ഹിന്ദു യുവവാഹിനി പരിപാടിയിൽ വിദ്വേഷ പ്രസംഗം: കുറ്റപത്രം സമർപ്പിച്ചതായി ഡൽഹി പൊലീസ് സുപ്രീം കോടതിയിൽ
2021 ഡിസംബറിൽ ഡൽഹിയിൽ സുദർശൻ ന്യൂസ് ടിവി എഡിറ്റർ സുരേഷ് ചവാങ്കെയുടെ നേതൃത്വത്തിൽ സംഘടിപ്പിച്ച ഹിന്ദു യുവവാഹിനി പരിപാടിയിലെ വിദ്വേഷ പ്രസംഗവുമായി ബന്ധപ്പെട്ട് ഡൽഹി പോലീസിനെതിരെ ആക്ടിവിസ്റ്റ് തുഷാർ ഗാന്ധി നൽകിയ കോടതിയലക്ഷ്യ ഹർജി സുപ്രീം കോടതി വ്യാഴാഴ്ച തീർപ്പാക്കി. ആൾക്കൂട്ട ആക്രമണവുമായി ബന്ധപ്പെട്ട കേസിലെ സുപ്രീംകോടതി നിർദേശങ്ങൾ ഡൽഹി പോലീസ് പാലിച്ചില്ലെന്നുകാട്ടിയാണ് തുഷാർ ഗാന്ധി കോടതിയലക്ഷ്യ ഹർജി സമർപ്പിച്ചത്..
തെഹ്സീൻ പൂനവല്ല കേസിൽ നിർദ്ദേശിച്ച മാർഗ്ഗനിർദ്ദേശങ്ങൾ ഡൽഹി പോലീസ് ലംഘിച്ചുവെന്ന് കോടതിയലക്ഷ്യ ഹർജിയിൽ വാദിച്ചിരുന്നു. പ്രസ്തുത വിധിയനുസരിച്ച്, ആൾക്കൂട്ട ആക്രമണത്തിനുള്ള ആഹ്വാനങ്ങൾക്കെതിരെ എഫ്ഐആറും കുറ്റപത്രവും സമയബന്ധിതമായി പോലീസ് ഫയൽ ചെയ്യേണ്ടത് ആവശ്യമാണ്. കേസിൽ അന്വേഷണം അവസാനിപ്പിച്ചതായും കുറ്റപത്രം ഡൽഹി സാകേതിലെ മെട്രോപൊളിറ്റൻ മജിസ്ട്രേറ്റ് കോടതിയിൽ സമർപ്പിച്ചതായും ഡൽഹി പോലീസിന് വേണ്ടി ഹാജരായ അഡീഷണൽ സോളിസിറ്റർ ജനറൽ കെഎം നടരാജ് ബെഞ്ചിനെ അറിയിച്ചു.
ഇത് കണക്കിലെടുത്ത് കോടതിയലക്ഷ്യക്കേസ് എടുക്കുന്നത് ഉചിതമല്ലെന്ന് ബെഞ്ച് ചൂണ്ടിക്കാട്ടി. "സിആർപിസി പ്രകാരം മജിസ്ട്രേറ്റ് മുന്നോട്ട് പോകും. വിഷയം തീർപ്പാക്കി", ചീഫ് ജസ്റ്റിസ് ഡി വൈ ചന്ദ്രചൂഡ്, ജസ്റ്റിസ് ജെ ബി പർദിവാല എന്നിവരടങ്ങിയ ബെഞ്ച് ഉത്തരവിൽ പറഞ്ഞു. ഹിന്ദു യുവവാഹിനിയുടെ പരിപാടിക്കിടെ നടത്തിയ പ്രസംഗങ്ങൾ കുറ്റകരമല്ലെന്നായിരുന്നു ഡൽഹി പോലീസ് ആദ്യം സ്വീകരിച്ച നിലപാട്. വിദ്വേഷ പ്രസംഗ കുറ്റകൃത്യങ്ങൾക്കെതിരെ നടപടിയെടുക്കണമെന്ന് ആവശ്യപ്പെട്ടുള്ള മറ്റൊരു ഹർജിയോട് പ്രതികരിച്ച ഡൽഹി പോലീസ്, ചടങ്ങിൽ "ഒരു സമുദായത്തിനെതിരെയും വിദ്വേഷ പ്രസംഗം നടത്തിയിട്ടില്ല" എന്ന് സത്യവാങ്മൂലത്തിൽ വ്യക്തമാക്കി.
പക്ഷേ , ഡൽഹി പോലീസിന്റെ ഈ നിലപാടിൽ സുപ്രീം കോടതി അതൃപ്തി രേഖപ്പെടുത്തുകയും ഒരു മുതിർന്ന ഉദ്യോഗസ്ഥൻ "മികച്ച സത്യവാങ്മൂലം" സമർപ്പിക്കാൻ ആവശ്യപ്പെടുകയും ചെയ്തു. കോടതിയുടെ നിർദ്ദേശത്തെ തുടർന്ന് ഡൽഹി പോലീസ് 2022 മെയ് മാസത്തിൽ എഫ്ഐആർ രജിസ്റ്റർ ചെയ്തു.കേസിന്റെ അന്വേഷണത്തിൽ ഡൽഹി പോലീസിന്റെ കാലതാമസത്തെ ചീഫ് ജസ്റ്റിസ് ഡി വൈ ചന്ദ്രചൂഡിന്റെ നേതൃത്വത്തിലുള്ള ബെഞ്ച് ജനുവരിയിൽ ചോദ്യം ചെയ്തിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google