രോഗികളെ ചികിത്സിക്കുന്നത് വെറും 20 രൂപയ്ക്ക്; പദ്മശ്രീ നേടിയ ഡോ. ദാവർ

2 രൂപയ്ക്ക് ആണ് ഡോ ആളുകളെ ചികിത്സിക്കാൻ തുടങ്ങിയത്. നിലവിൽ 20 രൂപ മാത്രമാണ് ഫീസായി ഈടാക്കുന്നത്

ജബൽപൂർ: മധ്യപ്രദേശിലെ ജബൽപൂർ ജില്ലയിൽ നിന്നുള്ള 77 കാരനായ ഡോക്‌ടർ ഡോ. എം.സി ദവാറിന് ഇന്ത്യാ ഗവൺമെന്റ് നാലാമത്തെ പരമോന്നത സിവിലിയൻ ബഹുമതിയായ പദ്മശ്രീ നൽകി ആദരിച്ചു. 74-ാമത് റിപ്പബ്ലിക് ദിനത്തോടനുബന്ധിച്ച് ബുധനാഴ്ച വൈകീട്ട് ആണ് പദ്മശ്രീ പുരസ്‌കാര ജേതാക്കളുടെ പട്ടിക പുറത്തിറക്കിയത്.

1946 ജനുവരി 16 ന് പാകിസ്ഥാനിലെ പഞ്ചാബിൽ ജനിച്ച ഡോ ദാവർ വിഭജനത്തിന് ശേഷം ഇന്ത്യയിലേക്ക് മാറി. 1967-ൽ അദ്ദേഹം ജബൽപൂരിൽ നിന്ന് എംബിബിഎസ് (ബാച്ചിലർ ഓഫ് മെഡിസിൻ ആൻഡ് ബാച്ചിലർ ഓഫ് സർജറി) പൂർത്തിയാക്കി. 1971-ലെ ഇന്ത്യ-പാക് യുദ്ധസമയത്ത് അദ്ദേഹം ഒരു വർഷത്തോളം ഇന്ത്യൻ സൈന്യത്തിലും സേവനമനുഷ്ഠിച്ചിട്ടുണ്ട്.

അതിനുശേഷം അദ്ദേഹം 1972 മുതൽ ജബൽപൂരിലെ ആളുകൾക്ക് വളരെ നാമമാത്രമായ നിരക്കിൽ ആരോഗ്യ സേവനങ്ങൾ നൽകുന്നു. 2 രൂപയ്ക്ക് ആണ് ഡോ ആളുകളെ ചികിത്സിക്കാൻ തുടങ്ങിയത് അദ്ദേഹം നിലവിൽ 20 രൂപ മാത്രമാണ് ഫീസായി ഈടാക്കുന്നത്.

"കഠിനാധ്വാനം ചിലപ്പോൾ വൈകിയാലും ഫലം കാണും. അതിന്റെ ഫലമാണ് എനിക്ക് ഈ അവാർഡ് ലഭിച്ചത്, ജനങ്ങളുടെ അനുഗ്രഹമാണ്." അ പദ്മശ്രീ പുരസ്‌കാരം ലഭിച്ചതിന് ശേഷം, ഡോ. ദാവർ എഎൻഐയോട് പറഞ്ഞു,
"ഇത്രയും കുറഞ്ഞ ഫീസ് ഈടാക്കുന്നതിനെക്കുറിച്ച് വീട്ടിൽ തീർച്ചയായും ചർച്ച നടന്നിരുന്നു, എന്നാൽ അതിൽ തർക്കമുണ്ടായില്ല, ജനങ്ങളെ സേവിക്കുക എന്നത് മാത്രമാണ് ഞങ്ങളുടെ ലക്ഷ്യം, അതിനാൽ ഫീസ് വർദ്ധിപ്പിച്ചില്ല. നിങ്ങൾ ക്ഷമയോടെ പ്രയത്നിച്ചാൽ തീർച്ചയായും നിങ്ങൾക്ക് വിജയം ലഭിക്കും, വിജയവും ബഹുമാനിക്കപ്പെടും എന്നതാണ് വിജയത്തിന്റെ അടിസ്ഥാനമന്ത്രം."
തന്റെ ജീവിതാനുഭവങ്ങളെ കുറിച്ച് അ​ദ്ദേഹം പഫറഞ്ഞു.

രാഷ്ട്രീയ നേട്ടം കൊണ്ട് മാത്രമാണ് അവാർഡുകൾ നൽകുന്നതെന്നാണ് ഞങ്ങൾ കരുതിയിരുന്നത്, എന്നാൽ സർക്കാർ ഭൂമിയിൽ പ്രവർത്തിക്കുന്നവരെ കണ്ടെത്തി ആദരിക്കുന്ന രീതി വളരെ നല്ല കാര്യമാണെന്നും അതുകൊണ്ടാണ് തങ്ങളുടെ പിതാവിന് ഈ അവാർഡ് ലഭിച്ചതെന്നും ഡോ ദാവറിന്റെ മകൻ റിഷി പറഞ്ഞു.. "ഇത് ഞങ്ങൾക്ക്, ഞങ്ങളുടെ കുടുംബത്തിനും ഞങ്ങളുടെ നഗരത്തിനും അഭിമാനകരമാണ്," ഡോ. ദാവറിന്റെ മരുമകൾ സുചിത പറഞ്ഞു.
ഈ വർഷത്തെ പദ്മ അവാർഡുകൾ പ്രഖ്യാപിച്ചു. ആറ് പേർക്ക് പദ്മ വിഭൂഷണും 9 പേർക്ക് പദ്മഭൂഷണും 91 പേർക്ക് പദ്മശ്രീയുമാണ് പ്രഖ്യാപിച്ചത്.

English summary

Here is the life of Padma Shri awardee DR Dawar, Goes Viral