Click it and Unblock the Notifications
Just In
-
-
-
Don't Miss
-
രാത്രി ആരോ തൊടുന്നത് പോലെ തോന്നി, ബിഗ് ബോസ് വീട്ടിലെ ഒരാളോട് പ്രണയം; തുറന്ന് പറഞ്ഞ് ജാന്മണി -
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ -
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഹേമമാലിനിക്ക് 70 കോടിയുടെ ഭൂമി 1.75 ലക്ഷത്തിന്; നല്‍കിയത് ബിജെപി സര്‍ക്കാര്‍
മുംബൈ: ബോളിവുഡ് നടിയും എംപിയുമായ ഹേമ മാലിനിക്ക് 70 കോടിരൂപ വിലമതിക്കുന്ന സ്ഥലം കേവലം 1.75 ലക്ഷം രൂപയ്ക്ക് നല്‍കിയതായി രേഖ. വിവരാവകാശ പ്രവര്‍ത്തകനായി അനില്‍ ഗല്‍ഗാലിക്ക് സബര്‍ബന്‍ കളക്ടറേറ്റില്‍ നിന്നും ലഭിച്ച വിവരാവകാശ രേഖയിലാണ് ഞെട്ടിക്കുന്ന വിവരം ലഭിച്ചത്.
സ്ഥലത്തിനായി നേരത്തെ ഹേമ മാലിനി 10 ലക്ഷം രൂപ അഡ്വാന്‍സ് നല്‍കിയിരുന്നു. ആയതിനാല്‍ സര്‍ക്കാര്‍ അവര്‍ക്ക് സ്ഥലത്തിന്റെ തുക കഴിച്ച് 8.25 ലക്ഷം രൂപ സര്‍ക്കാര്‍ തിരിച്ചുനല്‍കും. നൃത്ത വിദ്യാലയം സ്ഥാപിക്കുന്നതിനായാണ് ഹേമ മാലിനിക്ക് ഓഷിവാരയിലെ സ്ഥലം സര്‍ക്കാര്‍ പതിച്ചു നല്‍കിയത്. നേരത്തെ ഇത് വിവാദമായതിനെ തുടര്‍ന്ന് പുന:പരിശോധിക്കുമെന്ന് മഹാരാഷ്ട്രയിലെ ബിജെപി മുഖ്യമന്ത്രി ദേവേന്ദ്ര ഫട്‌നവിസ് പറഞ്ഞിരുന്നു.
എന്നാല്‍, സ്‌ക്വയര്‍ മീറ്ററിന് 70,000 രൂപ വരുന്ന സ്ഥലം 350 രൂപയ്ക്കാണ് ഹേമ മാലിനിക്ക് നല്‍കിയത്. 1976ല്‍ ഇവിടെ നിലവിലുണ്ടായിരുന്ന വില പ്രത്യേക അന്നത്തെ നിയമത്തിന്റെ അടിസ്ഥാനത്തിലാണ് ഹേമ മാലിനിക്ക് നല്‍കുന്നതെന്നാണ് കളക്ടറുടെ വാദം. അതേസമയം, സര്‍ക്കാര്‍ തനിക്ക് ഭൂമി കുറഞ്ഞവിലയ്ക്ക് നല്‍കിയെന്ന ആരോപണം ഹേമ മാലിനി നേരത്തെ നിഷേധിച്ചിരുന്നു.
തന്റെ സ്വന്തം ആവശ്യത്തിനല്ല ഭൂമി ആവശ്യപ്പെട്ടത്. അവിടെ നാട്യവിഹാര്‍ കലാകേന്ദ്ര ചാരിറ്റി ട്രസ്റ്റ് എന്ന പേരില്‍ അക്കാദമി തുടങ്ങാനാണ്. അക്കാദമി തനിക്ക് സ്വന്തമല്ല. അത് ട്രസ്റ്റിന്റെ കീഴില്‍ ആയിരിക്കും. സ്ഥലത്ത് മറ്റു നിര്‍മാണ പ്രവര്‍ത്തനങ്ങളൊന്നും നടത്താന്‍ ഉദ്ദേശിക്കുന്നില്ല. അക്കാദമിയുടെ ഭാഗയമായി ഇവിടെ മനോഹരമായ ഒരു പൂന്തോട്ടം നിര്‍മിക്കുമെന്നും ഹേമ മാലിനി പറഞ്ഞിരുന്നു.
