ഹണിമൂണിനിടെ വിമാനത്തില് ഭാര്യയുമായി വഴക്കിട്ടു; ഭര്ത്താവ് പാതിവഴിയില് ഇറങ്ങിപ്പോയി
പറ്റ്ന: തങ്ങളുടെ പ്രിയപ്പെട്ടവരുമായി ഇടയ്ക്ക് വഴക്കുണ്ടാക്കുന്നത് ഒരു പുതിയ കാര്യമൊന്നുമല്ല. ഇടയക്ക് വഴക്കിട്ടും പിന്നെ ഇണങ്ങിയുമൊക്കെ പോകുന്നതാണ് ജീവിതം. എന്നാല്, വിമാനത്തില്വെച്ച് ഭാര്യയുമായി വഴക്കുണ്ടാക്കുകയും ഭര്ത്താവ് പാതിവഴിയില് ഇറങ്ങിപ്പോവുകയും ചെയ്ത അപൂര്വ സംഭവത്തിനാണ് പറ്റ്ന വിമാനത്താവളം കഴിഞ്ഞദിവസം സാക്ഷിയായത്.
ഗോവയില് നിന്നും കൊല്ക്കത്ത-പറ്റ്ന-ലക്നൗ വഴി ദില്ലിയിലേക്ക് പോകുന്ന ഇന്ഡിഗോ വിമാനത്തിലെ യാത്രക്കാരായിരുന്നു ഭാര്യയും ഭര്ത്താവും. ആറുപേരടങ്ങുന്ന ഇവരുടെ സംഘം ഗോവയില് ഹണിമൂണിന് പോയി മടങ്ങുകയായിരുന്നു. ഗോവയില് നിന്നും ലക്നൗവിലേക്കായിരുന്നു യാത്ര. എന്നാല്, മടങ്ങുംവഴി ഭാര്യയും ഭര്ത്താവും വിമാനത്തില് രൂക്ഷമായി വാക്കേറ്റമുണ്ടാവുകയായിരുന്നു.
ഇയാളുടെ മൊബൈല് ഫോണ് ട്രേസ് ചെയ്യാന് പോലീസ് ശ്രമിച്ചെങ്കിലും സ്വച്ച് ഓഫ് ചെയ്ത് ഇയാള് റോഡുമാര്ഗം നാട്ടിലേക്കു പോവുകയായിരുന്നെന്നാണ് വിവരം. ഭാര്യയും മറ്റു യാത്രക്കാരുമാകട്ടെ ഭര്ത്താവില്ലാതെ ലക്നൗവിലേക്ക് യാത്ര തിരിക്കുകയും ചെയ്തു. ഹണിമൂണില് തന്നെ ഇത്തരത്തിലാണെങ്കില് ഇവരുടെ ഭാവി ജീവിതം എന്താകുമെന്നാണ് വിമാനജീവനക്കാര് ഇപ്പോള് ചോദിക്കുന്നത്.