ഹര്ഭജന് സിംഗ് - ഗീത ബസ്ര വിവാഹത്തിന് മുഖ്യാതിഥി മോദി?
കാര്യങ്ങള് വിചാരിച്ചത് പോലെയാണ് പോകുന്നതെങ്കില് ഓഫ് സ്പിന്നര് ഹര്ഭജന് സിംഗിന്റെ വിവാഹത്തിന് ഒരു സ്പെഷല് ഗസ്റ്റ് കൂടി ഉണ്ടാകും. മറ്റാരുമല്ല, ഇന്ത്യയുടെ പ്രധാനമന്ത്രി നരേന്ദ്ര മോദി തന്നെ. 7 റേസ് കോഴ്സ് റോഡിലെ വസതിയിലെത്തിയാണ് ഹര്ഭജന് സിംഗ് മോദിയെ വിവാഹത്തിന് ക്ഷണിച്ചത്.
ഒക്ടോബര് 29നാണ് ഇന്ത്യന് ക്രിക്കറ്റിലെ ടര്ബനേറ്റര് ഹര്ഭജന് സിംഗ് ബോളിവുഡ് നടിയും മോഡലുമായ ഗീത ബസ്രയെ വിവാഹം കഴിക്കുന്നത്. നല്ല സുഹൃത്തുക്കളാണ് എന്നാണ് ഇരുവരും ഇത് വരെ പറഞ്ഞിരുന്നതെങ്കിലും സംഗതി പ്രണയമാണ് എന്ന കാര്യം പണ്ടേ അങ്ങാടിയില് പാട്ടായിരുന്നു. ഭാജിയുടെ വിവാഹത്തിന് നിറം പകരാന് മോദി എത്തുമോ എന്നാണ് ഇരുവരുടെയും ആരാധകര് ഉറ്റുനോക്കുന്നത്.
എത്തുമോ മോദി
ഇന്ത്യന് രാഷ്ട്രീയത്തിലെ സെലിബ്രിറ്റിയാണ് പ്രധാനമന്ത്രി നരേന്ദ്ര മോദി. ഹര്ഭജന് സിംഗാകട്ടെ ഏറ്റവും കളര്ഫുള് ആയ ക്രിക്കറ്റ് താരങ്ങളില് ഒരാളും. ഭാജിയുടെ വിവാഗത്തിന് ആശംസയുമായി മോദി എത്തുമോ.
വിവാഹം ജലന്ധറില്
പഞ്ചാബിലെ ജലന്ധറില് വെച്ചാണ് ഹര്ഭജന് സിംഗിന്റെയും ഗീത ബസ്രയുടെയും വിവാഹം. റിസപ്ഷന് ദില്ലിയില്.
വീട്ടിലെത്തി ക്ഷണിച്ചു
പ്രധാനമന്ത്രി നരേന്ദ്ര മോദിയുടെ ഔദ്യോഗിക വസതിയിലെത്തിയാണ് ഭാജി വിവാഹത്തിന് ക്ഷണിച്ചത്. ഈ ചിത്രം പിന്നീട് പ്രസ് ഇന്ഫര്മേഷന് ബ്യൂറോ പുറത്തുവിട്ടു.
റെയ്നയുടെ വിവാഹത്തിന് പോയില്ല
ഇതിന് മുമ്പ് സുരേഷ് റെയ്നയുടെ വിവാഹത്തിനും മോദിക്ക് ക്ഷണമുണ്ടായിരുന്നു എങ്കിലും അദ്ദേഹം പോയിരുന്നില്ല. പകരം പ്രധാനമന്ത്രി എന്ന നിലയില് ആശംസകള് അയച്ചു.