കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മക്കളുടെ മുന്നിലിട്ട് എന്നെ കൊല്ലാന്‍ ശ്രമിച്ചു: ലിപിക മിത്ര

  • By Muralidharan
Google Oneindia Malayalam News

ദില്ലി: ആം ആദ്മി പാര്‍ട്ടി എം എല്‍ എ സോമനാഥ് ഭാരതി മക്കളുടെ മുന്നില്‍ വെച്ച് തന്നെ കൊലപ്പെടുത്താന്‍ ശ്രമിച്ചു എന്ന് ഭാര്യ ലിപിക മിത്ര. മക്കളുടെ മുന്നിലിട്ട് എന്നെ മര്‍ദ്ദിച്ചു. മരിക്കാന്‍ വിട്ടു എന്നും ലിപിക മിത്ര ആരോപിച്ചു. സോമനാഥ് ഭാരതിക്കെതിരെ ഗാര്‍ഹിക പീഡന പരാതി നല്‍കിയ ഭാര്യ ലിപിക മിത്ര പത്രസമ്മേളനത്തില്‍ സംസാരിക്കവേയാണ് ഇക്കാര്യങ്ങള്‍ പറഞ്ഞത്.

ദില്ലിയില്‍ ട്രാഫിക് പോലീസുകാരനെതിരെ ശബ്ദമുയര്‍ത്തിയ വനിതയെ പ്രശംസിച്ച മുഖ്യമന്ത്രിയാണ് അരവിന്ദ് കെജ്രിവാള്‍. അദ്ദേഹത്തില്‍ നിന്നും നീതി കിട്ടും എന്നാണ് താന്‍ കരുതുന്നത്. തനിക്ക് ഒരു വിലയും തരാത്ത ഒരു വിവാഹ ബന്ധത്തില്‍ നിന്നുള്ള മോചനം മാത്രമാണ് താന്‍ ആവശ്യപ്പെടുന്നത്. കെജ്‌രിവാളുമായുള്ള കൂടിക്കാഴ്ചയ്ക്ക് ശ്രമിക്കുകയാണ് താന്‍.

somnath-bharti-lipika

ലിപിക മിത്രയുടെ പത്രസമ്മേളനത്തിലേക്ക് അപ്രതീക്ഷിതമായി സോമനാഥ് ഭാരതിയുടെ അമ്മ കടന്നുവരാന്‍ ശ്രമിച്ചത് നാടകീയ രംഗങ്ങള്‍ക്ക് ഇടയാക്കി. തന്നെ പ്രതി മക്കള്‍ വഴക്കുണ്ടാക്കരുതെന്നും അവര്‍ പറഞ്ഞു. താന്‍ വേണമെങ്കില്‍ ഏതെങ്കിലും വൃദ്ധസദനത്തിലേക്ക് പോകാം. എന്നാലെങ്കിലും മകനും ഭാര്യയും പ്രശ്‌നങ്ങള്‍ പറഞ്ഞുതീര്‍ത്ത് സമാധാനമായി ജീവിക്കട്ടെ.

ജൂണ്‍ 10നാണ് സോമനാഥ് ഭാരതിക്കെതിരെ ലിപിക മിത്ര വനിതാ കമ്മീഷന് പരാതി നല്‍കിയത്. തന്നെ സോംനാഥ് പതിവായി മര്‍ദ്ദിക്കാറുണ്ടെന്നും പട്ടിയെക്കൊണ്ട് കടിപ്പിക്കാന്‍ ശ്രമിച്ചുവെന്നുമാണ് ഇവര്‍ ആരോപിക്കുന്നത്. ഭാര്യയുടെ പരാതിയെ തുടര്‍ന്ന് സോമനാഥിനെതിരെ പോലീസ് എഫ്‌ഐആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചു.

English summary
The case of domestic violence against AAP leader Somnath Bharti took a dramatic turn on Monday after Bharti's wife addressed the media and gave details of alleged domestic violence.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X