Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ബാലവേല; 48 കുട്ടികളെ ഒരു ഫാക്ടറിയില്‍ നിന്നും മോചിപ്പിച്ചു
ഹൈദരാബാദ്: ഹൈദരാബാദിലെ ഒരു ഫാക്ടറിയില്‍ നിന്നും ബാലവേലയ്ക്കിരയായ 48 കുട്ടികളെ ബാലാവകാശ പ്രവര്‍ത്തകരും സിഐഡിയും ചേര്‍ന്ന് മോചിപ്പിച്ചു. മൈലാരദേവപ്പള്ളി പ്രദേശത്തെ ഫാക്ടറിയില്‍നിന്നുമാണ് കുട്ടികളെ മോചിപ്പിച്ചത്. 31 പെണ്‍കുട്ടികളും 17 ആണ്‍കുട്ടികളും സംഘത്തിലുണ്ടായിരുന്നു. കുട്ടികളെ സംരക്ഷണ കേന്ദ്രത്തിലേക്ക് മാറ്റി.
കുട്ടികളെ ബാലവേല ചെയ്യിക്കുന്നതായി വിവരം ലഭിച്ചതിനെ തുടര്‍ന്നാണ് കമ്പനിയില്‍ റെയ്ഡ് നടത്തിയത്. 15നും 18നും ഇടയില്‍ പ്രായമുള്ളവരാണ് ഇവരെന്ന് സിഐഡി ഇന്‍സ്‌പെക്ടര്‍ ചന്ദ്രമോഹന്‍ പറഞ്ഞു. സംഭവത്തില്‍ കമ്പനി ഉടമയ്‌ക്കെതിരെ ജുവനൈല്‍ ജസ്റ്റിസ് ആക്ട് പ്രകാരം പോലീസ് കേസ് രജിസ്റ്റര്‍ ചെയ്തു.
കുട്ടികള്‍ അപകടകരമായ സാഹചര്യത്തിലാണ് ജോലി ചെയ്തിരുന്നതെന്ന് ഉദ്യോഗസ്ഥന്‍ പറയുന്നു. വിവിധ ഏജന്‍സികളുമായി സഹകരിച്ചാണ് കമ്പനിയില്‍ പരിശോധന നടത്തിയത്. ഇവിടെ ജോലി ചെയ്യുന്ന കുട്ടികളുടെ നില പരിതാപകരമാണ്. മിക്കവരുടെ കുടുംബ പശ്ചാത്തലവും വളരെ മോശമാണെന്നും ചന്ദ്രമോഹന്‍ പറഞ്ഞു.
തമിഴ് നാട്, ആന്ധ്ര പ്രദേശ് കൂടാതെ കമ്പനിക്കടുത്തുള്ള ചില പ്രദേശങ്ങളിലെ കുട്ടികളുമാണ് ഫാക്ടറിയില്‍ ജോലി ചെയ്തിരുന്നത്. ഇവരെ പുന:രധിവസിപ്പിക്കുന്നതിനെക്കുറിച്ച് ബാലാവകാശ സംരക്ഷണ സംഘം ആലോചിക്കുകയാണ്. പഠന സാഹചര്യമില്ലാത്ത ദരിദ്രരായവരാണ് കുട്ടികളെല്ലാം.
