കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഹന്ദ്വാര സംഘര്‍ഷം; പീഡനത്തിന് ഇരയായിട്ടില്ലെന്ന് പെണ്‍കുട്ടിയുടെ മൊഴി

  • By Anwar Sadath
Google Oneindia Malayalam News

ശ്രീനഗര്‍: ജമ്മു കാശ്മീരിലെ ഹന്ദ്വാരയില്‍വെച്ച് പീഡിപ്പിക്കപ്പെട്ടെന്ന് പരാതി നല്‍കിയ പെണ്‍കുട്ടി മജിസ്‌ട്രേറ്റിനു മുന്നില്‍ മറ്റൊരു മൊഴി നല്‍കി. തന്നെ ആരും പീഡിപ്പിച്ചിട്ടില്ലെന്നും സ്‌കൂള്‍ യൂണിഫോമിലുണ്ടായിരുന്ന രണ്ടു വിദ്യാര്‍ഥികള്‍ ബാഗ് തട്ടിപ്പറിക്കാനും അക്രമിക്കാനും ശ്രമിക്കുകയായിരുന്നെന്ന് പെണ്‍കുട്ടി ഹന്ദ്വാര ചീഫ് ജുഡീഷ്യല്‍ മജിസ്‌ട്രേറ്റിന് മുന്‍പാകെ മൊഴി നല്‍കി.

ജമ്മു കാശ്മീര്‍ ഹൈക്കോടതിയുടെ നിര്‍ദ്ദേശപ്രകാരമായിരുന്നു പെണ്‍കുട്ടിയെ മജിസ്‌ട്രേറ്റിന് മുന്നില്‍ ഹാജരാക്കിയത്. സംഭവദിവസം മറ്റു വിദ്യാര്‍ഥികള്‍ക്കൊപ്പം സ്‌കൂള്‍ വിട്ടു വരുമ്പോള്‍ മാര്‍ക്കറ്റിലെ ബാത്ത്്‌റൂമില്‍ കയറി. പുറത്തിറങ്ങിയപ്പോള്‍ സ്‌കൂള്‍ യൂണിഫോമിലുണ്ടായിരുന്ന രണ്ടു പേര്‍ ചേര്‍ന്ന് ആക്രമിക്കുകയും ബാഗ് തട്ടിപ്പറിക്കാന്‍ ശ്രമിക്കുകയുമായിരുന്നെന്ന് പെണ്‍കുട്ടി പറഞ്ഞു.

handwara

ഒരു സൈനികന്‍ മകളെ മാനഭംഗപ്പെടുത്തിയെന്നായിരുന്നു പെണ്‍കുട്ടിയുടെ മാതാവ് നേരത്തെ പോലീസില്‍ നല്‍കിയ പരാതിയില്‍ വ്യക്തമാക്കിയിരുന്നത്. പിന്നീട് ഈ മൊഴി പെണ്‍കുട്ടിതന്നെ പോലീസിനു മുന്നില്‍ തിരുത്തി. മകളെ ഭീഷണിപ്പെടുത്തിയാണ് മൊഴി തിരുത്തിച്ചതെന്ന് മാതാവ് കഴിഞ്ഞദിവസം ആരോപിച്ചിരുന്നു.

പെണ്‍കുട്ടിക്കെതിരായ ആക്രമണവുമായി ബന്ധപ്പെട്ട് പ്രദേശത്ത് സംഘര്‍ഷം തുടരുകയാണ്. നാട്ടുകാര്‍ സൈനികര്‍ക്കെതിരെ പ്രതിഷേധവും ആക്രമണവും നടത്തിയിരുന്നു. ഇതേ തുടര്‍ന്ന് സൈനികര്‍ നടത്തിയ വെടിവെപ്പില്‍ ഒരാള്‍ മരിക്കുകയും മൂന്നുപേര്‍ക്ക് പരിക്കേല്‍ക്കുകയും ചെയ്തു.

English summary
Handwara Girl Tells Magistrate She Was Not Molested by Army Men
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X