ഘര് വാപസി എന്ന ചിത്രത്തിന്റെ മ്യൂസിക് ലോഞ്ച് തടസ്സപ്പെടുത്തുമെന്ന് ശിവസേന
ദില്ലി: ഘര് വാപസി എന്ന സിനിമയുടെ മ്യൂസിക്ക് ലോഞ്ച് തടസ്സപ്പെടുത്തുമെന്ന് ശിവസേന. ശിവസേനയ്ക്കെതിരെ സംവിധായകന് സുഹൈബ് ഇല്യാസി പൊലീസില് പരാതി നല്കിയിട്ടുണ്ട്. പാകിസ്താന് ഗസല് സംഗീതജ്ഞന് ഗുലാം അലിയും സിനിമയില് അഭിനയിക്കുന്നുണ്ട്.
തന്റെ ചിത്രത്തിന്റെ മു്യൂസിക് ലോഞ്ച് തടസ്സപ്പെടുത്തുമെന്ന് ഭീഷണിയെക്കുറിച്ച് ഡിസിപിയെ നേരിട്ട് കണ്ട് പരാതി സമര്പ്പിച്ചതായി ഇല്ല്യാസി പറഞ്ഞു. പരിപാടി തടസ്സപ്പെടുത്തുമെന്ന് വിഷ്ണുഗുപ്ത എന്ന ശിവസേന നേതാവിന്റെ ഭീഷണിയുണ്ടെന്ന് കാട്ടിയാണ് പരാതി.
ചിത്രം ഹിന്ദു വിരുദ്ധമാണെന്നാണ് ഗുപ്തയുടെ ആരോപണം. അതുകൊണ്ട് തന്നെ ഇതിന്റെ മ്യൂസിക് ലോഞ്ച് റദ്ദാക്കണമെന്നും ഗുപ്ത ആവശ്യപ്പെടുന്നു. പരിപാടിക്ക് മതിയായ സുരക്ഷ ഒരുക്കുമെന്ന് ദില്ലി പോലീസ് കമ്മീഷണര് അറിയിച്ചു. ജനുവരിയില് മുംബൈയില് നടക്കേണ്ടിയിരുന്ന മ്യൂസിക്ക് ലോഞ്ച് ശിവസേനയുടെ എതിര്പ്പിനെ തുടര്ന്ന് റദ്ദാക്കിയിരുന്നു. അലിയുടെ മുംബൈ സന്ദര്ശനവും റദ്ദാക്കേണ്ടി വന്നിരുന്നു,.
തന്റെ ഫോണില് നേരിട്ട് വിളിച്ചാണ് ഗുപ്ത ഭീഷണിപ്പെടുത്തിയെന്നും ഇല്യാസി വ്യക്തമാക്കി. തനിക്കും തന്റെ കുടുംബത്തിനും പോലീസ് സംരക്ഷണം വേണമെന്നും പരിപാടിക്ക് സുരക്ഷ ഒരുക്കണമെന്നുമെന്നാണ് ഇല്യാസി പോലീസിനോട് ആവശ്യപെട്ടത്. ശിവസേനയുടെ ഭീഷണിയെ തുടര്ന്ന് കഴിഞ്ഞ കൊല്ലം ഇന്ത്യയില് നടക്കേണ്ടിയിരുന്ന പല സംഗീത പരിപാടികളും ഗുലാംഅലി ഉപേക്ഷിച്ചിരുന്നു.