10-ാം തവണയും മുഖ്യമന്ത്രിയാകാന് നിതീഷ്.. ഇന്ത്യയില് ഏറ്റവും കൂടുതല് കാലം മുഖ്യമന്ത്രിമാരായവര് ഇവര്
പാട്ന: ബിഹാര് നിയമസഭാ തിരഞ്ഞടുപ്പില് എന്ഡിഎ നിര്ണായക വിജയം നേടിയതോടെ നിതീഷ് കുമാര് തന്നെ വീണ്ടും മുഖ്യമന്ത്രിയാകും എന്നുറപ്പായിരിക്കുകയാണ്. ജെഡിയു നേതാവും സംസ്ഥാനത്ത് ഏറ്റവും കൂടുതല് കാലം മുഖ്യമന്ത്രിയായിരുന്നയാളുമാണ് നിതീഷ്. വിവിധ കാലങ്ങളിലായി നിതീഷ് കുമാര് ഇതിനകം തന്നെ ഒമ്പത് തവണ ബിഹാറിന്റെ മുഖ്യമന്ത്രിയായി സേവനമനുഷ്ഠിച്ചിട്ടുണ്ട്.
2000-ല് ഏഴ് ദിവസത്തെ ഹ്രസ്വകാല ഭരണം, ഭൂരിപക്ഷമില്ലാത്തതിനാല് അവസാനിച്ചു. ഇത്തവണ സത്യപ്രതിജ്ഞ ചെയ്ത് അധികാരമേല്ക്കുന്നതോടെ ബിഹാര് മുഖ്യമന്ത്രി സ്ഥാനത്തേക്ക് പത്താം തവണയാണ് നിതീഷ് കുമാര് എത്താന് പോകുന്നത്. ഈ സാഹചര്യത്തില് ഇന്ത്യയില് ഏറ്റവും കൂടുതല് കാലം മുഖ്യമന്ത്രിമാരായി സേവനമനുഷ്ഠിച്ച പത്ത് പേരുടെ ലിസ്റ്റ് പരിശോധിക്കാം.
പവന് കുമാര് ചാംലിംഗ്, സിക്കിം: 24 വര്ഷം (ഡിസംബര് 12, 1994 - മെയ് 26, 2019)
പവന് കുമാര് ചാംലിംഗ് ഏകദേശം 25 വര്ഷത്തോളം സിക്കിമിനെ മുഖ്യമന്ത്രി സ്ഥാനത്ത് നിന്ന് നയിച്ചു. അദ്ദേഹത്തിന്റെ നേതൃത്വത്തില്, അദ്ദേഹത്തിന്റെ പാര്ട്ടി തുടര്ച്ചയായി അഞ്ച് തവണ വിജയിച്ചു. പവന്കുമാര് ചാലിംഗ് ആണ് ഇന്ത്യയില് ഏറ്റവും കൂടുതല് കാലം മുഖ്യമന്ത്രിയായ നേതാവ്.
നവീന് പട്നായിക്, ഒഡീഷ: 24 വര്ഷം (മാര്ച്ച് 5, 2000 - ജൂണ് 12, 2024)
2000 ല് ആണ് ബിജെഡി നേതാവായ നവീന് പട്നായിക് ആദ്യമായി മുഖ്യമന്ത്രിയായി അധികാരമേറ്റത്. രണ്ട് പതിറ്റാണ്ടിലേറെ അദ്ദേഹം ഒഡീഷയുടെ തലപ്പത്ത് തുടര്ന്നു. ഇന്ത്യയിലെ ഏറ്റവും കൂടുതല് കാലം മുഖ്യമന്ത്രിയായിരുന്നയാള് എന്ന റെക്കോര്ഡ് നവീന് പട്നായിക്ക് സ്വന്തം പേരിലാക്കും എന്ന് എല്ലാവരും പ്രതീക്ഷിച്ചിരുന്നെങ്കിലും 2024 ലെ സംസ്ഥാന തിരഞ്ഞെടുപ്പില് ബിജെപി നിര്ണായക ഭൂരിപക്ഷം നേടിയതോടെ പട്നായിക്കിന്റെ കാലാവധി അവസാനിച്ചു.
