ബെംഗളൂരുവില് ഹിസ്ബുല് മുജാഹിദീന് കമാന്റര് അറസ്റ്റില്; സിസിടിവി ദൃശ്യം പുറത്ത്
ബെംഗളൂരു: പാകിസ്താന് കേന്ദ്രമായി പ്രവര്ത്തിക്കുന്ന ഹിസ്ബുല് മുജാഹിദീന്റെ കമാന്റര് താലിബ് ഹുസൈന് ബെംഗളൂരുവില് അറസ്റ്റില്. ജമ്മു കശ്മീര് പോലീസ് കര്ണാടകയിലെത്തിയാണ് അറസ്റ്റ് രേഖപ്പെടുത്തിയത്. കര്ണാടക പോലീസിന്റെ സഹായത്തോടെ രഹസ്യമായിട്ടായിരുന്നു നീക്കം. ബെംഗളൂരുവില് ഓട്ടോ ഡ്രൈവറായിട്ടാണ് ഇയാള് കഴിഞ്ഞിരുന്നത്. കശ്മീര് താഴ്വരയിലെ ഹിന്ദുക്കളെ ലക്ഷ്യമിട്ട് ഇയാള് പ്രവര്ത്തിച്ചുവെന്നാണ് പോലീസ് പറയുന്നത്.
താലിബിനെ അറസ്റ്റ് ചെയ്യുന്ന സിസിടിവി ദൃശ്യം പുറത്തുവന്നു. സംഭവത്തില് കര്ണാടക മുഖ്യമന്ത്രി ബസവരാജ ബൊമ്മൈ മാധ്യമങ്ങളോട് പ്രതികരിച്ചു. ഓരോ വ്യക്തികളുടെയും നീക്കം പോലീസ് സൂക്ഷ്മമായി നിരീക്ഷിക്കുന്നുണ്ട്. കര്ണാടക പോലീസിന്റെ സഹായത്തോടെയാണ് കശ്മീര് പോലീസ് അറസ്റ്റ് ചെയ്തത്. നേരത്തെ സമാനമായ അറസ്റ്റ് ഭട്കലിലും നടന്നിരുന്നുവെന്നും മുഖ്യമന്ത്രി പറഞ്ഞു.
കശ്മീര് താഴ്വരിയില് അടുത്തിടെയായി പണ്ഡിറ്റുകള്ക്കെതിരെ തുടര്ച്ചയായി ആക്രമണം നടക്കുന്നുണ്ട്. രാഹുല് ഭട്ട്, വിജയ് കുമാര് എന്നിവരെല്ലാം കൊല്ലപ്പെട്ടത് ദിവസങ്ങള്ക്ക് മുമ്പാണ്. ഇതിന് പിന്നില് തീവ്രവാദികളാണ് എന്ന് പോലീസ് പറയുന്നു. ചില തീവ്രവാദികളെ പോലീസ് വെടിവച്ചു കൊല്ലുകയും ചെയ്തു. വിജയ് കുമാര് കേസിലെ പ്രതികളെ ഇതുവരെ കിട്ടിയിട്ടില്ലെന്നും വൈകാതെ പിടിക്കുമെന്നും കശ്മീര് ഐജി പറഞ്ഞു. രാജസ്ഥാനില് നിന്നുള്ള വിജയ് കുമാര് കശ്മീരിലെ കുല്ഗാമില് വച്ചാണ് കൊല്ലപ്പെട്ടത്. ബാങ്ക് മാനേജരായ ഇയാളെ ഓഫീസിന് പുറത്തുവച്ച് തീവ്രവാദികള് വെടിവച്ച് കൊല്ലുകയായിരുന്നു. ടെലിവിഷന് കലാകാരനായ ഭട്ടിനെ ബദ്ഗാമില് വച്ചാണ് തീവ്രവാദികള് കൊലപ്പെടുത്തിയത്.
പ്രതികളെ പിടികൂടാനുള്ള എല്ലാ ശ്രമവും നടത്തിവരികയാണ് കശ്മീര് പോലീസ്. മേഖലയില് നിന്ന് അപ്രത്യക്ഷരായവരുടെ വിവരങ്ങള് പോലീസ് തേടുന്നുണ്ട്. അതിനിടെയാണ് താലിബ് ഹുസൈന് അറസ്റ്റിലായിരിക്കുന്നത്. ഇയാളുമായി ബന്ധപ്പെട്ട വിവരങ്ങള് പോലീസ് പൂര്ണമായും പുറത്തുവിട്ടിട്ടില്ല. ഓട്ടോ ഡ്രൈവറായിട്ടാണ് പ്രതി ബെംഗളൂരുവില് താമസിച്ചിരുന്നത് എന്ന് പോലീസ് സൂചിപ്പിച്ചു. കഴിഞ്ഞ ദിവസം രാത്രിയാണ് അറസ്റ്റ് നടന്നത്. പ്രതിയുമായി പോലീസ് നടന്നുപോകുന്നതും പിന്നീട് വാഹനത്തില് കയറുന്നതുമായ സിസിടിവി ദൃശ്യമാണ് പുറത്തുവന്നിരിക്കുന്നത്. വൈകാതെ കൂടുതല് വിവരങ്ങള് പുറത്തുവരുമെന്നാണ് കരുതുന്നത്.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google