Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ചാക്കിട്ട് പിടിത്തവും കളംമാറ്റവും; കോണ്‍ഗ്രസിന് പേടി, മുഴുവന്‍ എംഎല്‍എമാരെയും നാടുകടത്തി
ഗാന്ധിനഗര്‍: മാസങ്ങളുടെ വ്യത്യാസത്തില്‍ എട്ട് എംഎല്‍എമാരെയാണ് ഗുജറാത്തില്‍ കോണ്‍ഗ്രസിന് നഷ്ടമായത്. അഞ്ച് പേര്‍ മാര്‍ച്ചിലും കഴിഞ്ഞദിവസങ്ങളില്‍ മൂന്ന് പേരും രാജിവച്ചു. ഇനിയും രാജിവയ്ക്കാന്‍ സാധ്യതയുണ്ടെന്നാണ് റിപ്പോര്‍ട്ടുകള്‍. ഇക്കാര്യം ബിജെപി നേതാക്കള്‍ സൂചിപ്പിക്കുകയും ചെയ്തു. കോടികള്‍ കൊടുത്ത് കോണ്‍ഗ്രസ് എംഎല്‍എമാരെ ബിജെപി രാജിവയ്പ്പിക്കുകയാണ് എന്നാണ് കോണ്‍ഗ്രസ് നേതാക്കളുടെ ആരോപണം. ഇനിയും കോണ്‍ഗ്രസ് എംഎല്‍എമാര്‍ രാജിവയ്ക്കുമെന്ന ബിജെപിയുടെ ഭീഷണിയില്‍ കോണ്‍ഗ്രസിന് ആശങ്കയുണ്ട്.
തുടര്‍ന്ന് എല്ലാ എംഎല്‍എമാരെയും കോണ്‍ഗ്രസ് അയല്‍ സംസ്ഥാനമായ രാജസ്ഥാനിലേക്ക് മാറ്റാന്‍ തീരുമാനിച്ചു. നേരത്തെ 20 എംഎല്‍എമാരെ കോണ്‍ഗ്രസ് രാജസ്ഥാനിലേക്ക് മാറ്റിയിരുന്നു. ബാക്കിയുള്ളവരെ ഗുജറാത്തിലെ തന്നെ വിവിധ റിസോര്‍ട്ടിലേക്കാണ് മാറ്റിയിരുന്നത്. എന്നാല്‍ ഇതിനെതിരെ കൊറോണ മാനദണ്ഡങ്ങള്‍ ലംഘിച്ചുവെന്ന് ആരോപിച്ച് പോലീസ് കേസെടുക്കുമെന്നായപ്പോള്‍ കോണ്‍ഗ്രസ് അടവ് മാറ്റി. എല്ലാവരെയും സുരക്ഷിത കേന്ദ്രത്തിലേക്ക് എത്തിക്കാന്‍ തീരുമാനിച്ചു.
തുടര്‍ന്നാണ് കോണ്‍ഗ്രസ് ഭരിക്കുന്ന രാജസ്ഥാനിലേക്ക് മാറ്റാന്‍ തീരുമാനിച്ചത്. തിങ്കളാഴ്ച വൈകീട്ട് എല്ലാ എംഎല്‍എമാരും രാജ്സ്ഥാനിലെത്തുമെന്ന് കോണ്‍ഗ്രസ് നേതാക്കള്‍ അറിയിച്ചു. രാജസ്ഥാനിലെ സിറോഹി ജില്ലയിലെ അബു റോഡിലുള്ള റിസോര്‍ട്ടിലേക്കാണ് എല്ലാ കോണ്‍ഗ്രസ് എംഎല്‍എമാരെയും എത്തിക്കുന്നത്. ഗുജറാത്തില്‍ കോണ്‍ഗ്രസിന് 65 അംഗങ്ങളാണുള്ളത്. നേരത്തെ 20 പേരെ രാജസ്ഥാനിലെത്തിച്ചിരുന്നു. തിങ്കളാഴ്ച ബാക്കിയുള്ളവരുമെത്തുമെന്ന് നേതാക്കള്‍ പറഞ്ഞു.
ഗുജറാത്തില്‍ നാല് രാജ്യസഭാ സീറ്റുകളിലേക്ക് ഈ മാസം 19നാണ് തിരഞ്ഞെടുപ്പ്. ഇതിന് തൊട്ടുമുമ്പ് എല്ലാ എംഎല്‍എമാരെയും തിരിച്ചെത്തിക്കാനാണ് കോണ്‍ഗ്രസ് തീരുമാനം. 182 അംഗ നിയമസഭയില്‍ ബിജെപിക്ക് 103 അംഗങ്ങളുണ്ട്. കോണ്‍ഗ്രസിന് ഇപ്പോഴുള്ളത് 65 പേരാണ്. 10 സീറ്റുകള്‍ ഒഴിഞ്ഞുകിടക്കുകയാണ്. ബിടിപിക്ക് രണ്ട് അംഗങ്ങളും എന്‍സിപിക്ക് ഒരംഗവും ഒരു സ്വതന്ത്രനുമാണ് സഭയിലുള്ളത്.
