കോണ്ഗ്രസ് സ്ഥാനാര്ഥിയായി ജിഗ്നേഷ് മേവാനി; രാഹുല് ഗാന്ധി 22ന് ഗുജറാത്തിലെത്തും
ന്യൂഡല്ഹി: ഗുജറാത്തില് പ്രമുഖ ദളിത് നേതാവ് ജിഗ്നേഷ് മേവാനി കോണ്ഗ്രസ് സ്ഥാനാര്ഥിയാവും. വദ്ഗാം മണ്ഡലത്തില് നിന്നാണ് അദ്ദേഹം ജനവിധി തേടുക. 2017ല് ഇതേ മണ്ഡലത്തില് ജയിച്ച വ്യക്തിയാണ് അദ്ദേഹം. അന്ന് സ്വതന്ത്രനായിട്ടാണ് ജനവിധി തേടിയത്. കഴിഞ്ഞ വര്ഷം മേവാനി കോണ്ഗ്രസില് ചേര്ന്നെങ്കലും സ്വതന്ത്രനായി തുടരുകയായിരുന്നു.
എംഎല്എ കാലാവധി കഴിഞ്ഞ ശേഷമാണ് ഔദ്യോഗികമായി കോണ്ഗ്രസ് അംഗത്വം എടുത്തത്. അല്ലെങ്കില് എംഎല്എ പദവി റദ്ദാക്കിയേക്കുമെന്ന ആശങ്കയെ തുടര്ന്നാണിത്. ഞായറാഴ്ച സ്ഥാനാര്ഥികളുടെ രണ്ടു പട്ടികയാണ് കോണ്ഗ്രസ് പുറത്തിറക്കിയത്. ആദ്യം ആറു പേരുടെയും പിന്നീട് 33 പേരുടെയും. ഇതോടെ 142 സ്ഥാനാര്ഥികളെ കോണ്ഗ്രസ് പ്രഖ്യാപിച്ചുകഴിഞ്ഞു.
രാഹുല് ഗാന്ധി ഈ മാസം 22ന് ഗുജറാത്തില് തിരഞ്ഞെടുപ്പ് പ്രചാരണത്തിനെത്തും. ഹിമാചല് പ്രദേശില് അദ്ദേഹം പ്രചാരണം നടത്തിയിരുന്നില്ല. സഹോദരി പ്രിയങ്ക ഗാന്ധിയാണ് ഹിമാചലില് കോണ്ഗ്രസ് പ്രചാരണത്തിന് ചുക്കാന് പിടിച്ചിരുന്നത്. ഭാരത് ജോഡോ യാത്രയുടെ ഭാഗമായതിനാലാണ് രാഹുല് ഗാന്ധി ഹിമാചലില് എത്താതിരുന്നത്.
എന്നാല് ഗുജറാത്ത് നിയമസഭാ തിരഞ്ഞെടുപ്പിന്റെ പ്രാധാന്യം കണക്കിലെടുത്താണ് രാഹുല് ഗാന്ധിയും സോണിയ ഗാന്ധിയും എത്തുന്നത്. 2017ല് നടന്ന നിയമസഭാ തിരഞ്ഞെടുപ്പില് കോണ്ഗ്രസ് പ്രചാരണത്തിന് ചുക്കാന് പിടിച്ചത് രാഹുല് ഗാന്ധിയായിരുന്നു. ഏറെ കാലത്തിന് ശേഷം കോണ്ഗ്രസ് മികച്ച പ്രകടനം കാഴ്ചവച്ച തിരഞ്ഞെടുപ്പുകൂടിയായിരുന്നു അത്.
ഭാരത് ജോഡോ യാത്രയില് നിന്ന് അവധിയെടുത്താണ് രാഹുല് ഗാന്ധി ഗുജറാത്തിലെത്തുന്നത്. ഡിസംബര് ഒന്നിനും അഞ്ചിനുമാണ് വോട്ടെടുപ്പ്. ഗുജറാത്തിലെയും ഹിമാചലിലെയും ഫലം ഒരുമിച്ച് ഡിസംബര് എട്ടിനാണ് പ്രഖ്യാപിക്കുക. ഒരു കാലത്ത് കോണ്ഗ്രസ് ഭരിച്ചിരുന്ന സംസ്ഥാനമാണ് ഗുജറാത്ത്. എന്നാല് കഴിഞ്ഞ 27 വര്ഷമായി ബിജെപിയാണ് അധികാരത്തില്.
അടുത്ത 15 ദിവസം ശക്തമായ പ്രചാരണത്തിനാണ് കോണ്ഗ്രസ് ഗുജറാത്തില് ഒരുങ്ങുന്നത്. മണ്ഡല അടിസ്ഥാനത്തില് 25 പൊതുസമ്മേളനങ്ങള് നടത്താനാണ് തീരുമാനം. 125 റാലികളും സംഘടിപ്പിക്കും. സോണിയ ഗാന്ധി, രാഹുല് ഗാന്ധി, പ്രിയങ്ക ഗാന്ധി, മല്ലികാര്ജുന് ഖാര്ഗെ ഉള്പ്പെടെ പ്രധാന നേതാക്കളെല്ലാം ഗുജറാത്തില് പ്രചാരണത്തിന് എത്തും. ബൂത്ത് തലത്തില് പ്രവര്ത്തനം ശക്തിപ്പെടുത്തിയാണ് കോണ്ഗ്രസ് പ്രചാരണം കൊഴുപ്പിച്ചത്.
മഹാസമ്മേളനങ്ങള് അവസാന ഘട്ടത്തിലേക്ക് മാറ്റിവച്ചിരിക്കുകയാണ്. അശോക് ഗെഹ്ലോട്ട്, ഭൂപേഷ് സിങ് ബാഗേല്, മുന് മുഖ്യമന്ത്രിമാര്, പാര്ട്ടിയുടെ പിന്നാക്ക വിഭാഗ നേതാക്കള് എന്നിവരെല്ലാം ഗുജറാത്തില് പ്രചാരണത്തിനെത്തും. പ്രചാരണത്തിന്റെ രണ്ടാംഘട്ടത്തിലേക്ക് പാര്ട്ടി കടക്കുകയാണെന്നു കോണ്ഗ്രസ് അറിയിച്ചു. ഇത്തവണ എഎപിയുടെ സാന്നിധ്യം ആര്ക്കാണ് ഗുണം ചെയ്യുക എന്നാണ് അറിയേണ്ടത്.
-
രാജീവ് ചന്ദ്രശേഖറിന്റെ പത്രിക തള്ളുമോ? പരാതിയുമായി കോണ്ഗ്രസ്, 'ആ സ്വത്ത് വെളിപ്പെടുത്തിയില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം
Click it and Unblock the Notifications
Sign in with Google