'കേന്ദ്രം ഒഡിഷയെ ഒരുപാട് സഹായിക്കുന്നു, അതുകൊണ്ട്...'; അവിശ്വാസപ്രമേയത്തെ പിന്തുണക്കാതെ ബിജെഡി
ന്യൂദല്ഹി: മണിപ്പൂര് വിഷയത്തില് പ്രതിപക്ഷ ഐക്യനിരയായ ഇന്ത്യാ സഖ്യം കൊണ്ടുവന്ന അവിശ്വാസപ്രമേയത്തെ പിന്തുണക്കാതെ ബി ജെ ഡി. തങ്ങള് രാഷ്ട്രീയ പാര്ട്ടി എന്ന നിലയില് ബി ജെ പിക്ക് എതിരാണെങ്കിലും അവിശ്വാസപ്രമേയത്തെ പിന്തുണക്കാനാകില്ല എന്ന് ബി ജെ ഡി എം പി പിനാകി മിശ്ര പറഞ്ഞു. അവിശ്വാസപ്രമേയ ചര്ച്ചകളില് പങ്കെടുത്ത് സംസാരിക്കുകയായിരുന്നു പിനാകി മിശ്ര.
സംഭവത്തില് മണിപ്പൂര് മുഖ്യമന്ത്രിയെ കുറ്റപ്പെടുത്തണം. എന്നാല് അവിശ്വാസ പ്രമേയം കൊണ്ടുവന്ന് കുറ്റപ്പെടുത്തുന്നതിന് പകരം ക്രിയാത്മകമായ പരിഹാരങ്ങള് നല്കുകയാണ് വേണ്ടത് എന്ന് അദ്ദേഹം പറഞ്ഞു. ഭിന്നതകളിലല്ല, ഒരേ സ്വരത്തിലാണ് നമ്മള് സംസാരിക്കേണ്ടത് എന്നും ബി ജെ ഡി എം പി എം പി പറഞ്ഞു. കേന്ദ്ര സര്ക്കാരിനെതിരായ അവിശ്വാസ പ്രമേയത്തെ പിന്തുണയ്ക്കാന് തനിക്ക് കഴിയില്ലെന്നും അദ്ദേഹം പറഞ്ഞു.
'ഞങ്ങള് ഒരു രാഷ്ട്രീയ പാര്ട്ടി എന്ന നിലയില് ബിജെപിക്ക് എതിരാണ്. എന്നാല് ഒഡീഷയ്ക്ക് വേണ്ടി കേന്ദ്ര സര്ക്കാര് ചെയ്ത നിരവധി കാര്യങ്ങള്ക്ക് ഞാന് നന്ദിയുള്ളവനാണ്. എന്തുതന്നെയായാലും കോണ്ഗ്രസ് പാര്ട്ടി ഇന്ന് കൊണ്ടുവന്ന അവിശ്വാസ പ്രമേയത്തെ പിന്തുണയ്ക്കാന് എന്റെ പാര്ട്ടിക്കും എനിക്കും കഴിയില്ല', എന്നായിരുന്നു പിനാകി മിശ്ര പറഞ്ഞത്. മണിപ്പൂരില് സംഭവിച്ച് കൊണ്ടിരിക്കുന്നത് ഹൃദയഭേദകമാണ്.
എന്നാല് കേന്ദ്ര സര്ക്കാരിനെതിരായ അവിശ്വാസപ്രമേയത്തെ പാര്ലമെന്റില് പിന്താങ്ങാനാകില്ല. കാരണം പതിറ്റാണ്ടുകളായി തുടരുന്ന ഒരു പൈതൃക പ്രശ്നത്തിന് കേന്ദ്ര സര്ക്കാരിനെ കുറ്റപ്പെടുത്തുന്നതിന് പകരം എല്ലാ രാഷ്ട്രീയ പാര്ട്ടികളും അവരുടെ ക്രിയാത്മക നിര്ദ്ദേശങ്ങള് നല്കുകയാണ് വേണ്ടത് എന്നും പിനാകി മിശ്ര കൂട്ടിച്ചേര്ത്തു. അതിനിടെ വനിതാ സംവരണ ബില് പാസാക്കണം എന്നും അദ്ദേഹം പറഞ്ഞു.
'ഈ സര്ക്കാരിന് ഈ സഭയുടെ വിശ്വാസമില്ലെന്ന് എനിക്ക് തോന്നുന്നത് വനിതാ സംവരണ ബില് പൂര്ണ്ണമായിട്ടും കൊണ്ടുവന്നില്ല എന്നില് മാത്രമാണ്. അതിനുള്ള അധികാരം അവര്ക്ക് ജനങ്ങള് നല്കി. ശീതകാല സമ്മേളനമായ ഒരു പാര്ലമെന്റ് സമ്മേളനം മാത്രമേ നമുക്ക് ഇനിയുള്ളൂ. ബില് കൊണ്ടുവന്ന് ഐകകണ്ഠേന പാസാക്കണമെന്ന് ഞാന് പ്രധാനമന്ത്രിയോട് അപേക്ഷിക്കുകയും അഭ്യര്ത്ഥിക്കുകയും ചെയ്യുന്നു. 15 മിനിറ്റിനുള്ളില് ചെയ്യാം,' അദ്ദേഹം പറഞ്ഞു.
പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സര്ക്കാരിനെതിരായ അവിശ്വാസ പ്രമേയം ശക്തമായി പരാജയപ്പെടുമെന്നും അത് തള്ളിക്കളയുമെന്നുമുള്ള കാര്യത്തില് തനിക്ക് സംശയമില്ലെന്നും അദ്ദേഹം പറഞ്ഞു. ഈ സമയത്ത് ഈ പ്രമേയം കൊണ്ടുവന്നത് കോണ്ഗ്രസിന് ഒട്ടും ഗുണം ചെയ്യില്ലെന്ന് താന് കരുതുന്നതായും അദ്ദേഹം കൂട്ടിച്ചേര്ത്തു.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google