ജ്യോതി ബസു, പശ്ചിമ ബംഗാള്: 23 വര്ഷം (ജൂണ് 21, 1977 - നവംബര് 5, 2000)
ഇന്ത്യയിലെ ഏറ്റവും ആദരണീയനായ രാഷ്ട്രതന്ത്രജ്ഞരില് ഒരാളായാണ് സിപിഎം നേതാവായിരുന്ന ജ്യോതി ബസു അറിയപ്പെട്ടിരുന്നത്. രണ്ട് പതിറ്റാണ്ടിലേറെ പശ്ചിമ ബംഗാളിനെ നയിച്ച അദ്ദേഹം തന്റെ രാഷ്ട്രീയ ചാതുര്യത്തിന് പരക്കെ അംഗീകരിക്കപ്പെട്ടു. ഇന്ത്യയുടെ പ്രധാനമന്ത്രിയാകാനുള്ള അവസരം വരെ ഉണ്ടായിരുന്നിട്ടും പാര്ട്ടി നിര്ദേശം സ്വീകരിച്ച് ആ വാഗ്ദാനം ബസു നിരസിച്ചു.
ഗെഗോങ് അപാങ്, അരുണാചല് പ്രദേശ്: 22 വര്ഷം (ജനുവരി 18, 1980 - ജനുവരി 19, 1999; ഓഗസ്റ്റ് 3, 2003 - ഏപ്രില് 9, 2007)
അരുണാചല് പ്രദേശ് രാഷ്ട്രീയത്തിലെ ഒരു പ്രമുഖ വ്യക്തിയായ ഗെഗോങ് അപാങ് രണ്ട് വ്യത്യസ്ത കാലഘട്ടങ്ങളിലായി ഏകദേശം 23 വര്ഷം മുഖ്യമന്ത്രിയായി സേവനമനുഷ്ഠിച്ചു. 1980 മുതല് 1999 വരെയുള്ള അദ്ദേഹത്തിന്റെ ആദ്യ കാലാവധി, ദീര്ഘകാല സ്വാധീനത്തിന് വേദിയൊരുക്കി. 2003 മുതല് 2007 വരെ അദ്ദേഹം രണ്ടാം തവണയും മുഖ്യമന്ത്രിയായി.
ലാല് തന്ഹാവ്ല, മിസോറാം: 22 വര്ഷം (മെയ് 5, 1984 - ഓഗസ്റ്റ് 21, 1986; ജനുവരി 24, 1989 - ഡിസംബര് 3, 1998; ഡിസംബര് 11, 2008 - ഡിസംബര് 15, 2018)
മിസോറാമില് നിന്നുള്ള ഒരു മുതിര്ന്ന രാഷ്ട്രീയക്കാരനാണ് ലാല് തന്ഹാവ്ല. സംസ്ഥാനത്തിന്റെ മുഖ്യമന്ത്രിയായി നിരവധി തവണ സേവനമനുഷ്ഠിച്ചു. അദ്ദേഹത്തിന്റെ നേതൃത്വം മൂന്ന് വ്യത്യസ്ത കാലഘട്ടങ്ങളിലായി. തന്റെ ഭരണകാലത്ത്, മിസോറാമിന്റെ റോഡ് ശൃംഖലകള്, ആരോഗ്യ സംരക്ഷണ സൗകര്യങ്ങള്, വിദ്യാഭ്യാസ സ്ഥാപനങ്ങള് എന്നിവ മെച്ചപ്പെടുത്തുന്നതില് തന്ഹാവ്ല ശ്രദ്ധ കേന്ദ്രീകരിച്ചു.
