Click it and Unblock the Notifications
Just In
Don't Miss
-
പുത്തൻ എമിഷൻ ചട്ടം വന്നാൽ പണി ആർക്കൊക്കെ, എണ്ണകമ്പനികളും വാഹന നിർമാതാക്കളും ഒന്നിച്ചു നിന്നാൽ ഗുണമുണ്ട് -
തെക്ക് പടിഞ്ഞാറ് ഭാഗത്തെ കിടപ്പ് മുറി: ദാമ്പത്യത്തിന് ഉത്തമം, സന്താനസൗഭാഗ്യം ഉറപ്പ് -
IPL 2024: സഞ്ജു കൊള്ളാം, അടുത്ത 6-7 വര്ഷം റോയല്സ് വിലസും! കാരണം നിരത്തി എബിഡി -
മറ്റുള്ളവര്ക്ക് കണ്ടന്റാകുന്ന ജാസ്മിനും ഗബ്രിയും; ഒരു സംഭവം ട്രെന്ഡ് ആകുന്നുണ്ട്, ശ്രദ്ധിച്ചോ? -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി -
10,000 ശതമാനം ലാഭം നൽകിയ ഓഹരി, 1 ലക്ഷം രൂപ ഇന്ന് 1 കോടിയാണ്, മുന്നേറ്റം തുടരും, കൂടെക്കൂട്ടുന്നോ -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
സീരിയല്‍ നടി ഉള്‍പ്പെടെ ഹൈടെക് പെണ്‍വാണിഭ സംഘം പിടിയില്‍
മുംബൈ: സീരിയല്‍ നടി ഉള്‍പ്പെടെ ഹൈടെക് പെണ്‍വാണിഭസംഘം മുംബൈയില്‍ പിടിയില്‍. പ്രമുഖരായ രണ്ട് മോഡലുകളും അറസ്റ്റിലായവരിയില്‍ ഉള്‍പ്പെടുന്നതായി മുംബൈ പോലീസ് പറഞ്ഞു. രഹസ്യവിവരത്തെത്തുടര്‍ന്ന് ആവശ്യക്കാരനെന്ന നിലയില്‍ സമീപിച്ചാണ് പോലീസ്, സംഘത്തെ അറസ്റ്റ് ചെയ്തത്.
അറസ്റ്റിലായ രണ്ടു മോഡലുകളില്‍ ഒരാള്‍ സാവ്ധാന്‍ ഇന്ത്യ എന്ന സീരിയലിലെ നടിയാണ്. മറ്റൊരു മോഡല്‍ മറാത്തി സിനിമയിലും അഭിനയിച്ചുവരികയാണ്. നടികളെ കൂടാതെ മറ്റുരണ്ടുപേര്‍ കൂടി പിടിയിലായിട്ടുണ്ട്. അതേസമയം, പെണ്‍വാണിഭ സംഘത്തിന്റെ തലവനെ പോലീസിന് ഇതുവരെ പിടികൂടാന്‍ സാധിച്ചിട്ടില്ല.
മുംബൈ പോലീസ് സോഷ്യല്‍ സര്‍വീസ് ബ്രാഞ്ചിന് കിട്ടിയ രഹസ്യവിവരത്തിന്റെ അടിസ്ഥാനത്തിലാണ് പോലീസ് അന്വേഷണം നടത്തിയത്. ഉന്നതര്‍ ഉള്‍പ്പെട്ട പെണ്‍വാണിഭസംഘമാണ് എന്ന് മനസിലാക്കിയ പോലീസ് ആവശ്യക്കാരെന്ന വ്യാജേന സംഘത്തെ സമീപിക്കുകയായിരുന്നു. പിന്നീട് ഫിലിം സിറ്റിക്കടുത്തുള്ള കെട്ടിടത്തില്‍ മിന്നല്‍ പരിശോധ നടത്തി മോഡലുകളെയും മറ്റു രണ്ടുപേരെയും അറസ്റ്റ് ചെയ്തു.
50,000 രൂപ മുതല്‍ 1 ലക്ഷം രൂപവരെയാണ് ഇവര്‍ ഈടാക്കിയിരുന്നതെന്ന് പോലീസ് പറഞ്ഞു. സോഷ്യല്‍ മീഡിയ ഉപയോഗിച്ചായിരുന്നു ഇവര്‍ ബിസിനസ് നടത്തിയത്. ആവശ്യക്കാര്‍ക്ക് മൊബൈല്‍ ഫോണ്‍ വഴി മോഡലുകളുടെ ചിത്രങ്ങള്‍ അയച്ചുകൊടുത്തശേഷം സ്ത്രീകളെ ഹോട്ടലുകളില്‍ എത്തിക്കുകയായിരുന്നു ഇവരുടെ രീതി. കൂടുതല്‍പേര്‍ സംഘത്തില്‍ ഉള്‍പ്പെട്ടിട്ടുള്ളതായും ഇവര്‍ക്കെതിരെ അന്വേഷണം നടക്കുകയാണെന്നും പോലീസ് വ്യക്തമാക്കി.
