വിശപ്പ് സഹിക്കാന് വയ്യ; ചത്ത നായയെ തിന്നുന്നു... നെഞ്ച് തകര്ക്കുന്ന വീഡിയോ
ദില്ലി: മനുഷ്യ മനസാക്ഷിയെ ഞെട്ടിക്കുന്ന വീഡിയോയാണ് പുറത്തുവന്നിരിക്കുന്നത്. വിശപ്പ് സഹിക്കാന് വയ്യാതെ ചത്ത നായയെ തിന്നുന്നു പുരുഷന്. രാജസ്ഥാനിലെ ജയ്പൂരിലെ ഹൈവേയില് നിന്നുള്ള വീഡിയോ ആണ് സോഷ്യല് മീഡിയയില് വൈറലായിരിക്കുന്നത്. ഭക്ഷണം അനാവശ്യമായി കളയുന്ന വ്യക്തികള്ക്കുള്ള താക്കീത് കൂടിയാണിത്. വിശപ്പ് സഹിക്കാന് വയ്യാതെ നായയുടെ ജഡം തിന്നുന്ന വ്യക്തിയുടെ ചിത്രം ജയ്പൂര്-ദില്ലി ഹൈവേയില് നിന്നാണെന്ന് ടൈംസ് നൗ ഉള്പ്പെടെയുള്ള മാധ്യമങ്ങളുടെ റിപ്പോര്ട്ടുകള് സൂചിപ്പിക്കുന്നു.
കൃത്യമായ സ്ഥലം ഒരു റിപ്പോര്ട്ടിലും പറയുന്നില്ല. ലോക്ക് ഡൗണ് പ്രഖ്യാപിച്ചതിനെ തുടര്ന്ന് ലക്ഷക്കണക്കിന് കുടിയേറ്റ തൊഴിലാളികള് സ്വന്തം നാടുകളിലേക്ക് പോകുന്നതായിരുന്നു കഴിഞ്ഞദിവസമുള്ള രാജ്യത്തിന്റെ ഹൈവേകളിലെ കാഴ്ചകള്. ഇതില് പലരും മതിയായ ഭക്ഷണമോ വെള്ളമോ ഇല്ലാതെയാണ് പുറപ്പെട്ടത്. രാത്രിയും പകലുമായി നടന്ന് നാടണയാന് ശ്രമിക്കുന്ന തൊഴിലാളികളുടെ ചിത്രങ്ങള് കഴിഞ്ഞദിവസങ്ങളില് രാജസ്ഥാന്, മധ്യപ്രദേശ്, ദില്ലി, ഉത്തര് പ്രദേശ് എന്നിവിടങ്ങളില് നിന്ന് പുറത്തുവന്നിരുന്നു.
നായയെ തിന്നുന്ന വ്യക്തിയെ സഹായിക്കാന് കാറിലെത്തിയ ഒരാള് ശ്രമിക്കുന്ന മറ്റൊരു വീഡിയോയും പ്രചരിക്കുന്നുണ്ട്. കാറിലെത്തിയവര് ഇയാള്ക്ക് ഭക്ഷണവും വെള്ളവും നല്കി. ഞാന് ദില്ലിയിലേക്ക് പോകുകയാണ്. ഈ വേളയിലാണ് ഒരാള് ചത്ത നായയെ തിന്നുന്നത് കണ്ടത്. ഉടന് കാര് നിര്ത്തി. കൈയ്യിലുള്ള ഭക്ഷണം നല്കിയെന്ന് കാറിലുള്ള യുവാവ് പറയുന്നത് വീഡിയോയില് കേള്ക്കാം.
മോദിക്കെതിരെ സോണിയ ഗാന്ധിയുടെ വന് ഒരുക്കം; കൂടെയുണ്ടെന്ന് ഉദ്ധവ് താക്കറെ, വെള്ളിയാഴ്ച യോഗം
സോണിയ ഗാന്ധിക്കെതിരെ കേസെടുത്തു; സര്ക്കാരിനെതിരെ നീങ്ങി..., ഗൗരവമേറിയ വകുപ്പുകള്, വിവരങ്ങള്...
ഇന്ത്യയുടെ മുറത്തില് കൊത്തി നേപ്പാള്; പുതിയ ഭൂപടം തയ്യാറാക്കി, കൊറോണയും... തിരിച്ചടിച്ച് കേന്ദ്രം