വീര്ഭദ്ര സിംഗ്, ഹിമാചല് പ്രദേശ്: 21 വര്ഷം (ഏപ്രില് 8, 1983 - മാര്ച്ച് 5, 1990; ഡിസംബര് 3, 1993 - മാര്ച്ച് 24, 1998; മാര്ച്ച് 6, 2003 - ഡിസംബര് 30, 2007; ഡിസംബര് 25, 2012 - 2 ഡിസംബര് 27,2012)
കോണ്ഗ്രസിന്റെ മുതിര്ന്ന നേതാവായ വീരഭദ്ര സിംഗ്, ഹിമാചല് പ്രദേശിന്റെ മുഖ്യമന്ത്രിയായി നിരവധി തവണ സേവനമനുഷ്ഠിച്ചു, രണ്ട് പതിറ്റാണ്ടിനിടെ സംസ്ഥാനത്തെ ഏറ്റവും കൂടുതല് കാലം മുഖ്യമന്ത്രിയായി മാറി.
മണിക് സര്ക്കാര്, ത്രിപുര: 19 വര്ഷം (മാര്ച്ച് 11, 1998 - മാര്ച്ച് 9, 2018)
സിപിഎം നേതാവ് മണിക് സര്ക്കാര് ത്രിപുരയുടെ മുഖ്യമന്ത്രിയായി തുടര്ച്ചയായി നാല് തവണ സേവനമനുഷ്ഠിച്ചു, 1998 മുതല് 2018 വരെ അധികാരത്തില് തുടര്ന്നു.
നിതീഷ് കുമാര്, ബീഹാര്: 19 വര്ഷം (മാര്ച്ച് 3 - 11, 2000; നവംബര് 24, 2005 - മെയ് 20, 2014; ഫെബ്രുവരി 2, 2015 - നിലവില്)
ബീഹാറിലെ ഏറ്റവും കൂടുതല് കാലം മുഖ്യമന്ത്രിയായി സേവനമനുഷ്ഠിച്ച വ്യക്തിയാണ് നിതീഷ് കുമാര്, ഒന്നിലധികം തവണയായി ഏകദേശം 19 വര്ഷം ഈ പദവി വഹിച്ചിട്ടുണ്ട്.
എം കരുണാനിധി, തമിഴ്നാട്: 18 വര്ഷം (ഫെബ്രുവരി 10, 1969 - ജനുവരി 31, 1976; ജനുവരി 27, 1989 - ജനുവരി 30, 1991; മെയ് 13, 1996 - മെയ് 14, 2001; മെയ് 13, 2006 - മെയ് 16, 2011)
മുത്തുവേല് കരുണാനിധി എന്ന പേരില് അറിയപ്പെടുന്ന എം കരുണാനിധി, തമിഴ്നാട് മുഖ്യമന്ത്രിയായി നിരവധി തവണ സേവനമനുഷ്ഠിച്ചു, സംസ്ഥാന രാഷ്ട്രീയത്തില് ശാശ്വതമായ ഒരു പാരമ്പര്യം അവശേഷിപ്പിച്ചായിരുന്നു അദ്ദേഹത്തിന്റെ മടക്കം.
പ്രകാശ് സിംഗ് ബാദല്, പഞ്ചാബ്: 18 വര്ഷം (മാര്ച്ച് 27, 1970 - ജൂണ് 14, 1971; ജൂണ് 20, 1977 - ഫെബ്രുവരി 17, 1980; ഫെബ്രുവരി 12, 1997 - ഫെബ്രുവരി 26, 2002; മാര്ച്ച് 1, 2007 - മാര്ച്ച് 16, 2017)
പഞ്ചാബിന്റെ മുഖ്യമന്ത്രിയായി നിരവധി തവണ സേവനമനുഷ്ഠിച്ച പ്രകാശ് സിംഗ് ബാദല് രാജ്യത്തെ ഏറ്റവും പ്രായം കുറഞ്ഞ മുഖ്യമന്ത്രി കൂടിയായിരുന്നു.
-
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
സബ്സ്ക്രിപ്ഷന് വീഡിയോകള് ലീക്കാക്കി; യൂട്യൂബര്മാര്ക്കെതിരേ നിയമനടപടിയുമായി രേണു സുധി
Click it and Unblock the Notifications
Sign in with Google