മുസ്ലിം സ്ത്രീകള് മല്സരിക്കരുത്; സ്ഥാനാര്ഥിയാക്കുന്നത് ഇസ്ലാമിനെതിരായ നീക്കമെന്ന് ഇമാം
അഹമ്മദാബാദ്: മുസ്ലിം സ്ത്രീകള് തിരഞ്ഞെടുപ്പില് മല്സരിക്കരുത് എന്ന് അഹമ്മദാബാദ് ജമാ മസ്ജിദ് ഇമാം ഷബ്ബിര് അഹ്മദ് സിദ്ദിഖി. സ്ത്രീകള് മല്സരിക്കുന്നത് ഇസ്ലാമിനെതിരായ നീക്കമാണ്. അത് മതത്തെ ദുര്ബലപ്പെടുത്തുമെന്നും അദ്ദേഹം പറഞ്ഞു. ഗുജറാത്ത് നിയമസഭാ തിരഞ്ഞെടുപ്പിന്റെ രണ്ടാംഘട്ട വോട്ടെടുപ്പ് തിങ്കളാഴ്ച നടക്കാനിരിക്കെയാണ് ഇമാമിന്റെ പ്രതികരണം.
ഇസ്ലാമില് വളരെ സുപ്രധാനമായ കര്മമാണ് നിസ്കാരം. എന്നാല് സ്ത്രീകള് പള്ളിയില് വന്ന് നിസ്കരിക്കാറില്ല. സ്ത്രീകള്ക്ക് പ്രത്യേക സ്ഥാനം ഇസ്ലാം നല്കുന്നു. പൊതുരംഗത്ത് സ്ത്രീകള് വരുന്നതിനെ ഇസ്ലാം തടയുന്നു. അതുകൊണ്ടാണ് പള്ളിയില് വരുന്നതില് നിന്ന് പോലും സ്ത്രീകള്ക്ക് ഇളവ് നല്കുന്നത്. അക്കാരണം തന്നെയാണ് തിരഞ്ഞെടുപ്പില് സ്ത്രീകള് മല്സരിക്കാന് പാടില്ല എന്ന് പറയുന്നതിന് പിന്നിലും. മുസ്ലിം സ്ത്രീകള്ക്ക് മല്സരിക്കാന് ടിക്കറ്റ് നല്കുന്നത് ഇസ്ലാമിനെതിരായ വിപ്ലവമാണ് എന്നും ഷാഹി ഇമാം ഷബ്ബിര് അഹമ്മദ് സിദ്ദിഖി എഎന്ഐ വാര്ത്താ ഏജന്സിയോട് പറഞ്ഞു.
പുരുഷന്മാര് ഇല്ലാത്തത് കൊണ്ടാണോ നിങ്ങള് സ്ത്രീകളെ മല്സരിപ്പിക്കുന്നത് എന്ന വിചിത്ര ചോദ്യവും ഇമാം ഉന്നയിക്കുന്നു. ഇത്തരം നീക്കങ്ങള് ഞങ്ങളുടെ മതത്തെ ദുര്ബലപ്പെടുത്തും. സ്ത്രീകളെ എംഎല്എയും കൗണ്സിലറും ആക്കിയാല് ഹിജാബിനെ ന്യായീകരിക്കാന് സാധിക്കാതെ വരും. സ്ത്രീകള് മല്സരിക്കുമ്പോള് എല്ലാ വീട്ടിലും കയറിയിറങ്ങേണ്ടി വരും. ഹിന്ദുവിന്റെയും മുസ്ലിമിന്റെയും വീട്ടില് പോകേണ്ടി വരും. അതുകൊണ്ടാണ് ഞാന് ഇക്കാര്യങ്ങള് പറയുന്നത്. നിങ്ങള് പുരുഷന്മാരെ തിരഞ്ഞെടുപ്പില് മല്സരിപ്പിക്കൂ എന്നും ഇമാം പറയുന്നു.
രണ്ട് ഘട്ടങ്ങളായിട്ടാണ് ഗുജറാത്ത് നിയമസഭാ തിരഞ്ഞെടുപ്പ് നടക്കുന്നത്. ആദ്യഘട്ടം ഡിസംബര് ഒന്നിന് നടന്നു. രണ്ടാം ഘട്ടം തിങ്കളാഴ്ചയാണ്. വ്യാഴാഴ്ചയാണ് വോട്ടെണ്ണല്. അതിനിടെയാണ് അഹമ്മദാബാദിലെ ഇമാമിന്റെ പ്രതികരണം വലിയ ചര്ച്ചയായിരിക്കുന്നത്. 93 മണ്ഡലങ്ങളിലേക്കുള്ള വോട്ടെടുപ്പാണ് നാളെ നടക്കാന് പോകുന്നത്. ബിജെപിയും കോണ്ഗ്രസുമാണ് പ്രധാനമായും മല്സര രംഗത്ത്. എഎപിയും മജ്ലിസ് പാര്ട്ടിയും ഇത്തവണ മാറ്റുരയ്ക്കുന്നുണ്ട്. ഗുജറാത്ത് ജനസംഖ്യയുടെ പത്ത് ശതമാനം മുസ്ലിങ്ങളാണ്. എന്നാല് മുസ്ലിം സ്ത്രീകളുടെ പ്രാതിനിധ്യം ഗുജറാത്ത് നിയമസഭയിലില്ല.
-
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം
Click it and Unblock the Notifications
Sign in with Google