Click it and Unblock the Notifications
Just In
Don't Miss
-
മാസങ്ങളില് അതിശ്രേഷ്ഠം വൈശാഖ മാസം; മഹാവിഷ്ണുവും ലക്ഷ്മീദേവിയും ഭൂമിയില് അവതരിച്ച മാസം -
തെറ്റുകള് ഞങ്ങളുടെ ഭാഗത്ത് നിന്നും വരും; ഞങ്ങളും ഇതില് ആദ്യമാണെന്ന് മക്കളോട് പറയും: പൂര്ണിമ -
T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ലഷ്‌കര്‍ തലവനെ കൊലപ്പെടുത്തിയത് ഭാര്യയെ കാണാനെത്തിയപ്പോള്‍; സൈനിക നീക്കം ഇങ്ങനെ
സൈന്യം ഏറെക്കാലമായി തിരഞ്ഞുകൊണ്ടിരിക്കുന്ന ലഷ്‌കര്‍ ഇ തൊയ്ബ കാശ്മീര്‍ കമാന്‍ഡര്‍ അബു ദുജാനെയെ കൊലപ്പെടുത്തിയത് ഭാര്യയെ കാണാനെത്തിയപ്പോഴെന്ന് റിപ്പോര്‍ട്ട്
ശ്രീനഗര്‍: സൈന്യം ഏറെക്കാലമായി തിരഞ്ഞുകൊണ്ടിരിക്കുന്ന ലഷ്‌കര്‍ ഇ തൊയ്ബ കാശ്മീര്‍ കമാന്‍ഡര്‍ അബു ദുജാനെയെ കൊലപ്പെടുത്തിയത് ഭാര്യയെ കാണാനെത്തിയപ്പോഴെന്ന് റിപ്പോര്‍ട്ട്. കഴിഞ്ഞവര്‍ഷം ഹിസ്ബുള്‍ മുജാഹിദ്ദീന്‍ കമാന്‍ഡര്‍ ബുര്‍ഹന്‍ വാണിയെ കൊലപ്പെടുത്തിയശേഷം സൈന്യത്തിന്റെ മറ്റൊരു നേട്ടമായാണ് ഇതിനെ കാണുന്നത്.
സൈന്യത്തിന്റെ പ്രധാന നോട്ടപ്പുള്ളിയാണ് അബു ദുജാന്‍. A++ നല്‍കിയാണ് ഇയാളെ ഭീകരരുടെ പട്ടികയില്‍ ഉള്‍പ്പെടുത്തിയത്. ഇയാളുടെ തലയ്ക്ക് 15 ലക്ഷം രൂപ പാരിതോഷികവും പ്രഖ്യാപിച്ചിരുന്നു. നേരത്തെ പലതവണ സുരക്ഷാ ഭടന്മാരുടെ പിടിയില്‍ നിന്നും രക്ഷപ്പെട്ട ഭീകരന്‍ ഇത്തവണ കുടുങ്ങുകതന്നെ ചെയ്തു.
കാശ്മീരില്‍ ഭാര്യവീട്ടില്‍ സന്ദര്‍ശനത്തിനെത്തിയപ്പോഴായിരുന്നു ഇയാളെ ഏറ്റുമുട്ടലിലൂടെ കൊലപ്പെടുത്തിയത്. ഭാര്യ റുഖിയ, കാമുകി ഷാസിയ എന്നിവരുടെ വീടുകളില്‍ എത്തുമെന്ന സൂചന ലഭിച്ചതിനെ തുടര്‍ന്ന് ഈ രണ്ടുവീടുകള്‍ നിരീക്ഷണത്തിലായിരുന്നു. കഴിഞ്ഞദിവസം അബു ദുജാന്‍ ഇവിടെ എത്തിയെന്ന് സ്ഥിരീകരിച്ചതോടെ ഓപ്പറേഷന്‍ പ്ലാന്‍ ചെയ്തു.
പുല്‍വാമയിലെ ഹക്രിപോര ഗ്രാമത്തിലായിരുന്നു ഭീകരനെത്തിയത്. പുലര്‍ച്ചെ മൂന്നുമണിയോടെ സ്ഥലത്ത് സൈനിക നീക്കം ആരംഭിച്ചു. ജമ്മു കാശ്മീര്‍ പോലീസ്, സൈന്യത്തിന്റെ രാഷ്ട്രീയ റൈഫിള്‍സ് എന്നവര്‍ സംയുക്തമായിട്ടായിരുന്നു ഓപ്പറേഷന്‍. കീഴടങ്ങാന്‍ നിര്‍ദ്ദേശിച്ചെങ്കിലും പാക്കിസ്ഥാന്‍കാരനായ അബു ദുജാന കൂട്ടാക്കിയില്ല. ഭീകരന്‍ വെടിവെക്കുകകൂടി ചെയ്തതോടെ സൈന്യം തിരിച്ചടിച്ചു. രാവിലെ 9.30ന് ദുജാനയും സുഹൃത്ത് ആരിഫ് നബിയും കൊല്ലപ്പെടുന്നതുവരെ വെടിവെയ്പ് തുടര്‍ന്നു.
