കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഹാദിയ കേസില്‍ വനിതാ കമ്മീഷനും; സന്ദര്‍ശിക്കാന്‍ അനുവദിക്കണം, ഡോക്ടര്‍ റിപ്പോര്‍ട്ട് തയ്യാറാക്കും

  • By Ashif
Google Oneindia Malayalam News

ദില്ലി: ഹാദിയ കേസില്‍ കക്ഷി ചേരാന്‍ വനിതാ കമ്മീഷന്‍ സുപ്രീംകോടതിയില്‍ അപേക്ഷ നല്‍കി. കേസില്‍ കക്ഷി ചേരാന്‍ അനുവദിക്കണമെന്ന കമ്മീഷന്റെ ആവശ്യം സുപ്രീംകോടതി കഴിഞ്ഞ ദിവസം അംഗീകരിച്ചിരുന്നു. തൊട്ടുപിന്നാലെയാണ് അപേക്ഷ സമര്‍പ്പിച്ചത്.

ചട്ടപ്രകാരമുള്ള കടമ നിറവേറ്റാന്‍ അനുവദിക്കണമെന്ന് വനിതാ കമ്മീഷന്‍ സമര്‍പ്പിച്ച അപേക്ഷയില്‍ ആവശ്യപ്പെടുന്നു. ഡോക്ടര്‍ക്കൊപ്പം ഹാദയയെ വൈക്കത്തെ വീട്ടില്‍ സന്ദര്‍ശിക്കുന്നതിന് അനുവദിക്കണമെന്നും കമ്മീഷന്‍ ആവശ്യപ്പെട്ടു. ഹാദിയയുടെ ഇപ്പോഴത്തെ ശാരീക അവസ്ഥ ഡോക്ടര്‍ പരിശോധിച്ച് റിപ്പോര്‍ട്ട് തയ്യാറാക്കും. ഈ റിപ്പോര്‍ട്ട് കോടതിയില്‍ സമര്‍പ്പിക്കുമെന്നും അപേക്ഷയില്‍ വിശദീകരിക്കുന്നു.

05

കൊല്ലം സ്വദേശി ഷെഫിന്‍ ജഹാനുമായി നടന്ന ഹാദിയയുടെ വിവാഹം അസാധുവാക്കിയാണ് ഹൈക്കോടതി അവരുടെ മാതാപിതാക്കള്‍ക്കൊപ്പം വിട്ടത്. ഇപ്പോള്‍ വൈക്കത്തെ വീട്ടിലാണ് ഹാദിയ. അവരെ കാണാന്‍ ആരെയും അനുവദിക്കാത്തത് വിവാദമായിരുന്നു. ഹാദിയയെ കാണുന്നതിന് ഹൈക്കോടതി ആരെയും വിലക്കിയിട്ടില്ലെന്ന് കമ്മീഷന്‍ വ്യക്തമാക്കി.

ഹാദിയയെ കാണാന്‍ അനുവദിക്കുന്നില്ലെന്ന നിരവധി പരാതികള്‍ വനിതാ കമ്മീഷന് ലഭിച്ചിട്ടുണ്ടെന്ന് അധ്യക്ഷ എംസി ജോസഫൈന്‍ പറഞ്ഞിരുന്നു. വനിതാ കമ്മീഷന്‍ നിയമത്തിലെ 17 വകുപ്പ് പ്രകാരം ഇത്തരം പരാതികളില്‍ കമ്മീഷന് ഇടപെടാന്‍ സാധിക്കും. രേഖാമൂലം പരാതി ആവശ്യമില്ലെന്നും സുപ്രീംകോടതിയില്‍ നല്‍കിയ അപേക്ഷയില്‍ വ്യക്തമാക്കി.

ഹാദിയ കേസില്‍ യുവതിയുടെ തീരുമാനം നിര്‍ണായകമാണെന്ന് സുപ്രീംകോടതി കഴിഞ്ഞദിവസം നിരീക്ഷിച്ചിരുന്നു. വിവാഹം, മതംമാറ്റം ഉള്‍പ്പെടെയുള്ള കാര്യങ്ങളില്‍ ഹാദിയക്ക് തീരുമാനമെടുക്കാനുള്ള അവകാശമുണ്ടെന്ന് സുപ്രീംകോടതി വ്യക്തമാക്കി. ഹാദിയയുടെ വിവാഹം റദ്ദാക്കിയ ഹൈക്കോടതി തീരുമാനവും കേസില്‍ എന്‍ഐഎ അന്വേഷണം ആവശ്യമുണ്ടോ എന്ന കാര്യവും പരിശോധിക്കുമെന്ന് സുപ്രീംകോടതി വ്യക്തമാക്കിയിട്ടുണ്ട്. അടുത്ത തിങ്കളാഴ്ച കേസ് വീണ്ടും പരിഗണിക്കും.

English summary
Hadiya case: Woman Commission Approached Supreme Court
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X