തുളസീറാം പ്രജാപതി വ്യാജ ഏറ്റുമുട്ടല്.. ഗൂഡാലോചനയില് അമിത് ഷായ്ക്ക് പങ്കെന്ന് അന്വേഷണ ഉദ്യോഗസ്ഥന്.. ബിജെപി സമ്മര്ദത്തില്
മുംബൈ: തുളസീറാം പ്രജാപതി ഏറ്റുമുട്ടല് കൊലപാതകത്തില് അമിത് ഷായ്ക്കും മറ്റ് മൂന് ഐപിഎസ് ഉദ്യോഗസ്ഥര്ക്കും ഗൂഡാലോചനയില് പങ്കെന്ന് അന്വേഷണ ഉദ്യോഗസ്ഥന്.ബിജെപി പ്രസിഡന്റ് അമിത് ഷാ,ഐപിഎസ ് ഉദ്യോഗസ്ഥരായ ദിവേശ് എംഎന്, രാജ്കുമാര് പാണ്ഡ്യന്,ഡിജി വന്സാറാ എന്നിവരാണ് 2006 ഗുജറാത്തില് ഉണ്ടായ തുളസിറാം പ്രജാപതി വ്യാജ ഏറ്റുമുട്ടല്കേസിലെ മുഖ്യ സൂത്രധാരര് എന്നാണ് അന്വേഷണോദ്യഗസ്ഥന് കോടതിയില് പറയുന്നത്.
ബിജെപിയുടെ ആ പരിപ്പും വേവില്ല, ബിജെപി നേതാക്കളെ വിറപ്പിച്ച യതീഷ് ചന്ദ്രയെ പിണറായി കൈവിട്ടേക്കില്ല
2006 ഡിസംബര് 28നാണ് കസ്റ്റഡിയിലിരിക്കെ തുളസീറാം പ്രജാപതി കൊല്ലപ്പെടുന്നത്.ഇത് ഗുജറാത്ത് പോലീസ് നടത്തിയ വ്യാജ ഏറ്റുമുട്ടലാണെന്ന് അന്നുമുതല് വിമര്ശനം ഉയര്ന്നിരുന്നു. കേസുമായി ബന്ധപ്പെട്ട് ഡിഐജി ഡിജി വന്സാറാ 7 വര്ഷത്തേക്ക് ജയില് ശിക്ഷ അനുഭവിച്ചിരുന്നു.2011 ല് കേസ് സിബിഐയ്ക്ക് കൈമാറാന് സുപ്രീംകോടതി ഉത്തരവിട്ടു.
2012ല് കേസ് അന്വഷിച്ചിരുന്ന ഉദ്യോഗസ്ഥന് സന്ദീപ് താംഗഡേജും കൊലപാതകത്തില് രാഷ്ട്രീയക്കാരുടെ പങ്കു ഉറപ്പാക്കിയിരുന്നു.അമിത് ഷാ,രാജസ്ഥാന് ആഭ്യന്തരമന്ത്രി ഗുലാബ് ചന്ദ് കട്ടരിയ എന്നിവരാണ് ആ രഷ്ട്രീയക്കാര് എന്നും ഇവരാണ് വെടിവെയ്പിന് നിര്ദേശം നല്കിയതെന്നും പറഞ്ഞിരുന്നു. ഷാ,കട്ടരിയ,ദിനേശ് എംഎന്,പാണ്ഢ്യന്,വന്സാര എന്നിവര് ജയില് മോചിതരായിരുന്നു.കോള് ഡാറ്റ റെക്കോര്ഡില് അമിത് ഷാ അടക്കമുള്ളവരുടെ ഗൂഡാലോചന സ്പഷ്ടമാണെന്നും പറഞ്ഞിരുന്നു