കുട്ടിപ്പാവാടയിട്ട യുവതികളുടെ ചിത്രങ്ങള്‍ പകര്‍ത്താന്‍ ഷൂവില്‍ ഒളിക്യാമറയുമായി അഭിഭാഷകന്‍

ദില്ലി: കുട്ടിപ്പാവാടയും ധരിച്ച് പോകുന്ന സുന്ദരികളുടെ ശ്രദ്ധയ്ക്ക്. നിങ്ങളുടെ രഹസ്യ ഭാഗങ്ങള്‍ പകര്‍ത്താന്‍ വിരുതന്മാര്‍ ഇറങ്ങിയിട്ടുണ്ട്. ഒളിഞ്ഞുനിന്ന് നോക്കുന്ന പതിവൊക്കെ മാറി ഇപ്പോള്‍ ഒരു മടിയുമില്ലാതെയാണ് അശ്ലീല ചിത്രങ്ങള്‍ പകര്‍ത്തുന്നത്. അതും കാലില്‍ ധരിക്കുന്ന ഷൂസില്‍ ക്യാമറ ഘടിപ്പിച്ച്.

സംഭവം നടക്കുന്നത് ദില്ലിയിലെ ഷോപ്പിംഗ് മാളിലാണ്. 34കാരനായ അഭിഭാഷകനാണ് ഈ കര്‍ത്തവ്യത്തിനു പിന്നില്‍. ആശിഷ് ശര്‍മ എന്നയാള്‍ വലതുകാലിലെ ഷൂവില്‍ ക്യാമറ ഘടിപ്പിച്ചാണ് സ്ത്രീകളുടെ ചിത്രങ്ങള്‍ അനായാസം പകര്‍ത്തിയത്. ഇയാളെ പോലീസ് പിടികൂടുകയും ചെയ്തു.

ചെക്കിംഗ് റൂമില്‍ നിന്ന് ഇയാള്‍ സംശയകരമായി രീതിയില്‍ പെരുമാറിയതിനെ തുടര്‍ന്നാണ് ഇയാളെ പിടികൂടുന്നത്. സ്ഥാപനത്തിന്റെ മാനേജരും ഉദ്യോഗസ്ഥരും ഇയാളെ പരിശോധിച്ചപ്പോഴാണ് സംഭവം അറിയുന്നത്. തുടര്‍ന്ന് പോലീസില്‍ വിവരം അറിയിക്കുകയായിരുന്നു.

ഇയാളുടെ പക്കല്‍ നിന്ന് 12 അശ്ലീല വീഡിയോ ക്ലിപ്പുകള്‍ പോലീസ് കണ്ടെടുത്തിട്ടുണ്ട്. 16 ജിബി മെമ്മറി കാര്‍ഡാണ് ക്യാമറയില്‍ ഘടിപ്പിച്ചിരുന്നത്. ഇയാളുടെ സോഷ്യല്‍ അക്കൗണ്ടുകള്‍ പരിശോധിച്ചു വരികയാണ് പോലീസ്. ഇയാള്‍ക്കെതിരെ കേസും ചാര്‍ജ് ചെയ്തിട്ടുണ്ട്.

English summary

A 34-year-old corporate lawyer has been arrested for allegedly taking obscene pictures of women with a spy cam fitted to one of his shoes at a prominent South Delhi mall