കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആറാമതും പെണ്‍കുഞ്ഞ് എന്ന് കരുതി ഭാര്യയുടെ വയറ് കീറി; ഗര്‍ഭസ്ഥ ശിശു മരിച്ചു, അത് ആണ്‍കുഞ്ഞായിരുന്നു

Google Oneindia Malayalam News

ദില്ലി: അഞ്ച് പെണ്‍മക്കള്‍... ആറാമത് പിറക്കുന്നതും പെണ്‍കുഞ്ഞാകുമോ എന്ന് ആശങ്ക. തുടര്‍ന്ന് ഭര്‍ത്താവ് ചെയ്തത് കൊടുംക്രൂരത. ഭാര്യയുടെ വയറ് മൂര്‍ച്ചയേറിയ ആയുധം കൊണ്ട് കീറി. ഒടുവില്‍ സംഭവിച്ചത് ഗര്‍ഭസ്ഥ ശിശുവിന്റെ മരണം. പിറക്കാനിരുന്ന ആ കുഞ്ഞ് ആണായിരിന്നു. ഭര്‍ത്താവും കുടുംബവും ആഗ്രഹിച്ചതും ആണ്‍കുഞ്ഞിനെ തന്നെ. ഭാര്യയുടെ നില അതീവ ഗുരുതരമായി തുടരുകയാണ്. ഉത്തര് പ്രദേശിലെ ബദായൂനിലാണ് സംഭവം.

b

ശനിയാഴ്ച രാത്രിയാണ് ഭര്‍ത്താവ് പന്നാലാല്‍ ഭാര്യ അനിതാ ദേവിയോട് ക്രൂരത കാട്ടിയത്. അരിവാള്‍ കൊണ്ട് ഭാര്യയുടെ വയര്‍ കീറുകയായിരുന്നു. കുഞ്ഞിന്റെ ലിംഗം അറിയുകയായിരുന്നു ലക്ഷ്യമെന്ന് ബന്ധുക്കള്‍ പറയുന്നു. അതേസമയം, കുഞ്ഞിനെ ഇല്ലാതാക്കുകയായിരുന്നു പന്നാലാലിന്റെ ഉദ്ദേശമെന്നും റിപ്പോര്‍ട്ടുകളുണ്ട്. വീട്ടുമുറിയില്‍ രക്തത്തില്‍ കുളിച്ചുകിടന്ന അനിതയെ കുടുംബങ്ങളും അയല്‍വാസികളും ചേര്‍ന്ന് ജില്ലാ ആശുപത്രിയിലെത്തിച്ചു. ഗുരുതരമായതിനാല്‍ ബറേലിയിലെ സ്വകാര്യ ആശുപത്രിയിലേക്ക് മാറ്റി. ഇവിടെ നിന്ന് ദില്ലിയിലെ ആശുപത്രിയിലെത്തിച്ചു. ഇവിടെ ചികില്‍സയിലാണിപ്പോള്‍ അനിത.

ഏഴ് മാസം ഗര്‍ഭിണിയായിരുന്നു അനിത. നേരത്തെയുള്ള അഞ്ചും പെണ്‍മക്കളായതിനാല്‍ ആണ്‍കുഞ്ഞ് വേണമെന്ന് പന്നാലാലിന് നിര്‍ബന്ധമായിരുന്നുവത്രെ. തുടര്‍ന്നാണ് ശനിയാഴ്ച വൈകീട്ട് അരിവാള്‍ ഉപയോഗിച്ച് ഭാര്യയുടെ വയറ് കീറിയത്. പിറക്കാനിരുന്ന കുഞ്ഞ് ആണ്‍കുഞ്ഞായിരുന്നു. പന്നാലാലിനെതിരെ പോലീസ് കേസെടുത്തു. ഇയാളുടെ അറസ്റ്റ് രേഖപ്പെടുത്തി. ഇപ്പോള്‍ ജയിലിലാണ്. കുഞ്ഞ് മരിച്ച സാഹചര്യത്തില്‍ കൊലക്കുറ്റം ചുമത്തുമെന്നാണ് പോലീസ് പറയുന്നത്.

'മോദി സര്‍ക്കാര്‍ 'എന്‍ഡിഎ' ക്ക് പുതിയ അര്‍ത്ഥം നല്‍കുകയാണ്'; പരിഹസിച്ച് ശശി തരൂര്‍'മോദി സര്‍ക്കാര്‍ 'എന്‍ഡിഎ' ക്ക് പുതിയ അര്‍ത്ഥം നല്‍കുകയാണ്'; പരിഹസിച്ച് ശശി തരൂര്‍

Recommended Video

cmsvideo
Phase 3 Human Clinical Trial Of Oxford Vaccine Begins In Pune | Oneindia Malayalam

വയറ് കീറുന്നതിന് മുമ്പ് വീട്ടില്‍ തര്‍ക്കമുണ്ടായി എന്നാണ് പോലീസിന് ലഭിച്ച വിവരം. ആറാമതും പെണ്‍കുഞ്ഞാകുമെന്ന് ഗ്രാമത്തിലെ പൂജാരി പറഞ്ഞിരുന്നുവത്രെ. ഇത് വിശ്വസിച്ചാണ് പന്നാലാല്‍ മദ്യപിച്ചെത്തി അനിതയുമായി വാക്കു തര്‍ക്കമുണ്ടായത്. ഗര്‍ഭഛിദ്രം നടത്തണമെന്ന് പന്നാലാല്‍ ആവശ്യപ്പെട്ടു. അനിത തയ്യാറല്ലെന്ന് മറുപടി നല്‍കി. ഇതോടെയാണ് തര്‍ക്കം തുടങ്ങിയത്. ഇപ്പോള്‍ ദില്ലി സഫ്ദര്‍ജങ് ആശുപത്രിയില്‍ ചികില്‍സയിലാണ് അനിത. ആരോഗ്യനില തൃപ്തികരമല്ല എന്നാണ് റിപ്പോര്‍ട്ടുകള്‍. ഭര്‍ഭപാത്രത്തിന് ഗുരുതര പരിക്കുണ്ട്. അതുകൊണ്ടുതന്നെ ഇനി ഗര്‍ഭം ധരിക്കാനാകില്ലെന്നാണ് ഡോക്ടര്‍മാര്‍ പറയുന്നത്.

English summary
Husband slit stomach of wife to identify gender of child, Uttar Pradesh woman loses unborn child
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X