മന്ത്രി പുത്രനെന്താ കൊമ്പുണ്ടോ!മദ്യപിച്ചെത്തിയ ഗുജറാത്ത്മന്ത്രിയുടെ മകന് വിമാനത്തില് വിലക്ക്
മദ്യ ലഹരി കാരണം ജെയ്മീന് പട്ടേലിനു നടക്കാന് കഴിഞ്ഞിരുന്നില്ലെന്നു അധികൃതര്
അഹമ്മദാബാദ്: അമിതമായി മദ്യപിച്ചെത്തിയ ഗുജറാത്ത് ഉപമുഖ്യമന്ത്രി നിതിന് പട്ടേലിന്റെ മകനെ ഖത്തര് എയര്വെയ്സ് വിമാനത്തില് തടഞ്ഞു.ഗ്രീസിലേക്കുള്ള ഖത്തര് എയര്വെയ്സ് വിമാനത്തില് നിന്നാണ് ജെയ്മീന് പട്ടേലിനെയും കുടുംബത്തെയും വിലക്കിയത്.
കുടുംബത്തിനോടെപ്പം അവധികാലം ചെലവഴിക്കാനായി ഗ്രീസിലേക്ക് പോകുകയായിരുന്നു മന്ത്രി പുത്രന്. എന്നാല് അമിത മദ്യലഹരി കാരണം ശരിയായി നടക്കാന് പോലും കഴിഞ്ഞിരുന്നില്ലെന്നും അതുകൊണ്ടാണ് ജെയ്മിനെയും ഭാര്യ ഝലകിനെയും മകള് വൈശാലിയേയും വിമാനത്തില് കയറ്റാതിരുന്നതെന്നും വിമാന ജീവനക്കാര് വ്യക്തമാക്കി. ഇദ്ദേഹം വിമാന കമ്പനി ജീവനക്കാരോടു തട്ടികയറിയതായി പരാതി ലഭിച്ചിട്ടുണ്ട്.
കടുത്ത മദ്യലഹരിയിലായിരുന്ന ജെയ്മീന് ഇമിഗ്രേഷനും മറ്റു പരിശോധനക്കുമെത്തിയത് വീല് ചെയറിലായിരുന്നുവെന്നും അധികൃതര് അറിയിച്ചു.
അതേസമയം, തന്റെ കുടുംബത്തെ അപകീര്ത്തി പെടുത്തനാണ് ഇങ്ങനെ ഇല്ലാ കഥകള് കെട്ടിചമക്കുന്നതെന്നു ഉപമുഖ്യമന്ത്രി നിതില് പട്ടേല് പറഞ്ഞു.ഗ്രീസില് അവധിക്കാലം ചെലവഴിക്കാനാണ് മകനും കുടുംബവും യാത്ര പുറപ്പെട്ടത്. എന്നാല് മകന് സുഖമില്ലായിരുന്നു. അതിനാലാണ് പെട്ടെന്നുള്ള യാത്ര വേണ്ടെന്നുവെച്ചതെന്നും മന്ത്രി അറിയിച്ചു.