കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രാധേ മാ യുവതീയുവാക്കളെ സെക്‌സിന് പ്രേരിപ്പിക്കുന്നതായി ഹൈക്കോടതിയില്‍ പരാതി

  • By Anwar Sadath
Google Oneindia Malayalam News

മുംബൈ: സ്വയം പ്രഖ്യാപിത ആള്‍ദൈവം രാധേ മായ്‌ക്കെതിരെ നടത്തിയ അന്വേഷണത്തിന്റെ വിശദാംശങ്ങള്‍ സത്യവാങ്മൂലമായി സമര്‍പ്പിക്കാന്‍ മുംബൈ ഹൈക്കോടതി പോലീസിനോട് ആവശ്യപ്പെട്ടു. ഫാല്‍ഗുനി ബ്രാംഭട്ട് എന്ന വക്കീല്‍ ആണ് തന്റെ പരാതിയില്‍ പോലീസ് അന്വേഷണം നടക്കുന്നില്ലെന്നു കാട്ടി കോടതിയെ സമീപിച്ചത്.

ഇതേ തുടര്‍ന്ന് കോടതി പോലീസിനോട് രണ്ടാഴ്ചയ്ക്കകം സത്യവാങ്മൂലം സമര്‍പ്പിക്കാന്‍ നിര്‍ദ്ദേശിച്ചിരിക്കുകയാണ്. എഫ്‌ഐആര്‍ രജിസ്റ്റര്‍ ചെയ്തശേഷം കേസ് എന്തായെന്ന് കോടതി ചോദിച്ചു. രാധേ മായ്‌ക്കെതിരെ തെളിവുകളുണ്ടെങ്കില്‍ അത് പോലീസിന് കൈമാറാന്‍ ഫാല്‍ഗുനിയോട് കോടതി നിര്‍ഗ്ഗേശിക്കുകയും ചെയ്തു.

radhe-maa

തന്റെ പരാതിയില്‍ അന്വേഷണം നടക്കുന്നില്ലെന്നും രാധേ മായുടെ ആശ്രമത്തില്‍ നിയമവിരുദ്ധ പ്രവര്‍ത്തനങ്ങള്‍ തുടരുകയാണെന്നും ഫാല്‍ഗുനി കോടതിയെ അറിയിച്ചു. യുവതീ യുവാക്കളെ തന്റെ ആശ്രമത്തിലേക്ക് ആകര്‍ഷിച്ചശേഷം രാധേ മാ സെക്‌സിനായി പ്രേരിപ്പിക്കുകയാണ്. വന്‍ തോതിലുള്ള സെക്‌സ് റാക്കറ്റ് ആണ് നടന്നുകൊണ്ടിരിക്കുന്നത്. കോടിക്കണക്കിന് രൂപ ഒഴുകിയെത്തുന്ന രാധേ മായുടെ ചാരിറ്റബിള്‍ ട്രസ്റ്റ് രജിസ്റ്റര്‍ ചെയ്തതല്ലെന്നും ഫാല്‍ഗുനി കോടതിയില്‍ വ്യക്തമാക്കി.

രാധേ മായ്‌ക്കെതിരെയുള്ള ഒട്ടേറെ കേസുകളില്‍ ഒന്നാണ് ഫാല്‍ഗുനിയുടേത്. നേരത്തെ, അവര്‍ക്കെതിരെ സെക്‌സിന് പ്രേരിപ്പിച്ചതിനും, സ്ത്രീധന പീഡനത്തിനുമൊക്കെ കേസ് നിലവിലുണ്ട്. മിക്ക കേസുകളിലും അന്വേഷണം പുരോഗമിക്കുന്നില്ലെന്നാണ് റിപ്പോര്‍ട്ട്. പോലീസ് തലത്തിലും ഭരണതലത്തിലും ഉന്നത സ്വാധീനമുള്ള വ്യക്തിയാണ് രാധേ മാ.

English summary
HC to Maharashtra says Give details on probe against Radhe Maa
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X