ബിഗ് ബോസ് നിരോധിക്കണം!!കമലഹാസനെ അറസ്റ്റ് ചെയ്യണം!!ഹിന്ദു മക്കള് കക്ഷി രംഗത്ത്
തമിഴ് സംസ്കാരത്തെ മുറിപ്പെടുത്തുന്നുവെന്ന് ആരോപണം
ചെന്നൈ: ബിഗ് ബോസ് റിയാലിറ്റി ഷോയുടെ തമിഴ് പതിപ്പ് നിരോധിക്കണമെന്നാവശ്യപ്പെട്ടു കൊണ്ട് ഹിന്ദു മക്കള് കക്ഷിയുടെ പ്രവര്ത്തകര് രംഗത്ത്. റിയാലിറ്റി ഷോയുടെ അവതാരകന് കമലഹാസനെ അറസ്റ്റ് ചെയ്യണമെന്നും ഇവര് ആവശ്യപ്പെട്ടു. റിയാലിറ്റി ഷോയിലൂടെ കമലഹാസന് തമിഴ് സംസ്കാരത്തെ താറടിക്കുന്നുവെന്നാണ് ഇവരുടെ ആരോപണം.
റിയാലിറ്റി ഷോയിലെ മത്സരാര്ത്ഥികളായ ഒവിയ, നമിത, ഗഞ്ച കറുപ്പ്, ഹാരതി തുടങ്ങിയവരെയും അറസ്റ്റ് ചെയ്യണമെന്ന് ഹിന്ദു മക്കള് കക്ഷി പ്രവര്ത്തകര് ആവശ്യപ്പെട്ടു. മത്സരാര്ത്ഥികള് അശ്ലീല ഭാഷയിലാണ് സംസാരിക്കുന്നതെന്നും 75 ശതമാനവും നഗ്നരായാണ് പ്രത്യക്ഷപ്പെടുന്നതെന്നും ഇവര് ആരോപിക്കുന്നു. ഇതു തമിഴ് സംസ്കാരത്തിനു തന്നെ എതിരാണ്. സംസ്കാരത്തെ മുറിപ്പെടുത്തുകയാണ് ഇവര് ചെയ്യുന്നത്.
ജൂണ് 25 ന് സ്റ്റാര് വിജയ് ചാനലിലാണ് ബിഗ് ബോസ് റിയാലിറ്റി ഷോയുടെ തമിഴ് പതിപ്പ് ആരംഭിച്ചത്. കമലഹാസന്റെ ആദ്യത്തെ മിനിസ്ക്രീന് സംരംഭം കൂടിയാണിത്.
സോഷ്യല് മീഡിയ ഹാപ്പിയല്ല
കമലഹാസന് ആദ്യമായി അവതാരകനായെത്തുന്ന ബിഗ് ബോസ് ഏറെ പ്രതീക്ഷയോടെയാണ് ജനങ്ങള് കാത്തിരുന്നത്. എന്നാല് റിയാലിറ്റി ഷോ ആരംഭിച്ചതിനു ശേഷമുള്ള സോഷ്യല് മീഡിയയിലെ ആദ്യപ്രതികരണങ്ങളില് നിന്നും ആളുകള് തൃപ്തരല്ല എന്നാണ് അറിയാന് കഴിയുന്നത്.
ആരാധകര്ക്ക് പ്രതീക്ഷ
എന്നാല് കമലഹാസന്റെ പ്രകടനത്തില് ആരാധകര് നിരാശരല്ല. വരും ദിവസങ്ങള് തമിഴ് ബിഗ് ബോസ് കൂടുതല് തിളക്കത്തോടെ മുന്നേറുമെന്നു തന്നെയാണ് ഇവര് പ്രതീക്ഷിക്കുന്നത്.
കമലഹാസന് എന്തുകൊണ്ട് തിരഞ്ഞെടുത്തു..?
ഒരുപാട് ആളുകളിലേക്ക് എത്താന് സാധിക്കുന്ന റിയാലിറ്റി ഷോയാണ് ബിഗ് ബോസ് എന്നാണ് കമലഹാസന് പറയുന്നത്. ഈ പ്രത്യേകത തന്നെയാണ് ഷോയുടെ അവതാരകനാകാന് തന്നെ പ്രേരിപ്പിച്ച ഘടകമെന്ന് ടൈംസ് ഓഫ് ഇന്ത്യക്കു നല്കിയ അഭിമുഖത്തില് കമലഹാസന് വ്യക്തമാക്കി. പരിപാടിയിലൂടെ തനിക്കു കിട്ടുന്ന പണവും ഒരു ഘടകം തന്നെയാണെന്ന് താരം പറഞ്ഞിരുന്നു. സിനിമയേക്കാള് റീച്ച് കിട്ടുന്ന മാധ്യമമാണ് ടെലിവിഷന് എന്നും താരം പറയുന്നു.
സല്മാന് ഖാനൊപ്പം എത്തിയില്ല
ബിഗ് ബോസിന്റെ ഹിന്ദി പതിപ്പ് അവതരിപ്പിച്ചു കൊണ്ടിരുന്ന സല്മാന് ഖാന്റെ പ്രകടനത്തിനൊപ്പം കമലഹാസന് എത്താന് കഴിഞ്ഞില്ല എന്ന അഭിപ്രായവുമുണ്ട്.
ആരൊക്കെ..?
അഭിനേതാക്കളായ ശ്രീ അനൂയ, വ്യാപുരി, ഗായത്രി രഘുറാം, ഭരണി, റൈസ വില്സന്, സ്നേഹന്, ഒവിയ, ഹാരതി, ആരവ്, ഗഞ്ച കറുപ്പ്, ഗണേഷ് വെങ്കിട്ടരാമന്, ശക്തി വാസു, നമിത, ജല്ലിക്കെട്ടു വിവാദത്തെ തുടര്ന്ന് വാര്ത്തകളിലിടം നേടിയ ജൂലി, എന്നിവരാണ് തമിഴ് ബിഗ് ബോസിലെ മത്സരാര്ത്ഥികള്.
എങ്ങനെ..?
പുറം ലോകവുമായി ബന്ധപ്പെടാന് സാധിക്കാത്ത വിധം നൂറു ദിവസം മത്സരാര്ത്ഥികളെ ഒരു വീടിനുള്ളില് അടച്ചിടുകയാണ് ചെയ്യുക. എല്ലാ ആഴ്ചയും അവതാരകന് വീട് സന്ദര്ശിക്കുന്ന അവസരത്തില് ഓരോരുത്തരെയായി എലിമിനേറ്റ് ചെയ്യും. അവസാനം അവശേഷിക്കുന്നയാളാണ് വിജയി.
വിജയ് ടിവിയില്
സ്റ്റാര് വിജയ് ചാനലിലാണ് ബിഗ് ബോസ് റിയാലിറ്റി ഷോ സംപ്രേക്ഷണംെ ചെയ്യുന്നത്. ജൂണ് 25 നായിരുന്നു ആദ്യത്തെ എപ്പിസോഡ്. കമലഹാസന് അവതാരകനാകുന്നു എന്നതു തന്നെയായിരുന്നു പരിപാടിയുടെ ഏറ്റവം വലിയ പരസ്യം
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google