സന്താനോത്പാദനം കൂട്ടാന്‍ തൊഗാഡിയയുടെ മരുന്ന്... ഹിന്ദുക്കള്‍ക്ക് മാത്രം!!!

ബരൂച്ച്(ഗുജറാത്ത്): ഹിന്ദുക്കള്‍ സന്താനോത്പാദനത്തില്‍ പിറകിലാണെന്ന് വിശ്വഹിന്ദു പരിഷത്ത് നേതാവ് പ്രവീണ്‍ തൊഗാഡിയ. മുസ്ലീം ജനസംഖ്യ കൂടുന്നതാണ് തൊഗാഡിയയുടെ പ്രശ്‌നം. ഹിന്ദുക്കളില്‍ വന്ധ്യത കൂടുകയാണെന്നും തൊഗാഡിയ പറയുന്നുണ്ട്.

സംഗതി പരിഹരിയ്ക്കാന്‍ ചില നിര്‍ദ്ദേശങ്ങളും അദ്ദേഹം നല്‍കുന്നുണ്ട്. ഒരു ഡോക്ടര്‍ കൂടിയായ തൊഗാഡിയ സന്താനോത്പാദനം വര്‍ദ്ധിപ്പിയ്ക്കാന്‍ മരുന്നും കണ്ടെത്തിയിട്ടുണ്ട്. അത് ഹിന്ദുക്കള്‍ക്ക് വിലക്കുറവില്‍ നല്‍കാമെന്ന വാഗ്ദാനവും അദ്ദേഹം മുന്നോട്ട് വയ്ക്കുന്നുണ്ട്.

വന്ധ്യത?

ഹിന്ദു പുരുഷന്‍മാരില്‍ വന്ധ്യത കൂടി വരികയാണെന്നാണ് വിശ്വ ഹിന്ദു പരിഷത്ത് നേതാവ് പ്രവീണ്‍ തൊഗാഡിയ പറയുന്നത്. അതുകൊണ്ട് ഹിന്ദു ജനസംഖ്യ കുറയുകയാണത്രെ.

കൂടുതല്‍ കുട്ടികളെ ഉണ്ടാക്കൂ

ഈ പ്രശ്‌നം പരിഹരിയ്ക്കാന്‍ കൂടുതല്‍ കുട്ടികളെ ഉണ്ടാക്കാനാണ് ഹിന്ദു ദമ്പതിമാരോട് പ്രവീണ്‍ തൊഗാഡിയയ്ക്ക് പറയാനുള്ളത്.

എന്തിനാണ്?

എന്തിനാണ് കൂടുതല്‍ കുട്ടികളെ ഉണ്ടാക്കുന്നത്? മറ്റൊന്നിനും അല്ല, മുസ്ലീം ജനസംഖ്യ വര്‍ദ്ധനവിനെ പ്രതിരോധിയ്ക്കാനാണത്രെ.

ലവ് ജിഹാദ്

ലവ് ജിഹാദും ക്രിസ്തുമതത്തിലേയ്ക്കുള്ള മതപരിവര്‍ത്തനവും എല്ലാം ഹിന്ദു ജനസംഖ്യ കുറയാന്‍ കാരണമാകുന്നുണ്ടെന്നാണ് തൊഗാഡിയയുടെ കണ്ടെത്തല്‍.

ഖര്‍ വാപസി

ഖര്‍ വാപസി കൂടുതല്‍ ആക്കണം. രാജ്യത്ത് ഏകീകൃത സിവില്‍ കോഡ് കൊണ്ടുവരണം. ഹിന്ദുക്കള്‍ കൂടുതല്‍ കുട്ടികളെ ജനിപ്പിയ്ക്കണം- തൊഗാഡിയ പറയുന്നത് ഇതൊക്കെയാണ്.

മരുന്നുണ്ട്

സന്താനോത്പാദനം വര്‍ദ്ധിപ്പിയ്ക്കാന്‍ സ്വന്തമായി മരുന്നും കൂടി കണ്ടുപിടിച്ചിട്ടുണ്ട് ഡോക്ടര്‍ കൂടിയായ തൊഗാഡിയ. ഇത് ഭക്ഷണത്തില്‍ ചേര്‍ത്ത് കഴിയ്ക്കാനാണ് തൊഗാഡിയ പുരുഷന്‍മാരോട് പറയുന്നത്.

ഡിസ്‌കൗണ്ട് ഉണ്ട്

അറനൂറ് രൂപയാണത്രെ മരുന്നിന്റെ വില. എന്നാല്‍ താന്‍ ഇത് ഇവിടെ വച്ച് വെറും അഞ്ഞൂറ് രൂപയ്ക്ക് നല്‍കാമെന്നായിരുന്നു അദ്ദേഹത്തിന്റെ വാഗ്ദാനം.

English summary

Blaming growing “impotency” among Hindu men for the decline in share of the community in the country’s population, VHP leader Pravin Togadia Friday exhorted them to “go home and worship your manhood”.