Click it and Unblock the Notifications
Just In
Don't Miss
-
ഭര്ത്താവിനോട് ആ കാര്യത്തില് പരാതിയുണ്ട്; ആദ്യം കാണുമ്പോള് എനിക്ക് ആരാണെന്ന് അറിയില്ലായിരുന്നു: പരിണീതി -
150 രൂപക്ക് വിമാനത്തില് പറക്കാം! സിനിമ ടിക്കറ്റിന്റെ പൈസക്ക് വിമാനയാത്ര സാധ്യമാകുന്ന റൂട്ട് കേരളത്തിലുമുണ്ട് -
സ്ഥിര നിക്ഷേപത്തിന് ഉയർന്ന പലിശ, കോര്പ്പറേറ്റ് സ്ഥിര നിക്ഷേപത്തില് മികച്ചത് ഏത്, വിശദമായി അറിയാം -
കുട്ടികള്ക്കും ഇഷ്ടപ്പെടും, വായിലിട്ടാല് അലിഞ്ഞുപോകും, കിടിലന് രുചിയില് സേമിയ അട -
IPL 2024: ബട്ലറല്ല, ആര്ആറിനെ ജയിപ്പിച്ചത് പവല്! ടീം തന്ത്രം വെളിപ്പെടുത്തി വിന്ഡീസ് താരം -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ദില്ലിയില്‍ വീഴ്ത്തിയത് വിദ്വേഷ പ്രസംഗം, കപില്‍ മിശ്രയെ പോലുള്ളവരെ പുറത്താക്കണം, തുറന്നടിച്ച് തിവാരി
ദില്ലി: വര്‍ഗീയപരമായ പരാമര്‍ശങ്ങളും വിദ്വേഷ പ്രസംഗങ്ങളും ദില്ലിയില്‍ ബിജെപിക്ക് തിരിച്ചടിയായെന്ന് ദില്ലി അധ്യക്ഷന്‍ മനോജ് തിവാരി. തിരഞ്ഞെടുപ്പിന് ശേഷം ഇത് ആദ്യമായിട്ടാണ് ഭോജ്പുരി താരം കൂടിയായ തിവാരി ഇക്കാര്യം സമ്മതിക്കുന്നത്. ദില്ലിയില്‍ ബിജെപിയുടെ പ്രചാരണത്തില്‍ നിരവധി വീഴ്ച്ചകളുണ്ടായിട്ടുണ്ട്. പക്ഷേ അതില്‍ പ്രധാനം വിവാദ പരാമര്‍ശങ്ങളായിരുന്നു. അനുരാഗ് താക്കൂര്‍, പര്‍വേശ് വര്‍മ, പ്രകാശ് ജാവദേക്കര്‍, യോഗി ആദിത്യനാഥ് എന്നിവരുടെ പ്രചാരണങ്ങള്‍ തിരിച്ചടിയായെന്നും തിവാരി പറഞ്ഞു.
ബിജെപി എംപി പര്‍വേശ് വര്‍മ, അരവിന്ദ് കെജ്രിവാളിനെ തീവ്രവാദിയെന്ന് വിളിച്ചിരുന്നു. ഇതിനെ കേന്ദ്ര മന്ത്രി പ്രകാശ് ജാവദേക്കര്‍ പിന്തുണയ്്ക്കുകയും ചെയ്തു. ഇത് വോട്ടര്‍മാരുടെ മനോഭാവം തന്നെ മാറ്റുന്നതിന് കാരണമായിരുന്നു. എന്ത് തന്നെയായാലും, പര്‍വേശ് പറഞ്ഞ കാര്യങ്ങള്‍ വിദ്വേഷ പ്രസംഗമായിരുന്നു. വലിയ നഷ്ടമാണ് അതിലൂടെ ബിജെപിക്കുണ്ടായത്. അന്നും ഇപ്പോഴും ആ പ്രസംഗത്തെ ബിജെപി അപലപിക്കുന്നുവെന്നും തിവാരി വ്യക്തമാക്കി.
അതേസമയം വിദ്വേഷ പ്രസംഗം ഏതൊക്കെ നേതാക്കള്‍ നടത്തിയിട്ടുണ്ടോ, അവര്‍ക്കെതിരെയെല്ലാം നടപടിയുണ്ടാവണം. രാജ്യദ്രോഹികളെ വെടിവച്ച് കൊല്ലണമെന്ന കപില്‍ മിശ്രയുടെ പരാമര്‍ശവും തിരഞ്ഞെടുപ്പിലെ തിരിച്ചടിക്ക് പ്രധാന കാരണമായിരുന്നു. അത്തരം നേതാക്കളെ പാര്‍ട്ടിയില്‍ നിന്ന് സ്ഥിരമായി പുറത്താക്കണം. വിദ്വേഷ പ്രസംഗം നടത്തുന്നവരെ തിരഞ്ഞെടുപ്പില്‍ മത്സരിക്കുന്നതില്‍ നിന്ന് വിലക്കാനുള്ള ഒരു നിയമം ഉണ്ടാവണം. അത്തരമൊരു സംവിധാനമുണ്ടായാല്‍ പാര്‍ട്ടി പ്രസിഡന്റെന്ന നിലയിലല്ല, മറിച്ച് ഒരു വ്യക്തിയെന്ന നിലയില്‍ അതിനെ പിന്തുണയ്ക്കുമെന്നും തിവാരി പറഞ്ഞു.
ദില്ലിയില്‍ അരവിന്ദ് കെജ്രിവാളിനെതിരെ കാണിക്കാന്‍ ബിജെപിക്കൊരു മുഖ്യമന്ത്രി സ്ഥാനാര്‍ത്ഥിയുണ്ടായിരുന്നില്ല. അതും തിരിച്ചടിയായെന്ന് തിവാരി വ്യക്തമാക്കി. അതേസമയം വിദ്വേഷ പ്രസംഗം തിരിച്ചടിയായെന്ന് നേരത്തെ ബിജെപി ദേശീയ അധ്യക്ഷന്‍ അമിത് ഷായും പറഞ്ഞിരുന്നു. എട്ട് സീറ്റുകളാണ് ബിജെപിക്ക് ദില്ലിയില്‍ ലഭിച്ചത്. വോട്ടുശതമാനം 39 ശതമാനത്തിന് മുകളിലേക്ക് ഉയര്‍ത്താന്‍ സാധിച്ചതും ബിജെപിക്കുള്ള നേട്ടമാണ്.
