Click it and Unblock the Notifications
Just In
-
-
-
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
അവിഹിതം കണ്ടെത്തിയ ഭാര്യയെ കൊന്നു, 'ദൃശ്യം' തോല്‍ക്കുന്ന കൊലപാതക കഥ
ബാംഗ്ലൂര്‍: മാല മോഷ്ടാക്കള്‍ കൊന്നുവെന്ന് കരുതിയ സ്ത്രീയുടെ മരണത്തിന് പിന്നില്‍ ഭര്‍ത്താവാണെന്ന് പൊലീസ് കണ്ടെത്തി. ശങ്കര്‍നഗര്‍ സ്വദേശിയായ വീട്ടമ്മയെയാണ് കഴിഞ്ഞ ദിവസം റോഡില്‍ കൊല്ലപ്പെട്ട നിലയില്‍ കണ്ടെത്തിയത്. ബൈക്കിലെത്തിയ മോഷ്ടാക്കള്‍ ഇവരെ അപായപ്പെടുത്തി ആഭരണങ്ങള്‍ മോഷ്ടിച്ച് കടന്നതാകാമെന്നാണ് പൊലീസ് ആദ്യം കരുതിയത്. എന്നാല്‍ പിന്നീടാണ് കാര്യങ്ങള്‍ വ്യക്തമായത്.
തന്റെ അവിഹിതബന്ധം കണ്ടെത്തിയതിനും സ്ഥിരം വഴക്കടിച്ചതിനുമാണ് മുദ്ദുലക്ഷ്മി(56) എന്ന സ്ത്രീയെ ഭര്‍ത്താവ് തിമ്മയ്യന്‍(62)കൊലപ്പെടുത്തിയത്. ഭാര്യയുമായി അത്ര രസത്തിലല്ലായിരുന്നു ഇയാള്‍. സംഭവ ദിവസം മഴയുണ്ടായിരുന്നു. ടെറസില്‍ മഴവെള്ളം കെട്ടിക്കിടക്കുന്നുണ്ടോ എന്നും, എന്നാല്‍ അത് മാറ്റണമെന്നും പറഞ്ഞ് രാത്രി ഭാര്യയെ ടെറസിലേയ്ക്ക് കൂട്ടിക്കൊണ്ട് പോയി.
ടെറസില്‍ ചോര്‍ച്ചയുണ്ടോ എന്ന് പരിശോധിയ്ക്കുന്നതിനിടെ മുദ്ദലക്ഷ്മിയെ ഭര്‍ത്താവ് താഴേയ്ക്ക് തള്ളിയിട്ടു. അതിന് ശേഷം തിമ്മയ്യന്‍ മുറിയിലേയ്ക്ക് പോയി. അര്‍ധരാത്രിയോടെ പുറത്തിറങ്ങിയ ഇയാള്‍ സ്ത്രീയുടെ മൃതദേഹം റോഡിലേയ്ക്ക് മാറ്റിയിട്ടു. എന്നിട്ട് ആഭരണങ്ങള്‍ അഴിച്ചെടുത്തു. മുഖം സാരി കൊണ്ട് മൂടി. മോഷണത്തിനിടെ നടന്ന കൊലപാതകമെന്ന് തോന്നിപ്പിയ്ക്കുന്ന വിധത്തില്‍ മൃതദേഹം മാറ്റി.
പൊലീസും നാട്ടുകാരും ആദ്യം മാലമോഷ്ടാക്കളാകും കൊലപാതകത്തിന് പിന്നിലെന്നാണ് സംശയിച്ചത്. എന്നാല്‍ സ്ത്രീയുടെ കഴുത്തില്‍ പിടിച്ച് പറി നടന്നതിന്റെ ലക്ഷണങ്ങളില്ലായിരുന്നു. ഇത് മാത്രമല്ല പോസ്റ്റ് മോര്‍ട്ടം റിപ്പോര്‍ട്ടില്‍ കെട്ടിടത്തില്‍ നിന്നോ മറ്റോ വീണപ്പോഴുണ്ടായ മുറിവുകളാവാം സ്ത്രീയുടെ ശരീരത്തിലുണ്ടായിരുന്നതെന്ന് കണ്ടെത്തി. സ്ത്രീയെ അഞ്ചാം നിലയില്‍ നിന്നാണ് ഭര്‍ത്താവ് തള്ളിയിട്ടത്. ചോദ്യം ചെയ്യലില്‍ ഇയാള്‍ കുറ്റം സമ്മതിച്ചു.
