിശ്ചയിച്ചിരിക്കുന്നത്.
അതേസമയം മരുന്നുകള്ക്ക് പൂര്ണ്ണമായി നികുതി ഒഴിവാക്കുന്നതിനുപകരം 5 ശതമാനത്തില് നികുതി തുടരും. മരുന്നുകള്ക്ക് പൂര്ണ്ണമായി ഇളവ് നല്കിയാല്, അസംസ്കൃത വസ്തുക്കള്, പാക്കേജിംഗ് തുടങ്ങിയ ഇന്പുട്ടുകള്ക്ക് ഐടിസി ക്ലെയിം ചെയ്യാനുള്ള കഴിവ് നിര്മ്മാതാക്കള്ക്ക് നഷ്ടപ്പെടും എന്നും ഇത് അവരുടെ ഉല്പാദനച്ചെലവ് വര്ധിപ്പിക്കും എന്നും ധനകാര്യ മന്ത്രാലയം വ്യക്തമാക്കി.
ജിഎസ്ടി 2.0 പ്രകാരമുള്ള പുതുക്കിയ നിരക്കുകള് ഇറക്കുമതികള്ക്കും ബാധകമാകും. ഇന്ന് മുതല് സംയോജിത ജിഎസ്ടി (ഐജിഎസ്ടി) ഈടാക്കും. അതേസമയം പാലുല്പ്പന്ന സ്രോതസ്സുകളില് നിന്നുള്ള അള്ട്രാ ഹൈ ടെമ്പറേച്ചര് സംസ്കരിച്ച പാലിനെ പൂര്ണ്ണമായും ജിഎസ്ടിയില് നിന്ന് ഒഴിവാക്കിയിട്ടുണ്ട്. എന്നിരുന്നാലും, സസ്യാധിഷ്ഠിത പാലിന് ഈ ഇളവ് ബാധകമല്ല.
ഇതുവരെ, ബദാം പാലിനും സമാനമായ പാനീയങ്ങള്ക്കും 18 ശതമാനം ജിഎസ്ടി ഉണ്ടായിരുന്നു, അതേസമയം സോയ പാലിന് 12 ശതമാനം നികുതി ഉണ്ടായിരുന്നു. ജിഎസ്ടി 2.0 പ്രകാരം, സോയ പാല് ഉള്പ്പെടെയുള്ള എല്ലാ സസ്യാധിഷ്ഠിത പാല് പാനീയങ്ങള്ക്കും ഇപ്പോള് ഏകീകൃത 5 ശതമാനം നികുതി ലഭിക്കും. ഫേസ് പൗഡറുകള്ക്കും ഷാംപൂകള്ക്കും ജിഎസ്ടി കുറച്ചു.
അതേസമയം ജിഎസ്ടി നിരക്ക് ഇളവുകള് പ്രാബല്യത്തില് വരുന്ന ഇന്ന്, ഓട്ടോ, കണ്സ്യൂമര് ഇലക്ട്രോണിക്സ്, ദൈനംദിന ഉപയോഗ ഉല്പ്പന്ന കമ്പനികള് ചില്ലറ വ്യാപാരികള്ക്കും ഡീലര്മാര്ക്കും ഏറ്റവും ഉയര്ന്ന ഏകദിന വില്പ്പനയ്ക്ക് ഒരുങ്ങുകയാണ്. നവരാത്രിയും വര്ദ്ധിച്ചുവരുന്ന ഡിമാന്ഡും കാരണം, പുതിയ നിരക്കുകള് പ്രതീക്ഷിച്ച് ഉപഭോക്താക്കള് വലിയ വാങ്ങലുകള് മാറ്റിവച്ചതിനാല്, ആഴ്ച മുഴുവന് ശക്തമായ വ്യാപാര ഓര്ഡറുകള് കമ്പനികള് പ്രതീക്ഷിക്കുന്നു.
Click it and Unblock the Notifications
Sign in with Google