യാത്രക്കാര്ക്ക് തിരിച്ചടി... മൈസൂരു-ബെംഗളൂരു-കൊച്ചി വിമാന സര്വീസുകള് നിര്ത്തി; കാരണം ഇത്
കൊച്ചി: അലയന്സ് എയര് നടത്തുന്ന മൈസൂരു-ബെംഗളൂരു-കൊച്ചി വിമാന സര്വീസുകള് അടിയന്തര പ്രാബല്യത്തില് നിര്ത്തി വെച്ചു. യാത്രക്കാരുടെ എണ്ണം കുറവായതിന തുടര്ന്നാണ് തീരുമാനം എന്ന് അധികൃതര് അറിയിച്ചു. തിങ്കളാഴ്ച ( ഒക്ടോബര് 31 ) മുതലാണ് വിമാന സര്വീസുകള് നിര്ത്തി വെച്ചിരിക്കുന്നത്. അതേസമയം തീരുമാനം കൊച്ചി-മൈസൂരു യാത്രക്കാരെ ബാധിക്കുമെന്നുറപ്പാണ്.
കേന്ദ്ര ഗവണ്മെന്റിന്റെ റീജിയണല് എയര് കണക്റ്റിവിറ്റി സ്കീമായ ഉഡാനിന്റെ ഭാഗമായാണ് ബെംഗളൂരു-മൈസൂര്-കൊച്ചി വിമാനങ്ങള് ആരംഭിച്ചത്. ഇത് പ്രകാരം ഒരു മണിക്കൂറിനുള്ളില് കൊച്ചിയിലോ മൈസൂരുവിലോ എത്താന് യാത്രക്കാര്ക്ക് സാധിക്കുമായിരുന്നു. 2019 മാര്ച്ച് 31 നാണ് ഈ സേവനങ്ങള് ആരംഭിച്ചത്.
അടുത്ത ആറ് മാസത്തേക്ക് വിമാനങ്ങള് റദ്ദാക്കിയതായി അലയന്സ് എയര് ഉദ്യോഗസ്ഥര് യാത്രക്കാരെ അറിയിച്ചു. യാത്രക്കാരുടെ എണ്ണം കുറവാണെന്ന് വിമാനക്കമ്പനികള് അറിയിച്ചതിനെ തുടര്ന്നാണ് സര്വീസുകള് നിര്ത്തിവെച്ചത് എന്ന് മൈസൂരു എയര്പോര്ട്ട് ഡയറക്ടര് ആര് മഞ്ജുനാഥ് പറഞ്ഞു. അതേസമയം മൈസൂരുവിനും കൊച്ചിക്കും ഇടയിലുള്ള സര്വീസ് വ്യവസായ സമൂഹത്തിനും ടൂറിസം മേഖലയ്ക്കും ലാഭകരമായിരുന്നുവെന്ന് പലരും അഭിപ്രായപ്പെട്ടു.
മൈസൂരുവിലേക്കും കേരളത്തിലേക്കും രാത്രി വൈകി ബസ് സര്വീസുകളില്ലാത്തതിനാല്, വിമാന സര്വീസുകള് ബിസിനസുകാര്ക്ക് വലിയ സഹായമായിരുന്നു. കൊച്ചിയില് നിന്ന് മൈസൂരുവിലെത്താന് ബസില് എട്ട് മുതല് ഒമ്പത് മണിക്കൂര് വരെയും ട്രെയിനില് 12 മണിക്കൂറിലധികവും സമയം ആവശ്യമാണ്. മുന്കൂര് ബുക്ക് ചെയ്യുമ്പോള് 2,000 രൂപ മുതല് 2,500 രൂപ വരെയായിരുന്നു വിമാന നിരക്ക്.
അതേസമയം സര്വീസുകള് പുനരാരംഭിക്കാനുള്ള ശ്രമങ്ങള് നടക്കുന്നുണ്ട്. മൈസൂരുവില് നിന്ന് കേരളത്തിലേക്കുള്ള എക വിമാന സര്വീസായിരുന്നു ഇത്. ബെംഗളൂരുവില് നിന്ന് മൈസൂരു വഴി കൊച്ചിയിലെത്തുന്ന വിമാനം പിന്നീട് ലക്ഷദ്വീപിലെ അഗത്തിയിലേക്കാണ് പോകുന്നത്.
ദക്ഷിണ കേരളത്തിലേക്ക് മൈസൂരുവില് നിന്ന് ബെംഗളൂരു വഴിയുള്ള കൊച്ചുവേളി എക്സ്പ്രസ് മാത്രമാണ് ആകെയുള്ള തീവണ്ടി മാര്ഗം. ബന്ദിപ്പൂര് വഴി രാത്രി യാത്ര നിരോധനമുള്ളതിനാല് കുട്ട, മാനന്തവാടി വഴി ചുറ്റി വേണം റോഡ് മാര്ഗം തെക്കന് കേരളത്തിലെത്താന് എന്നത് യാത്രക്കാരെ വലക്കും.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google