കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഭർത്താവിനെ ക്രൂരമായി തല്ലിച്ചതച്ച് ഭാര്യ, സിഗരറ്റ് കൊണ്ട് പൊള്ളിച്ചു, വീഡിയോ വൈറൽ!

Google Oneindia Malayalam News

കൊല്‍ക്കത്ത: കൊവിഡ് ലോക്ക്ഡൗണ്‍ കാലത്ത് ഗാര്‍ഹിക പീഡന നിരക്ക് ഉയരുന്നതായാണ് കണക്കുകള്‍. അതിനിടെ കൊല്‍ക്കത്തയില്‍ നിന്നും ഭാര്യ ഭര്‍ത്താവിനെ ക്രൂരമായി ആക്രമിക്കുന്ന വീഡിയോ പുറത്ത് വന്നിരിക്കുകയാണ്. ഭര്‍ത്താവിനെ യുവതി അടിക്കുകയും തൊഴിക്കുകയും സിഗരറ്റ് ഉപയോഗിച്ച് ശരീരത്തില്‍ പൊള്ളലേല്‍പ്പിക്കുകയുമടക്കം ചെയ്യുന്ന വീഡിയോ ആണ് സോഷ്യല്‍ മീഡിയയില്‍ വൈറലായിരിക്കുന്നത്.

പശ്ചിമ ബംഗാളിലെ ബിധാന്‍ നഗറിലാണ് സംഭവം. മുപ്പത്തിമൂന്നുകാരനായ യുവാവിനാണ് ഭാര്യത്തില്‍ നിന്നും അതിക്രൂരമായ മര്‍ദ്ദനം ഏറ്റുവാങ്ങേണ്ടി വന്നത്. ഭര്‍ത്താവിന്റെ മാതാപിതാക്കള്‍ വീട്ടില്‍ താമസിക്കാന്‍ വന്നതാണ് ഭാര്യയെ പ്രകോപിപ്പിച്ചത് എന്നാണ് വിവരം. ഇവര്‍ വീട്ടിലേക്ക് കൊറോണയെ കൊണ്ട് വന്നു എന്നാരോപിച്ചാണ് യുവതി ഭര്‍ത്താവിനെ പൊതിരെ തല്ലിയത്.

VIDEO

യുവാവിന്റെ മുഖത്ത് തുടര്‍ച്ചയായി ഭാര്യ തല്ലുന്നത് വീഡിയോയില്‍ കാണാം. ഇത് കൂടാതെ കൈ പിറകിലേക്ക് തിരിക്കുന്നതും സിഗരറ്റ് ഉപയോഗിച്ച് പൊള്ളിക്കുന്നതും വീഡിയോയില്‍ പതിഞ്ഞിട്ടുണ്ട്. മാത്രമല്ല യുവതി ഭര്‍ത്താവിനെ തെറി പറയുന്നതും കേള്‍ക്കാം. വീട്ടിലെ വെബ് ക്യാമില്‍ ആണ് മര്‍ദ്ദനത്തിന്റെ ദൃശ്യങ്ങള്‍ പതിഞ്ഞത്.

ജൂണ്‍ 5നാണ് യുവാവ് ആക്രമിക്കപ്പെട്ടത്. തന്നെ ഭാര്യ കഴിഞ്ഞ നാല് വര്‍ഷമായി ഇത്തരത്തില്‍ ക്രൂരമായി മര്‍ദ്ദിക്കുന്നുണ്ട് എന്നാണ് ഭര്‍ത്താവ് പരാതിപ്പെടുന്നത്. ഇതേത്തുടര്‍ന്ന് യുവാവ് പരാതിയുമായി പോലീസിനെ സമീപിച്ചിരുന്നു. എന്നാല്‍ പോലീസ് കേസെടുക്കാന്‍ തയ്യാറായില്ല എന്നാണ് ആരോപണം. തുടര്‍ന്നാണ് ഭര്‍ത്താവ് വീഡിയോ പുറത്ത് വിട്ടത്. വീഡിയോ സോഷ്യല്‍ മീഡിയയില്‍ വൈറലായതിന് പിറകെ യുവതിക്ക് എതിരെ പോലീസ് കേസ് രജിസ്റ്റര്‍ ചെയ്തിട്ടുണ്ട്. ഭാര്യയ്ക്ക് വേണ്ടി അച്ഛനേയും അമ്മയേയും ഉപേക്ഷിക്കാൻ സാധിക്കില്ലെന്ന് യുവാവ് പറയുന്നു. മർദ്ദനത്തിൽ പരിക്കേറ്റ യുവാവ് ആശുപത്രിയിൽ ചികിത്സ തേടി.

English summary
Husband cruelly beaten up by wife in Kolkata
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X